2 TIMOHTI 3:16 - Jinghpaw Hanson Version Bible

¹⁶ Karai Kasang a masha wa gaw hkum tsup rai wa nna, mai kaja ai magam bungli shagu a matu mara, arai chyip makup lang lu u ga,

Jinghpaw Common Language Bible 2009

¹⁶ Dai Chyum Laika shagu hpe Karai Kasang shatsam ai hte ka da ai re ai majaw, teng man ai lam hpe sharin achyin ya na, shut ai lam hpe mara madun nna daru sharin na, shut shai ai lam ni hpe mye shading na hte jaw ai asak hkrung lam a matu matsun madun na akyu rawng nga ai.

2 TIMOHTI 3:16 ပူးပေါင်းရင်းမြစ်များ

2 SAMUELA 23:2

Yehowa a wenyi ngai hta tsun nga ai: Shi a mungga nye a shinglet hta lawm nga ai.

NEHEMIA 9:20

Shanhte hpe sharin achyin ya na matu, na a mai kaja ai wenyi nang shanhte hpe jaw nna, shanhte n-gup na manna muk hpe dawm la wu ai, n rai; shanhte hpang kara nga yang, ntsin a jaw nga mu ai.

SHAKAWN KUNGDAWN 119:11

Ngai nang hpe n shut n hpyit n ga, Na a ga hpe, nye a myit hta, ngai bang da se ai.

SHAKAWN KUNGDAWN 119:130

Na a mungga hpe hpaw dan yang, nhtoi htoi wa nna, Myit n su ai ni hpe, kunghpan wa shangun mu ai.

SHAKAWN KUNGDAWN 119:9

Shabrang wa gaw, shi a lam pra nga u ga, kaning rai na rai ta? Na a mungga hte maren sadi nga yang, rai na ra ai.

GA SHAGAWP 15:10

Lam yit ai wa gaw ari kaba hkrum na ra ai; shadum jahprang ai n dawng n yawt ai wa gaw, si na ra ai.

GA SHAGAWP 15:31

Asak hkrung ai lam hte seng ai shadum jahprang ga madat ai wa gaw, Hpaji byeng-ya rawng ai ni hte rau mazum nga na ra ai.

GA SHAGAWP 6:23

Kaning rai nme law, htet da ai ga gaw pyengdin rai nga ai; Tara gaw nhtoi rai nga ai; Mara madun ai shadum jahprang ga gaw asak lam rai nga ai.

MIHKA 2:7

Ataw, Yaku a dap e, Yehowa a Wenyi ban shadang kau ai hkrum a ni? ndai amu gaw shi a amu rai nga a ni? Nye a mungga gaw, malang ai lam hkan ai wa a matu, mai kaja nga ai, n rai ni?

ZEHPANI 3:2

Shi gaw Yehowa nsen hpe, n madat nga ai; sharin achyin ai, n hkam la nga ai; Yehowa hpe shamyet shanat nga ai, n rai; shi a Karai kasang hpang de sit wa ai, n rai.

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

MAHTE 21:42

Yesu shanhte hpe tsun mu ai gaw, “Wahpang gaw ai ni lata kau ai nlung gaw, Ningjut jahtum na nlung tai wa sai: Dai gaw, Madu a majaw byin wa sai rai nna, Anhte a man e mauhpa amu rai nga ai,” nga ai ga hpe, dai laika hta nanhte lang mi pyi n hti yu myit ni?

MAHTE 22:43

Shanhte gaw, Dawi a Kasha rai nga ai, ngu mu ai. Bai, shi gaw, “Dai rai yang gaw, Dawi mahtang wenyi hta e shi hpe Madu nga nna, kaning rai nga lu a ta?

MAHTE 26:54

Shing rai yang, ndai lam byin wa lu na ra ai, nga nna laika tsun ai ga gaw, kaning rai dik wa lu na a ta?” ngu nna shi hpe tsun wu ai.

MAHTE 26:56

ndai lam yawng hte chyawm gaw, myihtoi ni a laika ni dik wa mu ga majaw byin wa sai,” ngu mu ai. Shaloi jang, sape ni nlang shi hpe kau da nna hprawng mat wa ma ai.

MARKU 12:24

Yesu gaw, “Dai Chyum Laika hte, Karai Kasang a atsam hpe, nanhte n chye mu ai majaw, nanhte lam dam nga myit dai, n rai ni?

