2 TIMOHTI 4:10 - Jinghpaw Hanson Version Bible

¹⁰ kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

Jinghpaw Common Language Bible 2009

¹⁰ Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

2 TIMOHTI 4:10 ပူးပေါင်းရင်းမြစ်များ

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai aprat hta rai timung, hpang na aprat hta rai timung, raw dat kau ya ai hkrum lu na n rai.

MAHTE 26:56

ndai lam yawng hte chyawm gaw, myihtoi ni a laika ni dik wa mu ga majaw byin wa sai,” ngu mu ai. Shaloi jang, sape ni nlang shi hpe kau da nna hprawng mat wa ma ai.

LUKA 14:33

Dai hte maren, nanhte hta tinang a arai nga manga hpe n kau da ai wa gaw, nye a sape n tai lu ai.

LUKA 16:13

Kadai shangun ma rai timung, madu lahkawng a amu gun hpai lu ai n rai: langai wa hpe shi n dawng nna, langai wa hpe tsawra na wu ai: shing n rai, langai wa hta machyu nna, langai wa hpe n kaw n law di na wu ai: nanhte gaw Karai Kasang a magam hta mung, mungkan a sutgan hta mung, rau n gun n hpai lu na myit dai,” ngu mu ai.

LUKA 17:32

Lawt a madu jan hpe dum nga mu.

KASA 13:13

Dai hpang Pawlu hte shi a manang ni gaw, Pahpu kaw nna li jawn nhtawm, Pamhpuli mung na Perga mare de du ma ai: Yawhan chyawm gaw shanhte hte hka nna, Yerusalem mare de wa mat ai.

KASA 15:38

Pawlu mahtang, shi gaw Pamhpuli mung nna shan hpe kau da ai hte, shan hte rau amu gun hpai ai de n hkan hkraw ai wa re ai, nga nna n shalawm mayu wu ai.

KASA 16:6

Ya, Asi mung e mungga lam tsun dan na, Chyoi pra ai Wenyi shanhte hpe hkum shadang mu ai majaw, shanhte Hprugi hte Galati mung de ga sa wa nna,

KASA 17:1

Dai hpang shanhte gaw Amhpipoli hte Apoloni mare ga sa wa ma yang, Htesaloni mare de du ma ai; dai yang e Yuda masha ni a tara jawng rai nga ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

KASA 17:13

Pawlu gaw Beria mare hta mung, Karai Kasang a mungga hkaw dan nga ai lam, Htesaloni mare na Yuda masha ni chye yang, dai de mung shanhte sa nna, mare masha ni hpe myit sharawt nna, kabrawng shangun mu ai.

KASA 18:23

Dai kaw tawng mi nga nhtawm, shi bai pru nna, Galati mung hte Hprugi mung ga sa wa let, sape ni nlang hpe shadaw shangang nga ai.

2 KORINHTU 2:13

ngai nau Titu hte n hkrum lu ai majaw, nye a Wenyi hta ngai n ngwi n pyaw rai nga nngai rai nna, shanhte hpe shakram ngut jang, Makedoni mung de sa wa nngai.

2 KORINHTU 7:6

Rai timung, myit gyip ai ni hpe shangwi shapyaw ai Karai Kasang gaw, Titu du sa ai hte e anhte hpe shangwi shapyaw mi ai.

2 KORINHTU 8:16

Dai hta kaga, Titu a kraw lawang e, nanhte a matu mara dai zawn tsang ai myit nan jaw da ai Karai Kasang gaw, a nga u ga.

2 KORINHTU 8:23

Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

2 KORINHTU 8:6

Dai rai nna, Titu gaw shawng galaw hpang ai hte maren, dai chyeju mung nanhte hta shatup u ga, anhte shi hpe shadut jahkat gaw ai.

GALATI 1:2

ngai hte rau nga ai hpunau ni nlang hte gaw, Galati mung na Hpung ni kaw ga shana dat ga ai.

HPILIPI 2:21

Yawng hte gaw Hkristu Yesu hte seng ai hpe n re ai sha, tinang hte seng ai hpe sha tam nga ma ai.

1 TIMOHTI 6:10

Gumhpraw marin ai myit chyawm gaw, n hkru n hkra ai amyu myu a ru npawt rai nga ai; nkau mi gaw dai hpe hkan shachyut ma ai majaw, dai makam masham lam hpe yit kau nna, yawn hkyen ai amyu myu hte tinang hkum hpe galun dinggrang kau mu ai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

2 TIMOHTI 1:15

Asi a mung na ni nlang hte ngai hpe kau da ma ni ai gaw, nang chye nga ndai; shanhte hta Hpugelu yan Heramoge lawm ma ai.

2 TIMOHTI 4:16

Ngai hpe shawng na mara shawk yu ai lam hta, ngai hpang maga de kadai mung n lawm ai sha, yawng hte gaw ngai hpe jahka kau da ma ai: dai gaw shanhte a ntsa e mara n tai u ga.

TITU 1:4

anhte a Hkye hkrang la ai Madu, Karai Kasang a hkang da ai ga hte maren, nye a lata de ap ya ni ai. Kawa Karai Kasang hte, anhte a Hkye hkrang la ai Madu Hkristu Yesu kaw na, chyeju hte ngwipyaw ai gaw, anga nga u ga law.

HPILEMON 1:24

nye a shingdep shingtau Marku, Aristaku, Dema, Luka mung, nang hpe shakram dat ma ai.

2 PETRU 2:15

Dai malang ai lam hpe shanhte kau da manu ai rai nna, n ding n man ai shabrai hpe tsawra wu ai Beora a kasha Balam a lam hta, hkan nga ma ai: