BU HKAWM 10:10 - Jinghpaw Hanson Version Bible

¹⁰ Nanhte a kabu gara shani hta mung, madat da ai poi shani hta mung, shata praw shani hta mung, nanhte a Karai Kasang nanhte hpe dum nga na matu, nanhte a wan nat hkungga ni, nanhte nawng ai mahku hkungga ni hta pahke dum na rai myit dai: ngai gaw nanhte a Karai Kasang Yehowa rai nga nngai,” ngu wu ai.

Jinghpaw Common Language Bible 2009

¹⁰ Kabu gara ai shani ngu ai Shata Praw hta galaw ai Poi ni hte kaga nawku htung hte seng nna galaw ai poi ni hta mung, wan nat hkungga hte mahku hkungga ni hpe nanhte nawng jau ai shaloi mung, dai pahtau ni dum na rai myit dai. Dai shaloi ngai nanhte hpe karum la na made ai. Ngai gaw dai Madu nanhte a Karai Kasang rai nga nngai,” ngu nna tsun wu ai.

BU HKAWM 10:10 ပူးပေါင်းရင်းမြစ်များ

2 HKAWHKAM 4:23

Madu wa gaw, “Nang dai ni hpa majaw sa mayu n ta? Shata praw mung n rai, laban nhtoi mung n rai,” ngu nna tsun wu yang, madu jan gaw, “Mai na re ai,” ngu nna htan wu ai.

1 HKAWHKAM LABAU 15:24

Bai, hkinjawng Shebania, Yoshahpat, Nehtanela, Amasai, Zehkaria, Benaia, Elieze hte gaw, Karai Kasang a sakse sumpu man e pahtau dum ma ai: Obed- edom hte Yehia gaw sakse sumpu a chyinghka sin ai yan rai nga ma ai.

1 HKAWHKAM LABAU 15:28

Shing rai Israela masha ni yawng, garu jahtau nna, pahke, pahtau, shupsheng dum ai hte, tingse, doria hpe shangoi let, Yehowa a ga shaka sumpu hpe hpai wa ma ai.

1 HKAWHKAM LABAU 16:42

shing rai Heman yan Yeduhtun gaw Karai Kasang hpe mahkawn mangoi na matu, pahke hte shupsheng aja awa dum shangoi ma ai: Yeduhtun a kasha ni gaw chyinghka sin nga ma ai.

2 HKAWHKAM LABAU 29:26

Lewi masha ni gaw Dawi a dum ai baw lang nna, hkinjawng ni gaw pahtau lang let tsap nga ma ai.

2 HKAWHKAM LABAU 29:28

Shing rai, wan nat hkungga hpe nat nawng ya ngut hkra, shawa hpung ting nawku nna, mahkawn mangoi ai ni mahkawn mangoi ma ai hte, pahtau ni dum sumra nga ma ai.

2 HKAWHKAM LABAU 7:6

Hkinjawng ni gaw tinang a daw jau ai amu gun hpai let, tsap nga ma ai: Yehowa a chyeju htani htana anga nga ai majaw, shi hpe shakawn kungdawn na matu, hkawhkam Dawi galaw ai dum ai baw amyu myu lang ai Lewi masha ni mung, Dawi tawn da ai htung hte maren, Yehowa hpe mahkawn mangoi nga let, hkinjawng ni shanhte a man e pahtau dum nna, Israela masha nu yawng tsap nga ma ai.

EZRA 3:10

Amu galaw ai ni gaw, Yehowa a nawku Htingnu hpe gaw da hpang yang, Israela hkawhkam Dawi hkang da ai hte maren, Yehowa hpe shakawn kungdawn na matu, pahtau lang nna hkinjawng hpun palawng bu hpun ai hkinjawng ni hte, shupsheng lang ai Lewi amyu na Asap a kashu kasha ni hpe, tinang a shara hta tawn da mu ai.

NEHEMIA 12:35

pahtau lang ai hkinjawng kasha ni nkau mi: Asap, Zahkura, Mihkaia, Matania, Shemaia, Yonahtan a kasha Zehkaria;

SHAKAWN KUNGDAWN 150:3

Pahtau a ngoi ai mahku hte, Shi hpe shakawn kungdawn mu; Tingse hte madum pyiman hte, Shi hpe shakawn kungdawn mu.

SHAKAWN KUNGDAWN 81:3

Shata praw shani e pahtau dum mu, Anhte a shata shagawng ai poi hta e, dum mu.

