2 TIMOHTI 3:5 - Jinghpaw Hanson Version Bible

⁵ shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

Jinghpaw Common Language Bible 2009

⁵ Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

2 TIMOHTI 3:5 ပူးပေါင်းရင်းမြစ်များ

ESAIA 29:13

Dai rai nna, “Ndai amyu gaw tinang a n-gup hte ngai hpang de sit sa nna, nten hte ngai hpe hkungga lara ma timung, myit masin gaw ngai hte tsan gang nna, ngai hpe hkrit hkungga ai lam, masha sharin ya ai hkang da ai ga sha rai nga ai majaw,

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

2 HTESALONI 3:14

Ndai laika hta rawng ai anhte a ga hpe, marai langai ngai n madat mara nga a yang gaw, shing re ai wa hpe matsing nga mu; shi kaya dum u ga shi hte hkum kanawn nga myit.

2 HTESALONI 3:6

Bai lam mi, hpunau ni e, anhte kaw nna hkam la ai matsun maroi ga hte maren n hkan hkawm ai sha, kajam galam re ai hpunau ni nlang hte kaw na daw hka wa myit ga, dai Madu Yesu Hkristu a mying nsang hte anhte nanhte hpe htet da ga ai.

1 TIMOHTI 4:7

N san n seng ai hte gumgai maumwi ga hpe yeng kau u; tara hkungga ai hku hta na hkum shan hpe shakung jahpan nga u:

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 TIMOHTI 5:8

Marai langai ngai tinang hte seng ai ni hpe n bau ai hta n-ga, tinang a nta na ni hpe n bau ai wa gaw, dai makam masham hpe nyet kau nna, n kam n sham ga ai wa hta grau nna n hkru nga ai.

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.

2 TIMOHTI 2:16

Kaman lila baw law ai ga hpe koi gam u; dai lam hkan ai ni gaw, n tara ai htung de grau nna shang nan wa ma ai rai nna,

2 TIMOHTI 2:23

Angawk angak hte tuk shamak re ai ndang kalang ga gaw, ga law ga la lam sha shapraw nga ai, chye da nga let, dai baw ga hpe koi gam u.

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

TITU 3:10

Sharin shaga ai lam hte nhtan shai ai wa hpe langai lahkawng lang shadum jahprang ngut jang, jahka kau u;