2 TIMOHTI 2:9 - Jinghpaw Hanson Version Bible

⁹ Dai kabu gara shiga a jaw e, n hkru ai wa zawn, bawng dung hkra ru tsang hkrum nngai, rai timung, Karai Kasang a mungga gaw sharen da hkrum lu ai n rai.

Jinghpaw Common Language Bible 2009

⁹ Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

2 TIMOHTI 2:9 ပူးပေါင်းရင်းမြစ်များ

LUKA 23:32

Dai shaloi damya lahkawng hpe mung, sat kau na nga, shi hte rau woi shapraw sa wa mu ai.

KASA 21:33

Shaloi hpyen du kaba sit sa nna, Pawlu hpe dun la nhtawm, hpri sumri lahkawng hte gyit na hkang da mu ai: shi kadai re ai, hpa shut ai mung, san yu wu ai.

KASA 28:31

Karai Kasang a mungdan lam, hkaw dan ai hte, Madu Yesu Hkristu hte seng ai lam hpe nden ja ai myit hte sharin shaga nga nna, kadai mung shi hpe hkum shadang ai n rai.

KASA 9:16

kaning rai nme law, nye mying majaw gade wa matsan tsin-yam hkrum na gaw, ngai shi hpe madun na we ai,” ngu wu ai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

HPILIPI 1:17

gale mahtang gaw, san seng ai myit hte n re ai sha, nye a bawng dung ai lam hta tsin-yam tsindam naw jat ya na myit nga ma ai rai nna, dumbru dumbra re ai hte Hkristu a lam kajai gara nga ma ai.

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

KOLOSE 4:18

Ngai Pawlu nan nye a lata hte ndai shakram ai ga ka dat nngai. Nye a hkang hkyihkyang hpe dum nga mu. Chyeju gaw nanhte hte rau anga nga u ga law.

KOLOSE 4:3

Hkristu a sung htum ai ga a majaw ngai gyit hkang da ai hkrum rai timung, dai sung htum ai ga tsun dan lu u ga, Karai Kasang gaw mungga a lam anhte a matu mara chyinghka hpaw malang nga na hte,

1 HTESALONI 1:8

Kaning rai nme law, nanhte kaw na dai Madu a mungga gaw, Makedoni mung hte Ahkaia mung e kajai gumhkawng wa ai sha n-ga, Karai Kasang kaw ang wa ai, nanhte a makam masham gaw, shara shagu hkan e chyam wa sai rai nna, anhte gaw hpa mi tsun, shara mung n nga ai.

2 HTESALONI 3:1

Bai, lam mi gaw, hpunau ni e, dai Madu a mungga gaw nanhte hta chyam wa nna hpung shingkang lawm nga ai hte maren, shara shagu hkan e chyam wa nna hpung shingkang lawm lu na hte,

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 2:3

Hkristu Yesu a hpyen ma kaja zawn, ru tsang jawm hkrum ga.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

1 PETRU 2:14

tsaw htum nga ai hkawhkam a npu e rai timung, n hkru ai ni hpe dawdan na hte, kaja ai amu galaw ai ni hpe awlaw na matu mara, shi san dat ai munggyi ni a npu e rai timung, ataw nga mu:

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.

1 PETRU 4:15

Dai hta kaga, masha hpe sat ai wa lagu lagut, n hkru n hkra galaw ai wa hte, masha amu hpe hkan kajam ai wa zawn, nanhte hta na kadai mung, nni nkri n hkrum u ga;