SHAKAWN KUNGDAWN 81:4

Dai gaw Israela a matu ga madat hte, Yaku a Karai Kasang a tara rai nga ai.

SHAKAWN KUNGDAWN 89:15

Pahtau dum ai nsen chye na ai amyu gaw, a lu nga ai; Yehowa e, na a myi man a nhtoi hta e, shanhte hkawm nga lu ma ai.

PRU MAT 28:29

Arun gaw dai chyoi pra ai shara de shang ai shaloi, tara madun ya ai sinda magap hta, Israela kashu kasha ni a amying hpe shi a masin hta gun ya nga na rai nna, dai gaw Yehowa a man e tutnawng na masat dingsat tai nga na rai nga ai.

PRU MAT 30:16

Shing rai dai htingrat ai gumhpraw Israela kashu kasha ni kaw na nang la nna, shawa sum a daw jau ai amu matu tawn da na rai wu ai: dai gaw, nanhte a myit masin a matu htingrai htingrat ya na, Israela kashu kasha ni a matu mara Yehowa a an e masat dingsat rai na rai nga ai,” ngu wu ai.

ESAIA 27:13

Dai shani e, pahtau kaba dum dat nna, Asuri mung e si mat magang ai ni hte, Egutu mung hta kau da hkrum ai ni gaw, sa du nna, shanhte gaw Yerusalem mare na chyoi pra ai bum ntsa e, Yehowa hpe nawku na mara ai.

JAW JAU 23:24

Israela kashu kasha ni hpe ning ngu tsun mu: Shata sanit hta langai ya ngu na shani gaw, nanhte a matu simsa nga na nhtoi hte, dum hprang let kabu gara nga na chyoi pra ai zuphpawng nhtoi rai malit dai.

BU HKAWM 10:9

Nanhte tinang a mungdan hta nga nga yang, nanhte hpe gasat sa ai hpyen ni hpang de hpyen rawt yang, dai pahke hpe awn ai hku nanhte dum na rai myit dai: shaloi nanhte a Karai Kasang Yehowa nanhte hpe myit dum nna, hpyen ni a lata na, nanhte hkye hkrang la ai lu la na rai myit dai.

BU HKAWM 28:11

Bai, nanhte a shata praw shani e, Yehowa a matu wan nat hkungga shatai na, usu uram lahkawng, sagu la langai mi, ra n rawng ai hte ladu hkrum ai sagu la kasha sanit nawng jau na rai myit dai:

BU HKAWM 29:1

Bai, shata sanit na nhtoi langai ya hta chyoi pra ai zuphpawng hpawng na rai myit dai: amu bungli galaw lu na n rai: dai gaw nanhte a matu pahtau dum na shani rai nga ai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

KASA 10:4

Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.

1 KORINHTU 15:52

rai timung, hpang chyahtum na pahtau ngoi wu ai shaloi e, akajawng sha, myi grip mi hta e, anhte yawng hte gaw lai mat na ra ga ai: dai pahtau gaja wa ngoi wu na ra ai rai nna, si mat ai ni gaw n hten n mat chye ai sha bai hkrung rawt wa na mara ai hte, anhte lai mat na ra ga ai.

1 HTESALONI 4:16

Dai Madu nan jahtau garu ai hte, lamu kasa agyi a nsen hte, Karai Kasang a pahtau dum ai hte sumsing lamu de na yu wa nna, Hkristu hta e si mat ai ni gaw shawng numshawn e rawt wa lu na mara ai;

1 HTESALONI 4:18

Dai re ai majaw, ndai ga hte nanhte shada da shangwi shapyaw hkat nga mu.

YAWSHU 4:7

dai rai nna, nlung dai ni gaw, Israela kashu kasha ni matu prat dingsa dum nga na masat dingsat tai na ra ai,” ngu mu ai.

YAWSHU 6:4

Hkinjawng masha marai sanit hte gaw dai sumpu a shawng e garu pahtau sanit lang nna sa wa na rai ma ai: sanit ya du ai shani hta dai mare hpe sanit lang hkawm shinggrup let hkinjawng ni pahtau dum na rai ma ai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

1 SAMUELA 20:5

Bai Dawi Yonahtan hpe, “Hpawt ni shata praw nhtoi rai nga ai rai nna, hkawhkam wa hte shat sha na matu shat ku e n dung n mai rai nngai: rai timung, masum ya shana du hkra nam e naw makoi nga n ga.