BU HKAWM 1:22 - Jinghpaw Hanson Version Bible

²² Simun amyu hta tinang lakung, tinang dap, tinang kawa a nta hkan nna, asak hkun ning lai ai hte hpyen gasat lawm lu ai lasha yawng a amying langai hte langai hpe hti mu ai:

BU HKAWM 1:22 ပူးပေါင်းရင်းမြစ်များ

NINGPAWT NINGHPANG 29:33

Bai shi na-um nasin rai nna shadang sha shangai wu ai. Shaloi shi gaw, “Ngai n dawng n yawt hkrum nngai hpe Yehowa na ya ni ai majaw, ngai hpe ndai ma mung jaw ni ai,” nga nna shi hpe Simun ngu shamying wu ai.

NINGPAWT NINGHPANG 42:24

Shaloi Yawsep gaw shanhte kaw na pru hka nna hkrap nga ai; bai shanhte kaw shi sa nna shanhte hte shaga ngut jang, shanhte a ka-ang na Simun hpe dun la nhtawm, shanhte a man e shi hpe gyit tawn wu ai;

NINGPAWT NINGHPANG 46:10

Simun a shadang sha ni gaw, Yemuela, Yamin, Ohad, Yahkin, Tsuhara hte Hkanan num hta na Sha-ula hte rai ma ai.

SHAKAWN KUNGDAWN 144:1

Nye a lunghkrung rai nga ai Yehowa gaw, a nga u ga: Shi gaw nye a lata hpe hpyen amu, Nye a layung ni hpe majan amu, sharin ya mu ai.

BU HKAWM 1:21

shing rai Rubin amyu hta na hti lawm ai ni gaw mun mali e hkying kru manga tsa rai ma ai.

BU HKAWM 1:23

shing rai, Simun amyu hta na hti lawm ai ni gaw, mun manga e hkying jahku masum tsa rai ma ai.

SHINGRAN 7:7

Simun amyu hta na mun mi hkying lahkawng, Lewi amyu hta na mun mi hkying lahkawng, Yishahka amyu hta na mun mi hkying lahkawng,