BU HKAWM 1:50 - Jinghpaw Hanson Version Bible

⁵⁰ Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

Jinghpaw Common Language Bible 2009

⁵⁰ Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 1:50 ပူးပေါင်းရင်းမြစ်များ

2 HKAWHKAM LABAU 24:6

Dai rai nna hkawhkam wa gaw agyi Yehoiada hpe shaga nna, “Sakse sum a matu, Yehowa shangun ma Mawshe hte Israela shawa hpawng hpe tawn da ai alu hpe Yuda hte Yerusalem masha ni yawng hta na lahkawn la na matu, hpa majaw Lewi masha ni hpe n shadut mu ta?

NEHEMIA 12:22

Dai hta kaga, Eliashib, Yoiada, Yohanan hte Yadua aprat e Lewi dap lakung ni a agyi ni hpe mung, hkinjawng dap agyi ni hpe mung, Persi hkawhkam Dari prat du hkra, ka matsing da ai jahpan rai nga ai.

NEHEMIA 12:47

Bai, Zerubabela aprat hta e mung, Nehemia aprat hta e mung, Israela masha ni yawng, chyinghka sin ai ni hte mahkawn mangoi ai ni hpe, lani hte lani ang ai jarit jaw da mu ai: Lewi masha ni hte seng ai hpe shanhte san tawn da mu ai; Lewi masha ni mung, Arun a kashu kasha ni hte seng ai hpe, san tawn da mu ai.

NEHEMIA 12:8

Bai, Lewi masha ni gaw, Yeshua, Binui, Kadmiela, Sherebia, Yuda hte, kahpu kanau ni hte rau mahkawn mangoi amu gun hpai ai Matania rai nga ma ai.

NEHEMIA 13:22

Bai, Lewi masha ni gaw, laban nhtoi hpe shachyoi shapra na matu tinang hkum hpe shachyoi shapra nna, chyinghka ni hpe sin nga na lam, ngai shanhte hpe hkang da nngai. Nye a Karai Kasang e, dai lam majaw mung ngai hpe dum ya e; na n-gaw nwai ai myit galu kaba ai hte maren, ngai hpe matsan dum la e law.

NEHEMIA 13:5

Dai shara hta e shawng e shadung kumhpa ni, manam pyaw ai baw, hka wan ni, lahkawn la ai nai mam a htamshi hta htammi tawn da nna tara hte maren Lewi masha ni, mahkawn mangoi ai ni hte chyinghka sin ai ni hpe karan jaw mu ai; hkinjawng ni hte seng ai nwat kumhpa ni mung dai de tawn da ma ai.

SHAKAWN KUNGDAWN 122:4

Israela sakse tai lu na hte, Yehowa a amying hpe shakawn kungdawn na matu, Amyu baw ni, Yehowa a amyu baw ni, dai de lung wa na ma ai.

PRU MAT 31:18

Shing rai Karai Kasang gaw Sina bum ntsa e Mawshe hte shaga ngut jang, shi a layung hte ka ai sakse ga kap ai lungpa lahkawng shi hpe ap ya dat wu ai.

PRU MAT 38:21

Ndai hte gaw, Mawshe hkang da ai hku hkan nna, dai sakse sumpan sum hte Lewi masha ni daw jau na amu a matu, hkinjawng Arun a kasha Ihtama hti tawn ai hte maren, sumpan sum hte seng ai arai ni a jahpan rai nga ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 10:21

Dai hpang Kohat masha ni gaw, chyoi pra ai nta a arai ni hpai nna rawt sa wa ma ai: shanhte garai n du yang shawng na ni gaw sumpan sum sharawt shadun magang ma ai.

BU HKAWM 17:7

Mawshe gaw dawhkrawng dai ni hpe sakse sum a kata Yehowa man e tawn da wu ai.

BU HKAWM 18:5

Htawm hpang de pawt bu ai Israela kashu kasha ni a ntsa e n pru hkra, dai chyoi pra ai nta hte tawn hkungri hpe, nanhte sin lu na rai myit dai.

BU HKAWM 2:17

Shaloi dap ka-ang ngu na hta shawa sum hte hpawn, Lewi dap hkan na rai nga ai: but de yang na zawn, langai hte langai tinang hte seng ai dawnghkawn hte rau sa wa na rai ma ai.

BU HKAWM 20:11

Mawshe gaw shi a lata sharawt nna, dai lunghkrung hpe dawhkrawng hte lahkawng lang kayat wu ai: shaloi ntsin law law wa pru wa nna, shawa masha ni hte shanhte a yamnga ni ntsin lu lu ma ai.

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

BU HKAWM 4:3

dai shawa sum hta amu gun hpai lawm lu na ni yawng hte hpe, kaji kawa dap hkan nna jahpan hti la mu.

BU HKAWM 8:19

Shing rai Israela kashu kasha ni dai chyoi pra ai nta de sit sa yang shanhte yubak ari n hkrum hkra, dai shawa sum hta Israela kashu kasha ni a matu jaw jau na amu gun hpai nna, shanhte a matu htingrai htingrat ya mu ga, ngu nna Israela kashu kasha ni hta na Lewi masha ni hpe Arun hte shi a shadang sha ni e kumhpa hku ngai jaw da we ai,” ngu wu ai.

BU HKAWM 8:20

Shing rai Mawshe yan Arun hte Israela kashu kasha ni a shawa hpung nlang hte gaw, Lewi masha ni a lam Yehowa Mawshe hpe hkang da wu ai hte maren, Lewi masha ni hpe galaw mu ai.

BU HKAWM 8:22

Shaloi she Lewi masha ni gaw Arun hte shi a shadang sha ni a man e, shawa sum a amu gun hpai na nga shang ma ai: Lewi masha ni a lam Yehowa Mawshe hpe hkang da wu ai hte maren, shanhte shing rai galaw ma ai.

SHINGRAN 15:5

Dai hte a hpang e, sumsing lamu na sakse sum a nawku Htingnu hpaw nga ai hpe ngai mu nngai: