2 TIMOHTI 2:19 - Jinghpaw Hanson Version Bible

¹⁹ Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

Jinghpaw Common Language Bible 2009

¹⁹ Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

2 TIMOHTI 2:19 ပူးပေါင်းရင်းမြစ်များ

YOBA 28:28

Shinggyim masha hpe chyawm gaw, yu u, Madu hpe hkrit hkungga na, hpaji byeng-ya rai nga ai; yubak mara koi kau na, chye chyang ai lam rai nga ai, ngu nna hkang da nu ai,” nga ai.

SHAKAWN KUNGDAWN 1:6

Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.

SHAKAWN KUNGDAWN 112:6

Shi gaw prat dingsa e shamu shamawt hkrum na n rai; Dinghpring ai wa hpe galoi mung adum nga na maru ai.

SHAKAWN KUNGDAWN 34:14

N hkru ai hpe koi kau nna, kaja ai galaw u, Ngwipyaw ai hpe tam nna, hkan sa nga u.

SHAKAWN KUNGDAWN 37:18

Mara n rawng ai ni a nhtoi hpe Yehowa chye nga ai; shanhte a sali wunli mung htani htana anga nga ai:

SHAKAWN KUNGDAWN 97:10

Yehowa hpe tsawra ai ni e, n hkru ai hpe n dawng kau mu; Shi hpe kamsham ai ni a myit masin hpe shi sin nga ai: Tara n lang ai ni a lata na, shi shanhte hpe mawai la mu ai.

GA SHAGAWP 10:25

Tara n lang ai wa gaw, bungsha zawn hkoi mat na ra ai; Dinghpring ai wa chyawm gaw htani htana agrin nga na ra ai.

GA SHAGAWP 3:7

Ngai hpaji rawng nngai, hkum myit et; Yehowa hpe hkrit hkungga nna, yubak hpe koi kau u.

ESAIA 14:32

Dai re ai majaw, sumtsan mung na kasa ni hpe, kaning ngu htan na rai ta? Yehowa gaw, Ziun mare hpe gaw da ai rai nna, shi a amyu hta nni nkri hkrum ai ni gaw, dai hta e shingbyi nga na mara ai.

ESAIA 28:16

yu mu, Madu Yehowa gaw, Ziun bum ntsa e kangka re ai, hpu la ai hte ngang ai njut nlung hpe, ngai npawt gaw da nna, kamsham ai wa gaw hprawng ra ai n rai.

ESAIA 63:19

Anhte gaw, nang n up yu ai ni zawn mung, na a amying hpe n hkam la yu ai ni zawn mung, tai wa saga ai.

ESAIA 65:15

Nanhte gaw tinang a mying hpe, ngai lata la ai wa a matu, dagam dala lam shatai nna, Madu Yehowa gaw nanhte hpe sat kau na myit dai: shi a shangun ma ni hpe chyawm gaw, amying shingteng kaga shamying na ra ai:

EZEKELA 9:4

Yehowa gaw, “Yerusalem mare ka-ang hku lai wa nna, mare kata e galaw ai matsat shabat amu majaw madai nna, hkrap ngu hkrap ngoi ai ni a lahtan hpe, mahkret matsing u,” ngu nna shi hpe tsun wu ai.

NAHUM 1:7

Yehowa gaw mai kaja nga ai; ru tsang ai aten hta e makawp maga shara, shi rai nga ai: shi hta shingbyi ai ni hpe shi matsing nga ai.

HAGI 2:23

Zaw nawng zaw wa up ai Yehowa ning nga ai: Nye a shangun ma, Shelatila kasha, Zerubabela e, ndai shani e ngai nang hpe woi la nna, nye a dazik lachyawp zawn san da na nngai, nga nna Yehowa tsun ai: kaning rai nme law, ngai nang hpe lata la ni ai, nga nna, Zaw nawng zaw wa up ai Yehowa tsun ai.

ZEHKARIA 3:9

Yoshua man e ngai shadun da ai nlung hpe mada yu mu; nlung langai mi hta myi sanit tu nga ai; yu u, dai hta tawk ang ai hpe ngai tawk ka da nna, lani mi hta sha dai mungdan a shut ai mara hpe, htawm kau na nngai,’ nga nna Zaw nawng zaw wa up ai Yehowa tsun ai.

