BU HKAWM 1:36 - Jinghpaw Hanson Version Bible

³⁶ Ben-yamin amyu hta, tinang lakung, tinang dap, tinang kawa nta hkan nna, asak hkun ning lai ai hte hpyen gasat lawm lu ai lasha yawng a amying langai hte langai hpe hti mu ai:

BU HKAWM 1:36 ပူးပေါင်းရင်းမြစ်များ

NINGPAWT NINGHPANG 44:20

anhte mung, Anhte kawa dingla lu ga ai; shi dingla sayang na kasha kaji langai mi mung nga ai; shi kahpu chyawm gaw si mat salu ai, shi a kanu hta na shi hkrai sha ngam mat sai rai nna shi a kawa shi hpe tsawra wu ai, ngu nna nang madu hpe tsun dan ga ai.

NINGPAWT NINGHPANG 46:21

Ben-yamin a shadang sha ni gaw, Bela, Behkara, Ashbela, Gera, Naman, Ehi, Rosha, Muhpim, Huhpim Arda hte rai ma ai.

NINGPAWT NINGHPANG 49:27

Ben-yamin gaw kashun kashe sha ai chyahkyawn rai nga ai: Rim la lu ai shan hpe jahpawt e sha nna, Lu la ai lanep shana e karan na ru ai, ngu nna madat tsun da mu ai.

2 HKAWHKAM LABAU 17:17

Ben-yamin amyu hta na, nden ja ai share wa Eliada hte rau, ndan hte n-gang lang ai hpyen masha sen lahkawng lawm ma ai.

BU HKAWM 1:35

shing rai Manashe lakung hta na hti lawm ai ni gaw, mun masum e hkying lahkawng ni tsa rai ma ai.

BU HKAWM 1:37

shing rai, Ben-yamin amyu hta na hti lawm ai ni gaw, mun masum hkying manga e mali tsa rai ma ai.

SHINGRAN 7:8

Zebulun amyu hta na mun mi hkying lahkawng, Yawsep amyu hta na mun mi hkying lahkawng, Ben-yamin amyu hta na mun mi hkying lahkawng, dazik shakap ai hkam la masai.

TARA AGYI 20:15

Dai shaloi e, Gibea masha share ninghkrin marai sanit tsa hta kaga, mare kahtawng hkan na sa ai Ben-yamin amyu masha ni yawng gaw, ri nhtu lang ai masha mun lahkawng e hkying kru rai nga ma ai.