2 TIMOHTI 2:2 - Jinghpaw Hanson Version Bible

² Sakse law law a man e ngai kaw na nang na la sai lam hte hpe, masha kaga hpe sharin achyin chye ai kangka re ai masha hte kaw htawt ap ya u.

Jinghpaw Common Language Bible 2009

² Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.

2 TIMOHTI 2:2 ပူးပေါင်းရင်းမြစ်များ

EZRA 7:10

Ezra chyawm gaw, Yehowa tara hpe hkan shatup na hte, Israela amyu hpe hkang da ai ga hte matsun maroi ga ni hpe sharin achyin ya na nga, myit shatawng da wu ai.

EZRA 7:25

Nang Ezra mung, na a Karai Kasang a nyan hpaji nang hta rawng nga ai hte maren, na a Karai Kasang a tara hpe chye na ai, Hka sinna hkran de nga ai ni mahkra hpe, tara dawdan ya na matu mung, dai hpe garai n chye ai ni hpe, sharin achyin ya na matu mung, du ni hte tara agyi ni hpe san da mu.

NEHEMIA 7:2

Yerusalem mare hpe up na matu, ngai nau Hanan hte hpyen dap up ai bu Hanania hpe san da mu ai: kaning rai nme law, shi gaw kangka ai hte, masha law law hta Karai Kasang hpe grau nna hkrit hkungga nga ai.

SHAKAWN KUNGDAWN 101:6

Dai mung na sadi sahka re ai ni, Ngai hte rau nga mu ga, ngai tam na nngai; Myit malang ai lam hta hkan ai wa gaw, Nye a amu gun hpai lu na ra ai.

GA SHAGAWP 13:17

Tara n lang ai shangun ma gaw, tinang amu hpe hprai kau nga ai; Kangka re ai kasa chyawm gaw hkam kaja ai lam rai nga ai.

YEREMIA 23:28

Yup mang mu ai myihtoi gaw, yup mang hkai dan u ga; nye ga hkam la ai wa gaw, tengman ai hku htawn tsun u ga: yi hku gaw mam hte kaning rai kayau lu a ta? nga nna Yehowa tsun ai.

JAW JAU 14:42

dai la kau ai nlung ni a hkang hta nlung bai bang nna, engade nnan hte chya na rai wu ai.

MALAHKI 2:7

Kaning rai nme law, hkinjawng wa gaw, Zaw nawng zaw wa up ai Yehowa a kasa rai nga ai majaw, shi a nten ni chye chyang ai lam kyem da nna, masha ni gaw shi a n-gup hta na tara tam lu na mara ai.

BU HKAWM 12:7

rai timung, nye shangun ma Mawshe gaw dai hku n rai; shi gaw nye a nta ting hta kangka re ai wa rai nga ai:

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

MAHTE 24:25

Yu mu, ngai nanhte hpe tsun hkap da ni ai.

LUKA 12:42

Dai rai nna Madu gaw, “Nta madu shi a kun dinghku ntsa e san tawn da nna, aten du jang lusha karan jaw lu na kangka re ai hte myit su ai kunhting wa, kadai rai nga a ta?

1 KORINHTU 4:2

Dai hta kaga, kunhting ni gaw kangka rai nga yang she, masha e ra ai hku rai nga ai.

2 KORINHTU 2:14

Rai timung, anhte hpe Hkristu hta tutnawng e padang manau hta nlaw shangun nna, shi a chye chyang ai manam pyaw bat anhte a lata hte shara shagu hkan e shapraw shadan ai Karai Kasang gaw, a nga u ga law.

2 KORINHTU 3:5

Rai timung, anhte gaw tinang atsam machyu nna me, anhte nan hpa hpaji daw lu ga ai n rai; anhte a ging ram ai atsam gaw Karai Kasang kaw nna rai nga ai;

KOLOSE 1:7

Dai gaw anhte a tsawra ai shingdep shingtau wa Epahpra kaw nna nanhte sharin la manit dai hte maren rai nga ai; shi gaw Hkristu hta e anhte a matu mara kangka re ai bungli gun hpai ai wa rai nga ai rai nna,

1 TIMOHTI 1:12

Ngai hpe kangka re ai wa nawn nna, dai aya hta ngai hpe dang da ai majaw, ngai hpe n-gun shaja ya ai, anhte a Madu Hkristu Yesu hpe nan, ngai shakawn kungdawn nngai.

1 TIMOHTI 1:18

Ngai sha, Timohti e, nang hta ang nna lakap nga ai myihtoi ga hta hpa nna, makam masham hte mai kaja ai myit nsam rawng nga let, dai kaja ai gasat gala hpe nang gasat nga lu u ga, tawn da sai myihtoi ga hte maren, ndai daru jet kau na ahkang ngai nang hpe ap ya de ai.

1 TIMOHTI 4:14

Hpung salang ni a lata mara da let, myihtoi ga hte nang hpe jaw da nna, nang hta rawng ai maka hpe hkum hprai kau nga u.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

1 TIMOHTI 5:22

Kadai wa a ntsa e mung lata alawan hkum mara ya u; masha kaga a yubak hta hkum bawk lawm nga u: tinang dai san seng nga u.

1 TIMOHTI 6:12

Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

2 TIMOHTI 3:10

Nang mahtang gaw, nye a sharin shaga ai lam, nye a lai len, maw mawn ai hku, kamsham ai lam, myit galu kaba ai, tsawra ai, shakut sharang ai,

2 TIMOHTI 3:14

Nang chyawm gaw, kadai ni kaw na sharin achyin ya ai hkam la nit dai mung, Hkristu Yesu hta kamsham ai a marang e hkye krang la ai hkrum lu hkra,

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

1 SAMUELA 2:35

Bai, nye a myit, nye a kraw lawang na ra ai hku hkan ya ai kangka re ai hkinjawng, ngai paw pru shangun na we ai: shi a matu ngang ai nta ngai gaw ya nna, shi gaw nye a namman chya ai wa a man e tutnawng e hkawm sa lu na ra ai.