BU HKAWM 16:5

Kora hte shi hpang maga na ni hpe mung, “Kadai wa Yehowa a masha re ai mung, kadai wa chyoi pra nga ai mung, kadai wa hpe shi hpang de shani la na mung, hpawt de Yehowa madun na ra ai: shi lata la ai wa hpe shi hpang de shani la na ru ai:

BU HKAWM 6:27

Shing rai shanhte gaw Israela kashu kasha ni a ntsa e nye a mying ningsang gang nna mara ya yang, ngai shanhte hpe shaman ai chyeju jaw na we ai,” ngu wu ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

MAHTE 7:23

Dai shaloi e, ‘Ngai nanhte hpe galoi mung n chye made ai; n tara ai amu galaw ai ni e, ngai kaw na pru mat wa mu,’ ngu nna ngai shanhte hpe tsun na mawe ai.

MAHTE 7:25

Dai marang htu nna, hka tung wa ai hte nbung bung wa nna, dai nta hpe ahtu timung, lunghkrung ntsa e gaw da nga ai majaw, n kadawng lu ai.

MARKU 12:16

Dai rai nna, shanhte la wa mu ai. Shaloi shi gaw, “Gade a sumla hte masat laika kap nga a ta?” ngu nna san mu yang, shanhte gaw, “Kehta a sumla hte masat rai nga ai,” ngu nna shi hpe htan mu ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

LUKA 13:27

nta madu wa chyawm gaw, Nanhte kanang na rai myit dai gaw ngai gaja wa n chye ngu nga nngai; n teng n man ai hku hkan galaw ai ni nlang hte e, ngai kaw na pru wa mu,’ ngu nna htan kau na myit dai.

LUKA 6:48

dai wa gaw, wahpang gaw yang, sung sung htu nna lunghkrung ntsa e npawt gaw ai wa hte bung nga ai: hka rawt hka tung wa yang, hka hpungla ni dai nta hpe ahtu adawt rai timung, ngang ngang kang kang gaw da sai majaw, dai hpe n shamawt lu ai.

YAWHAN 10:14

Ngai gaw sagu rem wa kaja rai nngai: nye Wa gaw ngai hpe chye ai rai nna, ngai mung Wa hpe chye nngai zawn,

YAWHAN 13:18

Nanhte yawng hpe sha-ang nna ngai tsun nngai n rai: ngai lata la ai ni hpe gaw, ndai chye da we ai: rai timung, Nye a shat sha ai wa gaw, shi a lahtin hte ngai hpe shingdit nngai, nga nna ka da ai ga shadik na a majaw rai nga ai.

YAWHAN 3:33

Shi a sakse lam hpe hkap la ai wa chyawm gaw, Karai Kasang gaw tengman nga ai, nga nna dazik shakap ai wa rai nga ai.

KASA 11:26

Ya, shan gaw laning mi tup dai Hpung hte rau hpawng nga ma ai rai nna, masha law law hpe sharin shaga lu ma ai; sape ni mung, Hkristu ni, ngu ai amying hpe, Antioki mare hta shawng lu la ai rai nga ai.

KASA 15:17

Shaloi she, hti nga ai masha ni hte, Nye amying hta shamying la ai maigan amyu danghta, ngai Madu hpe tam lu na mara ai,’ nga nna,

KASA 9:14

ndai yang e mung, na a mying ningsang hpyi gang ai ni yawng mayawng hpe gyit dun la na nga, hkinjawng agyi ni kaw na ahkang lu la sai rai nga ai,” ngu nna htan wu ai.

ROMA 11:2

Karai Kasang gaw shawng nna chye tawn da sai, shi a amyu hpe kau da nu ai n rai. Dai hta kaga, Elia gaw Karai Kasang a man e Israela masha ni hpe mara madi nna,

ROMA 12:9

Tsawra ai myit hta sawt ai n lawm u ga; n hkru n hkra ai hpe matsat nga mu, mai kaja ai hta manoi nga mu.