MARKU 12:36

Dawi shi hkum dai, Chyoi pra ai Wenyi hta, Dai Madu nye a madu hpe tsun wu ai gaw: “Na a gumlau ni hpe, na a lagaw npu e ngai tawn da ai du hkra, Nye a hkra maga de naw adung nga u,” nga nna tsun nga ai.

YAWHAN 10:35

Chyum laika hta na ga hpe n kau mai ai rai nna, Karai Kasang a mungga dep la lu ai ni hpe, Karai daw ni ngu lu ai rai yang gaw,

YAWHAN 3:20

Kaning rai nme law, n shawp n kap ai amu galaw ai wa gaw, nhtoi hpe n dawng n wawm nga ai rai nna, tinang galaw ai amu majaw, daru sharin kau ai n hkrum n ga nga, nhtoi de n sit sa wa ai.

KASA 1:16

“Hpunau ni e, Yesu hpe rim la ai ni e woi shawng ai wa Yuda hpe lakap nna, moi Dawi a n-gup hta Chyoi pra ai Wenyi tsun da ai laika gaw dik wa lu na rai sai.

KASA 18:25

Dai wa gaw, Madu a lam sharin la hkrup nna, nachying sharawng let, Yesu a lam atsawm sha sharin achyin ya nga ai; rai timung, shi gaw Yawhan a baptisma lam sha naw chye nga ai:

KASA 20:20

nanhte a matu akyu rawng ai lam magup hpe n ginhtim da ai sha, shawa yawng a man e da, nta shagu hkan e da,

KASA 20:27

Kaning rai nme law, Karai Kasang a ra ai hku hte tup, nanhte hpe hkaw dan na, ngai ginhtim yu nngai n rai.

KASA 28:25

Shing rai shanhte shada myit n hkrum ma ai majaw, Pawlu gaw, shanhte hpe, “Chyoi pra ai Wenyi myihtoi Esaia a n-gup hte nanhte a nji nwa ni hpe tsun ai ga gaw teng la malit dai: dai gaw,

ROMA 15:4

Kaning rai nme law, anhte shakut sharang nga lu nna, Chyum laika ni a shangwi shapyaw ai ga a majaw myit mada shara nga lu u ga, shawng e ka da ai lam shagu gaw, anhte hpe sharin achyin ya na matu, ka da nga sai.

ROMA 2:20

n gring ai ni a hpareng wa, ma kaji ni a sara ngai rai nga nngai myit la nna, dai jep ai tara hta e chye chyang ai hte tengman ai a kasi lu ai wa nang e,

ROMA 3:2

Lam shagu hta akyu grai nga ai. Shawng na mahtang, Karai Kasang a shingran ga shanhte hkam la lu ma ai.

ROMA 4:23

Shi hpe shing ngu ya ai wa gaw, shi a matu sha ka da nga ai n rai:

1 KORINHTU 12:7

Shing rai Chyeju akyu pru u ga she, langai hte langai hpe Wenyi a shapraw shadan ai lam jaw shajang manu ai.

GALATI 3:8

Karai Kasang gaw makam masham hte sha maigan masha ni hpe dinghpring shangun na maru ai, nga ai Chyum laika gaw chye da hkrup sai majaw, Abraham hpe ning nga ai kabu gara shiga gaw, Amyu baw shagu gaw na a gawp e gumring gumrat hkrum na mara ai, nga nna shawng e tsun magang nu ai.

TARA JAHPRANG 4:36

Nang hpe sharin achyin na nga, sumsing lamu de nna shi a ga nsen nan na lu shangun nit dai; ga ntsa e shi a grung ai wan kaba mu lu shangun wu ai rai nna, nang mung dai wan kata na shi a ga na lu lit dai.

2 TIMOHTI 2:25

nhtan shai ai ni hpe sumnung ai myit hte sharin achyin ya lu na, mai nga ai: shing di yang, tengman ai ga hpe chye chyang lu mu ga, Karai Kasang gaw shanhte hpe gaja wa myit malai lu na chyeju jaw nna,

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

HEBRE 11:1

Makam masham ngu ai gaw, myit mada ai arai ni a lam myit mu myit hkut nga ai hte, garai n mu yu ai arai ni a lam tau chye tawn lu ai hpe, ngu ai, rai nga ai:

HEBRE 3:7

Dai re ai majaw, dai Chyoi pra ai Wenyi tsun ai hte maren, “Nanhte dai ni shi a nsen na myit yang gaw,

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.