2 TIMOHTI 4:14 - Jinghpaw Hanson Version Bible

¹⁴ Janghkam wa Alesandru gaw ngai hpe n kaja ai law law wa galaw ni ai; shi a arawn alai hte maren dai Madu gaw shi hpe tai htang na ra ai;

Jinghpaw Common Language Bible 2009

¹⁴ Janghkam Alexandru gaw ngai hpe n kaja ai law law wa galaw ni ai; shi galaw ai hte maren dai Madu gaw shi hpe bai tai htang jaw na ru ai.

2 TIMOHTI 4:14 ပူးပေါင်းရင်းမြစ်များ

2 SAMUELA 3:39

Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

SHAKAWN KUNGDAWN 28:4

Shanhte a amu hte n hkru ai lam hte maren shanhte hpe bai tai u; Shanhte a lata galaw ai hte maren, shanhte hpe bai jaw u; Shanhte a amu shanhte hpang de nhtang dat u.

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

YEREMIA 15:15

Yehowa e, nang chye nga ndai; ngai hpe dum let, kawan katsan yu nna, ngai e hkan shachyut ai ni hpe matai dawp u: shanhte hpe sharang let, ngai hpe hkum dawm la et; na a majaw ngai shatan nhkan hkrum ai hpe, dum u.

SHARUNG SHAYAWT 3:64

Yehowa e, shanhte a lata galaw ai amu hte maren, nang shanhte hpe nhtang tai na ndai.

ROMA 12:19

Tsawra ai ni e, tinang nan matai hkum htang mu; Karai Kasang a pawt sindawng na hpe ala nga mu: kaning rai nme law, dai Madu tsun ai gaw, Matai htang na ahkang ngai chyu lu nngai, ngai tai na we ai, nga nna ka da nga ai.

ROMA 2:6

Karai Kasang gaw langai hte langai hpe, tinang a bungli hte maren nhtang jaw na ra ai:

2 HTESALONI 1:6

Kaning rai nme law, dai Madu Yesu gaw sumsing lamu de nna, shi a n-gun rawng ai lamu kasa ni hte rau wan shinglet hte paw pru nna,

1 TIMOHTI 1:20

Shanhte hta Humeni yan Alesandru lawm ma ai rai nna, shan gaw shatan nhkan ga koi gam nga na sharin la mu ga, ngai shan hpe Satan a lata de ap kau mase ai.

2 TIMOHTI 4:15

nang mung shi hpe koi kau u: kaning rai nme law, anhte a ga hpe shi grai wa ndang kau yu ma ni ai.

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 18:6

Shi di ai hte maren shi hpe di htang mu; shi galaw ai lam hte maren htam lahkawng bai htang mu: shi hpaw ai gawm hta shi hpe htam lahkawng bai hpaw jaw mu.

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.

1 SAMUELA 24:12

Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.