2 TIMOHTI 3:8 - Jinghpaw Hanson Version Bible

⁸ Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.

Jinghpaw Common Language Bible 2009

⁸ Yanne yan Yambre gaw Mawshe hpe nhtan shai ninghkap ai hku galaw ma ai hte maren, ndai masha ni mung, dai teng man ai lam hpe ninghkap ningdang ma ai. Dai masha ni gaw shanhte a myit sawn sumru ai lam n nga mat sai rai nna makam masham hta hten za sum hkrum ma ai.

2 TIMOHTI 3:8 ပူးပေါင်းရင်းမြစ်များ

PRU MAT 7:11

Shaloi Hpara-u gaw shi a hpaji sara ni hte mandan bau ai ni hpe shaga la nna, Egutu mung na lakle sara ni mung tinang a lakle hte dai hte maren galaw ma ai:

PRU MAT 7:22

Egutu lakle sara ni mung shanhte a lakle hte dai zawn galaw ma ai: shing rai Yehowa tsun ai hte maren Hpara-u a masin ja nga lu rai nna shan a ga n madat ya wu ai.

PRU MAT 8:18

Lakle sara ni mung shanhte a lakle hte machyi shatai na dai zawn di yu mu timung, n di lu mu ai: shing rai masha hta mung yamnga hta mung machyi hkrai puk rai nga ai.

PRU MAT 8:7

Lakle sara ni mung shanhte a lakle hte dai zawn galaw nna, Etutu mung hta shu shalun la mu ai.

KASA 15:24

Anhte kaw na pru wa wa re ai nkau mi, anhte muk n hkang dat yang, nanhte hpe ga hte shatsang nna myit gale galau di ya ai hpe, anhte na lu saga ai majaw,

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

1 TIMOHTI 1:19

Dai lam hte hpe nkau mi shinggan kau nna, makam masham li hta na bunghkup mat masai.

1 TIMOHTI 4:2

hkalem hkalau chye ai wenyi ni hte nat a sharin shaga ai lam hpe madat mara na rai nna, shanhte a myit nsam hpri kahtet hte zawn gaba nga ai, nga nna,

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.

2 TIMOHTI 4:15

nang mung shi hpe koi kau u: kaning rai nme law, anhte a ga hpe shi grai wa ndang kau yu ma ni ai.

TITU 1:10

Kaning rai nme law, gumlau gumle re ai, kaman lila ga tsun ai hte, hkalem chye ai masha law law nga ma ai; matu gadoi lam hkan ai ni hta grau nna law ma ai;

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

1 YAWHAN 2:18

Ma kaji ni e, hpang jahtum ai ahkying ya e rai nga ai rai nna, nanhte na yu mu ai hte maren, antihkristu ngu ai wa gaw du na ra ai; rai sa, ya e pyi, antihkristu law law wa paw pru masai: dai re ai majaw, hpang jahtum ai ahkying, ya e rai nga ai hpe anhte chye nga ga ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

SHINGRAN 2:20

Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.

SHINGRAN 2:6

Rai timung, ngai n dawng n yawt ai Nikola a sape ni a arawn alai hpe, nang mung n dawng n yawt nga ndai majaw, akyu langai mi nang lu ndai.