BU HKAWM 1:53 - Jinghpaw Hanson Version Bible

⁵³ Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

Jinghpaw Common Language Bible 2009

⁵³ Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 1:53 ပူးပေါင်းရင်းမြစ်များ

1 HKAWHKAM LABAU 23:32

shawa masha ni hpawng nga ai sum hpe mung, chyoi pra ai shara hpe mung, Yehowa a nta hta daw jau na matu mung, tinang a kahpu kanau Arun a kashu kasha ni hpe shingtep shingtau na matu san da ai hkrum ma ai.

2 HKAWHKAM LABAU 13:10

Anhte chyawm gaw Yehowa hpe n kau da ga ai; shi gaw anhte a Karai Kasang rai nga ai: Yehowa hpe daw jau ai hkinjawng ni gaw Arun a kashu kasha Lewi masha ni rai nga ma ai.

2 HKAWHKAM LABAU 13:11

Shanhte gaw jahpawt shagu shana shagu Yehowa matu wan nat hkungga hte manam pyaw ai baw nat nawng ya ma ai; madun dan ai muk ni hpe mung san seng ai ku hta mara da mu ai: aja pyengdin shadun hte de a pyengdin ni shana shagu shatu ma ai: kaning rai nme law, anhte gaw anhte a Karai Kasang Yehowa hpe daw jau ga ai; nanhte chyawm gaw shi hpe kau da myit dai.

YEREMIA 23:15

Dai re ai majaw Zaw nawng zaw wa up ai Yehowa gaw, myihtoi ni hpe lakap nna ning nga ai: Yerusalem myihtoi ni kaw na, tara n hkungga ai htung, mung ting hta pri rai wa sai majaw, yu u, ngai shanhte hpe lashi pila sha shangun nna, gung hte kayau ai ntsin lu shangun na nngai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

JAW JAU 10:6

Bai Mawshe gaw Arun hte shi a shadang sha Eleaza yan Ihtama hpe, Nanhte n si wa myit ga hte dai shawa hpung ting a ntsa e Yehowa a pawt ai sindawng n du u ga, nanhte a baw kara hkum hpyan kau myit, palawng mung hkum gang je myit; nanhte a kahpu kanau Israela kashu kasha ni nlang hte gaw Yehowa e dat ai wan hkru lam a majaw hkrap ngu hkrap ngoi rai nga mu ga.

BU HKAWM 1:50

Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 1:54

Yehowa Mawshe hpe hkang da mada hte maren, Israela kashu kasha ni shing rai galaw ma ai.

BU HKAWM 16:46

Bai Mawshe gaw Arun hpe, “Na a wan ban la nna tawn hkungri na wan hta bang nhtawm, lawban mara lang let, shawa hpung de alawan gat nna shanhte a matu htingrai htingrat su: Yehowa a pawt ai sindawng pru ra ai; ana zinli mung du rau ra ai,” ngu nna shangun dat wu ai.

BU HKAWM 16:9

Nanhte gaw Yehowa a sumpan sum a amu gun hpai lu nna, shawa hpung a man e tsap let shanhte a malai jaw jau ya lu hkra, Israela Karai Kasang gaw nanhte hpe shi hpang de shani la na nga, Israela shawa hpung hta na nanhte hpe jahka la nhtawm;

BU HKAWM 17:7

Mawshe gaw dawhkrawng dai ni hpe sakse sum a kata Yehowa man e tawn da wu ai.

BU HKAWM 2:17

Shaloi dap ka-ang ngu na hta shawa sum hte hpawn, Lewi dap hkan na rai nga ai: but de yang na zawn, langai hte langai tinang hte seng ai dawnghkawn hte rau sa wa na rai ma ai.

BU HKAWM 3:23

Gershon lakung ni gaw sumpan sum a sinna maga de but de na rai ma ai.

BU HKAWM 3:29

Kohat a lakung ni gaw sumpan sum a dingda maga e but de na rai ma ai.

BU HKAWM 3:35

Merari lakung hta na agyi gaw, Abihila kasha Zurela rai nga ai: shanhte gaw sumpan sum a dingdung maga e but de na rai nga ai,

BU HKAWM 3:38

Mawshe yan Arun hte Arun a shadang sha ni chyawm gaw, Israela kashu kasha ni a matu dai chyoi pra ai nta hpe sin let shawa sum a sumpan nta a sinpraw man e but de ai ni rai nga ma ai: amyu kaga masha dai de sa htep yang, sat kau ai hkrum lu na rai wu ai.

BU HKAWM 31:30

Bai, Israela kashu kasha ni lu ai ka-ang hkup hta na mung, masha hte dumsu, lawze, sagu bainam re ai yamnga hkum manga shi hta na hkum mi hta la nna, Yehowa a sumpan nta amu gun hpai ai Lewi masha ni hpe jaw mu,” ngu wu ai.

BU HKAWM 31:47

Israela kashu kasha ni a kumhtaw hta na, masha hte yamnga hkum manga shi hta hkum mi Mawshe hta la nhtawm, Yehowa a sumpan nta amu gun hpai ai Lewi masha ni hpe jaw wu ai; dai gaw Yehowa Mawshe hpe hkang da ai lam rai nga ai.

BU HKAWM 8:19

Shing rai Israela kashu kasha ni dai chyoi pra ai nta de sit sa yang shanhte yubak ari n hkrum hkra, dai shawa sum hta Israela kashu kasha ni a matu jaw jau na amu gun hpai nna, shanhte a matu htingrai htingrat ya mu ga, ngu nna Israela kashu kasha ni hta na Lewi masha ni hpe Arun hte shi a shadang sha ni e kumhpa hku ngai jaw da we ai,” ngu wu ai.

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

1 SAMUELA 6:19

Ya Bet-sheme masha ni dai sumpu hta yu yu ai majaw, Yehowa shanhte hta na marai sanit shi hte, masha mun manga hpe sat kau mu ai: shing rai Yehowa shanhte hpe ari kaba jahkrum mu ai majaw, masha ni sharung shayawt nga ma ai.