2 TIMOHTI 2:11 - Jinghpaw Hanson Version Bible

¹¹ Da ndai gaw kangka re ai ga rai nga ai: Anhte shi hte rau si saga yang gaw, shi hte rau mung hkrung lu na ra ga ai;

Jinghpaw Common Language Bible 2009

¹¹ Ndai ga gaw teng man ai ga rai nga ai; “Anhte shi hte rau si wa ga yang gaw, anhte shi hte rau mung hkrung nga lu na raga ai.

2 TIMOHTI 2:11 ပူးပေါင်းရင်းမြစ်များ

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai: nanhte chyawm gaw naw mu lu na marin dai: kaning rai nme law ngai ahkrung nga nngai majaw, nanhte mung ahkrung nga na marin dai.

ROMA 6:5

Kaning rai nme law, anhte a si hkam ai gaw shi a si hkam ai hte baw sha rai nga ai majaw, anhte nhpang sha tai nga ga yang gaw, bai hkrung rawt ai hta e mung, anhte shi hte nhpang rum na ga ai.

ROMA 6:8

Si mat ai ni kaw na hkrung sharawt la hkrum ai Hkristu gaw, galoi mung bai n si lu na hte, si hkrung si htan gaw galoi mung shi hpe n madu lu na nu ai, anhte chye ga ai majaw,

2 KORINHTU 13:4

kaning rai nme law, n-gun kya ai majaw wudang e jen da hkrum rai timung, Karai Kasang a n-gun atsam a gawp e shi ahkrung nga ai. Anhte mung Hkristu hte maren gawng kya nga ga timung, nanhte hta rawng ai Karai Kasang a n-gun atsam majaw, anhte shi hte rau ahkrung nga na ga ai.

2 KORINHTU 4:10

Yesu a hkrung ai asak gaw anhte a hkumhkrang hta dan pru lu u ga, Yesu a si wa ai lam hpe anhte hkumhkrang hta tutnawng e dagraw hkawm nga ga ai.

1 HTESALONI 4:17

dai hpang, dai Madu hpe Ka-ang ganghkau e hkrum na matu, hkrung nga ai hte naw hti ngam nga ai ni anhte gaw, shanhte hte rau sumwi ntsa de shalun la ai hkrum na ra ga ai rai nna, anhte gaw dai Madu hte rau tutnawng e anga nga na ra ga ai.

1 HTESALONI 5:10

anhte hprang nga yang rai timung yup nga yang rai timung, shi hte rau hkrung nga n ga, shi anhte a matu mara si hkam sai.

1 TIMOHTI 1:15

Yubak kap ai ni hpe hkye hkrang la na matu mara, Hkristu Yesu gaw mungkan ga de du ra ai, nga ai ga gaw, kangka re ai hte gaja wa hkam la ging ai ga rai nga ai.

1 TIMOHTI 3:1

Hpung up aya sharawng ai wa gaw amu kaja tam nga ai, nga ai ga gaw, kangka re ai ga rai nga ai.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai: