BU HKAWM 10:25 - Jinghpaw Hanson Version Bible

²⁵ Dai hpang, dap yawng a hpang jahtum dap ngu na Dan dap a hpung daw wa ni gaw tinang a dawnghkawn hte rau rawt sa wa ma ai: dai dap a agyi gaw Amishadi a kasha Ahiza rai nga ai.

Jinghpaw Common Language Bible 2009

²⁵ Hpang jahtum ngu na dap gaw Dan a amyu bawsang ni rai nna dai hpung dawwa a dawnghkawn npu hta hpung yawng hpe makawp maga ai hku nna Amishadi a kasha Ahiza woi awn ai hte hpung hte hpung rawt sa wa na rai ma ai.

BU HKAWM 10:25 ပူးပေါင်းရင်းမြစ်များ

ESAIA 52:12

Kaning rai nme law, nanhte tin shapun pru wa na n rai; hprawng ai zawn mung pru wa na n rai, Yehowa nan nanhte a shawng e sa wa nna, Israela Karai Kasang gaw nanhte a hpang e sin langa tai na ra ai.

ESAIA 58:8

Shing rai na a nhtoi gaw, jahpawt manap na nhtoi zawn, htoi wa nna, na a hkam kaja ai gaw alawan tu na ra ai; na a dinghpring ai lam na a shawng e sa wa nna, Yehowa a hpung shingkang na a hpang e sin langa tai na ra ai.

BU HKAWM 1:12

Dan a amyu hta na, Amishadi a kasha Ahiza;

BU HKAWM 10:24

Ben-yamin dap na hpung daw wa agyi gaw Gidoni a kasha Abidan rai nga ai.

BU HKAWM 10:26

Ashe dap na hpung daw wa agyi gaw Ohkran a kasha Pagila rai nga ai.

BU HKAWM 7:66

Shi ngu na nhtoi hta Dan amyu na agyi Amishadi a kasha Ahiza kumhpa sak jaw wu ai:

YAWSHU 6:13

Garu pahtau sanit lang ai hkinjawng marai sanit mung, Yehowa a sumpu man e pahtau dum let sa wa ma ai; ri nhtu lang ai ni mung, shanhte a shawng e sa wa ma ai; hpang na dap ni mung Yehowa a sumpu hpang e hkan nang ma ai rai nna, pahtau dum let sa wa ma ai.

YAWSHU 6:9

Ri nhtu lang ai ni, pahtau dum ai hkinjawng ni a shawng e sa wa nna, hpang na dap ni gaw dai sumpu hpang e hkan nang sa wa ma ai: hkinjawng ni pahtau dum let sa wa ra ai.