BU HKAWM 1:26 - Jinghpaw Hanson Version Bible

²⁶ Yuda amyu hta, tinang lakung, tinang dap, tinang kawa nta hkan nna asak hkun ning lai ai hte hpyen gasat lawm lu ai lasha yawng a amying langai hte langai hpe hti mu ai:

BU HKAWM 1:26 ပူးပေါင်းရင်းမြစ်များ

NINGPAWT NINGHPANG 29:35

Bai shi na-um nasin rai nna shadang sha shangai wu ai. Shaloi shi gaw, “Ya gaw ngai Yehowa hpe shakawn na we ai,” nga nna shi hpe Yuda ngu shamying wu ai: dai hpang kasha n shaprat ai shalung nga mat ai.

NINGPAWT NINGHPANG 46:12

Yuda a shadang sha ni gaw, Era, Onan, Shela, Hparet, Zerak hte rai ma ai; Era hte Onan chyawm gaw Hkanan mung e si mat masai: bai Hparet a shadang sha Hezron yan Hamula rai ma ai.

2 SAMUELA 24:9

Yoab mung hkawhkam wa hpe masha jahpan laika a nambat wa sak ya wu ai rai nna, ri nhtu chye lang ai Israela wa-ngan sen matsat rai nga ma ai: Yuda amyu masha ni gaw sen manga rai nga ma ai.

1 HKAWHKAM LABAU 5:2

Kaning rai nme law, Yuda gaw kahpu ni a ntsa e kaba wa ai rai nna, du gaw shi kaw nna pru wa ai: hpu lat aya chyawm gaw Yawsep hte seng nga ai.

SHAKAWN KUNGDAWN 78:68

Yuda amyu hte, shi tsawra nga ai, Ziun bum hpe, shi san da wu ai.

BU HKAWM 1:25

shing rai, Gad amyu hta na hti lawm ai ni gaw, mun mali e hkying manga, kru tsa manga shi rai ma ai.

BU HKAWM 1:27

shing rai Yuda amyu hta na hti lawm ai ni gaw, mun sanit hkying mali e kru tsa rai ma ai.

MAHTE 1:2

Abraham gaw Isak hpe shaprat wu ai; Isak, Yaku hpe shaprat wu ai; Yaku gaw Yuda hte shi a kahpu kanau ni hpe shaprat wu ai;