2 TIMOHTI 2:25 - Jinghpaw Hanson Version Bible

²⁵ nhtan shai ai ni hpe sumnung ai myit hte sharin achyin ya lu na, mai nga ai: shing di yang, tengman ai ga hpe chye chyang lu mu ga, Karai Kasang gaw shanhte hpe gaja wa myit malai lu na chyeju jaw nna,

Jinghpaw Common Language Bible 2009

²⁵ Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

2 TIMOHTI 2:25 ပူးပေါင်းရင်းမြစ်များ

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

EZEKELA 11:19

Ngai shanhte hpe myit masin langai sha hte, nanhte a kraw e wenyi ningnan bang ya na nngai:

EZEKELA 12:3

Dai rai nna, masha kasha e, kaga de htawt wa na matu, arung arai hkyen nna, shani aten e shanhte a man na htawt wa u: shanhte a man na, nang nga ai shara kaw na kaga shara de htawt u: shanhte gumlau chye ai amyu rai nga timung, myit dum dam ma nhten.

EZEKELA 36:26

Myit masin ningnan ngai nanhte hpe jaw nna, nanhte a kraw lawang hta, wenyi ningnan bang ya na nngai: nanhte a hkumhkrang na nlung salum hpe ngai shaw kau nna, shan salum bang ya na nngai.

EZEKELA 36:31

Shaloi nanhte gaw, nanhte a n hkru n hkra ai lam hte, n hpru n mai ai arawn alai hpe myit dum nna, tinang a n hkru n hkra ai lam hte matsat shabat amu majaw, tinang a myi man hpe pyi, matsat kau na marin dai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

MAHTE 11:29

Ngai gaw myit sumnung ai hte myit gyip nga nngai rai nna nye a kandang hpe hpai mu, nye a lam sharin la mu: dai rai yang nanhte a myit masin ban sa ai hkrum na malit dai:

MAHTE 21:32

Kaning rai nme law, Yawhan gaw dinghpring ai lam hpe hkan let, nanhte kaw du sai rai timung, nanhte shi hpe n kam mu ai; kang hta ai ni hte shawa num ni chyawm gaw, shi hpe kamsham ma ai: nanhte mahtang dai hpe mu myit timung, shi hpe kamsham na matu, myit malai bai lu na myit dai n rai.

MARKU 1:15

“Dai aten ladaw dik wa ai hte, Karai Kasang a mungdan gaw ni wa magang ra ai: myit malai lu nna, dai kabu gara shiga hpe kamsham nga mu,” ngu nna Karai Kasang a kabu gara shiga hpe hkaw dan mu ai.

YAWHAN 5:34

Ngai lu ai sakse chyawm gaw masha kaw na n rai: rai timung, nanhte hkye hkrang la ai kaw du myit ga, ngu nna ndai lam ngai tsun nngai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 2:38

Petru gaw, “Myit malai lu nna, nanhte a yubak raw dat kau ya u ga, nanhte hkum shagu Yesu Hkristu a mying ningsang hta baptisma hkam la mu; shaloi Chyoi pra ai Wenyi ngu ai kumhpa gaw, nanhte lu la na marin dai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

KASA 5:21

Ga dai na jang, jahpawt manap hpawa e dai Htingnu de shanhte shang wa nna sharin shaga nga ma ai. Hkinjawng agyi wa hte shi a manang ni mung sa du nna, tara agyi ni hte Israela kashu kasha ni a salang nlang hte hpe shaga jahpawng tawn nhtawm, kasa ni hpe shapraw la na htawng de masha shangun dat mu ai.

KASA 5:31

Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

KASA 8:22

Dai majaw, na n hkru ai lam hpe myit malai lu u; na a kraw hta myit mang kau ai lam hpe, mahkoi raw dat kau ya dam nhten, shi Madu kaw hpyi nem u.

GALATI 6:1

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.

1 TIMOHTI 2:4

masha yawng mayawng hkye hkrang la ai hkrum lu nna, tengman ai lam a chye chyang ai kaw du lu mu ga, shi ra nga ai.

1 TIMOHTI 6:11

Nang chyawm gaw, Karai Kasang a masha wa e, ndai lam hte hpe koi gam nga u: dinghpring ai, tara hkungga ai, kamsham ai, tsawra ai, shakut sharang ai hte sumnung ai myit hpe hkan shachyut nga u.

2 TIMOHTI 3:7

tutnawng e sharin ai hkrum timung, tengman ai lam a chye chyang ai de galoi n du lu ai, myit n gring ai numsha ni hpe shang rim la ai ni, rai nga ma ai.

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

TITU 3:2

kadai hpe mung n shatan ai hte, ga law lam n tam ai sha, myit ngwi myit pyaw rawng nna, masha yawng hte hpe lam shagu hta sumnung ai myit madun dan mu ga, shanhte hpe shadum jahprang nga u.

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

1 PETRU 3:15

dai Madu hpe madu a shatai nga na matu, nanhte a myit masin hta e Hkristu hpe san da nga mu: nanhte hta rawng ai myit mada nga ai lam, kadai rai timung nanhte hpe ga san dam ma yang gaw, ga lachyum tsun dan lu na matu, tut e ajin nga mu; rai timung, dai hpe sumnung ai hte hkrit kamyin ai myit hte, a galaw nga mu:

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.