2 TIMOHTI 4:1 - Jinghpaw Hanson Version Bible

¹ Karai Kasang a man e mung, hkrung nga ai ni hte si ai ni hpe tara dara magang ra ai Hkristu Yesu a man e mung, shi a dan pru na lam hte shi a mungdan a man e mung, ngai nang hpe shadut dat de ai gaw:

Jinghpaw Common Language Bible 2009

¹ Karai Kasang a man e mung, hkrung nga ai ni hte si ai ni hpe tara jeyang na ra ai Hkristu Yesu a man e mung, shi gaw up hkang na matu Hkawhkam hku nna du sa na ra ai rai nna ngai nang hpe aja awa shadut dat de ai.

2 TIMOHTI 4:1 ပူးပေါင်းရင်းမြစ်များ

SHAKAWN KUNGDAWN 50:6

Karai Kasang nan tara dara nga ai majaw, Sumsing lamu gaw shi a dinghpring ai hpe shana ya nga ai. [Selah.]

SHAKAWN KUNGDAWN 96:13

Kaning rai nme law, lamu ga hpe tara dara na, shi du sa nna, Shi gaw mungkan ga hpe dingman ai hte, amyu baw ni hpe sadi sahka hte, tara dara na ra ai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

LUKA 19:12

“Arawng lu ai masha langai mi gaw, mungdan lu la nna dai hpang bai wa na nga, tsan ai mung de sa na maw nga ai.

LUKA 19:15

Dai wa gaw mungdan lu la nna bai du wa yang, gumhpraw ap ya da sai mayam ni, hpaga ga nna amyat gade kap masai chye lu hkra, shanhte hpe shaga na, tsun dat wu ai.

LUKA 23:42

Shing nga nhtawm, shi gaw, “Yesu e, nang na a mungdan hta du wa yang, ngai e dum rit law,” ngu nna hpyi wu ai.

KASA 10:42

Shi Madu nan mung, hkrung ai ni hte si sai ni a tara agyi tai na, Karai Kasang san da ai wa rai nga sai lam, mung masha ni hpe tsun dan let sakse hkam na matu shi anhte hpe hkang da ma ni ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

ROMA 2:16

shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

KOLOSE 3:4

Anhte a asak ngu ai Hkristu gaw dan pru wa ai shaloi e, anhte mung shi hte rau hpung shingkang hta dan pru na ra ga ai.

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

1 TIMOHTI 5:21

Ndai lam hte hpe myi man n tau ai hte hpa lachyen lahka n re ai sha nang galaw nga n ga, Karai Kasang hte Hkristu Yesu a man e mung, lata la ai lamu kasa ni a man e mung, ngai nang hpe ga daka dat de ai.

2 TIMOHTI 1:10

dai lam gaw moi chyaloi nhkoi kaw nna, Hkristu Yesu hta e anhte hpe jaw da ma ni ai rai timung, anhte a hkye hkrang la ai Madu Hkristu Yesu paw pru ai a majaw, ya e shadan shaleng dat nu ai; shi gaw si hkrung si htan hpe yeng kau da nna, dai kabu gara shiga hte asak hkrung ai lam mung, n hten n bya re ai lam mung, shadan dat nu ai:

2 TIMOHTI 2:14

Ndai lam ni shanhte hpe shadum jahprang nga u; hpa akyu n shabyin ai hta n-ga, na lu ai ni a myit hpe gale galau shangun ai ga hte gasat ningjet n nga mu ga, Karai Kasang a man e shanhte hpe hkang da u.

2 TIMOHTI 4:18

Dai madu gaw n hkru n hkra ai lam yawng hta na ngai hpe mawai la nna, shi a sumsing lamu mungdan hkap hkra, hkye hkrang la na ra ai: shi gaw htani htana prat dingsa hpung shingkang anga nga u ga law Amen.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

1 PETRU 4:5

rai timung, ahkrung nga ai ni hte si mat ai ni hpe dawdan na jin jin rai nga ai wa a man e, shanhte nan lala, jahpan gawn dan na maru ai.

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.

2 PETRU 1:17

Shi gaw Kawa Karai Kasang kaw na, arawng sadang hte hpung shingkang hpe lu la wu ai shaloi, daru magam hpung shingkang kaw na ning nga ai nsen shi kaw dan pru nna, “Ndai wa gaw ngai sharawng awng nga ai, ngai tsawra ai ngai sha rai nga li ai,” ngu wu ai:

1 YAWHAN 2:28

Ya chyawm gaw, shu sha ni e, shi dan pru a yang gaw, shi du ra ai nhtoi hta e, anhte nden ja ai myit rawng lu nna, shi a man e kaya kahpa n hkrum u ga, shi hta e anga nga mu.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.