ROMA 15:20

Rai timung, masha wa e gaw da ai npawt ntsa e n kahtap u ga, Hkristu a amying n na yu ai shara hkan e dai kabu gara shiga hkaw dan na, ngai nan myit makun nga nngai.

ROMA 15:9

Karai Kasang a tengman ai lam a matu mara, Hkristu gaw matu gadoi hkam ai ni a ali ama tai wa sai. Shing rai, “Dai re ai majaw maigan amyu ni hta ngai nang hpe shakawn na nngai, Na amying nsang hpe mahkawn mangoi na nngai,” nga nna ka da ai hte maren rai nga ai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,

1 KORINHTU 1:2

Korinhtu mare na Karai Kasang a Hpung hta lawm ai ni hte, shara shagu hkan na, shanhte a shara hta mung, an a shara hta mung, anhte a Madu Yesu Hkristu a amying ningsang hpe shaga nga ai ni yawng hte hpe, ga shana dat ga ai.

1 KORINHTU 8:3

langai ngai gaw, Karai Kasang hpe tsawra a yang gaw, Karai Kasang gaw shi hpe chye da wu ai.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

GALATI 4:9

Ya chyawm nanhte gaw Karai Kasang hpe chye nga ai hta n-ga, Karai Kasang gaw nanhte hpe chye sayang me, n-gun kya ai hte matsan mayan re ai hkang ai tara hpang de, nanhte hpa rai bai nhtang nna, de a mayam bai tai mayu nga myit hka?

EHPESU 2:20

kasa ni hte myihtoi ni, gaw da ai wahpang npawt hta nanhte de kahtap myit dai; Hkristu Yesu nan dai hta e grau htum ai njut nlung rai nga ai;

EHPESU 3:15

yawng hte a npawt daju Kawa a man e, ngai lahput hput di nga nngai;

EHPESU 4:30

Hkye hkrang la hkrum ai nhtoi du hkra, nanhte hpe dazik shakap ai Karai Kasang a Chyoi pra ai Wenyi hpe, myit hkum shayawn myit.

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

1 TIMOHTI 6:19

asak majing ngu ai asak hpe magra noi lu mu ga, du magang ra ai aprat a matu mara mai kaja ai sutgan npawt tinang dai mahkawng da mu, ngu nna shanhte hpe a hkang nga mu.

HEBRE 11:10

kaning rai nme law, npawt nhpang grin nga ai hte, Karai Kasang de da ai shachyaw ngut sai mare hpe, shi myit mada nga ai.

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

1 YAWHAN 2:19

Anhte kaw na shanhte pru ma timung, anhte hte nseng ga ai. Kaning rai nme law, anhte hte seng taw gaw shanhte anhte hte anga nga na mara ai: rai timung, shanhte nlang anhte hte n seng ga ai gaw dan wa u ga, shanhte pru wa ma ai.

SHINGRAN 17:8

Nang mu ai matse labye gaw, shawng de nga yu sai, ya gaw n nga ai, rai timung sung htum ai shara kaw na lung wa magang ra ai rai nna, hten byak ai de sa wa na ra ai. Ginding aga nnan lat kaw nna tinang a amying asak laika hta n ka lawm ai, ga ntsa e nga ai masha ni gaw, dai matse labye a nga yu sai hte ya n nga ai, bai nga na ra ai lam ni hpe mu lu ai shaloi, mau mahka na mara ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 21:14

Dai mare a bunghku gaw npawt shi lahkawng hte gaw da nga ai rai nna, dai ni a ntsa e Sagu Kasha a kasa shi lahkawng ni a amying shingteng shi lahkawng kap nga ai.

SHINGRAN 22:4

shanhte gaw shi a myi man hpe ayu nga lu na mara ai rai nna, shanhte a lahtan ni hta shi a amying nsang kap na ra ai.

SHINGRAN 3:8

Na a arawn alai ngai chye nga nngai; yu u, kadai mung n la da lu ai chyinghka na a man e ngai hpaw malang da se ai; nang n-gun loi mi rawng ndai, nye a mungga hpe nang hkan nang nit dai, nye a amying nsang hpe mung nang n nyet kau nit dai, ngai chye nga nngai.