2 TIMOHTI 1:8 - Jinghpaw Hanson Version Bible

⁸ Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

Jinghpaw Common Language Bible 2009

⁸ Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

2 TIMOHTI 1:8 ပူးပေါင်းရင်းမြစ်များ

SHAKAWN KUNGDAWN 119:46

Hkawhkam ni a man e na a sakse ga hpe, Ngai hkai dan nna, kaya kahpa n hkrum na nngai.

SHAKAWN KUNGDAWN 19:7

Yehowa a tara ra n rawng ai rai nna, myit masin hpe shalan shabran ya ai. Yehowa a sakse tengman nga ai rai nna, myit n su ai ni hpe hpaji jaw mu ai.

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

MARKU 8:38

Kaning rai nme law, ndai shut hpyit ai hte yubak kap ai amyu hta e, ngai hte ngai tsun ai mungga hpe kaya nga ai wa kadai mung, dai Masha Kasha gaw shi a Kawa a hpung shingkang hte chyoi pra ai lamu kasa ni hte nawng du sa wa yang, dai wa hpe kaya kau na ru ai.

LUKA 9:26

kaning rai nme law, ngai hte ndai nye a ga hpe kaya ai wa kadai hpe mung, dai Masha Kasha gaw tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa yang, dai wa hpe kaya kau na ru ai.

YAWHAN 15:27

Nanhte mung, shawng nnan kaw nna ngai hte rau nga manit dai majaw, sakse hkam nga myit dai.

YAWHAN 19:35

Dai lam mu ai wa gaw sakse hkam wu ai rai nna, shi a sakse gaw tengman lu ai: nanhte mung kamsham lu myit ga, tengman ai ga shi tsun nga ai gaw, shi dai chye nga ai.

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

ROMA 8:36

“Na a jaw e anhte shani shagu sat kau ai hkrum ga ai, Sat na san da ai sagu hpe zawn, anhte hpe nawn da mi ai,” nga nna ka da nga ai hte maren, tsin-yam tsindam atsu atsam, zingri zingrat ai, hku hku hpang gara ai, singgu krin ai, shoihpa hkrithpa hte ri nhtu hkrum yang she, jahka kau lu na mi ni?

ROMA 9:33

Shing rai, “Ahtu kataw na nlung hte, myit kataw shangun na lunghkrung hpe, Ziun hta e ngai tawn da se ai rai nna, Shi hpe kamsham ai wa gaw, kaya kahpa n hkrum na ra ai,” nga nna ka da nga ai hte maren, dai ahtu kataw na nlung hta e shanhte ahtu kataw nga ma ai.

1 KORINHTU 1:6

Hkristu Yesu hta e nanhte hpe jaw da ai, Karai Kasang a chyeju hpe tau yu let, nanhte a lam Karai Kasang hpe ngai tutnawng e shakawn kungdawn nga nngai:

2 KORINHTU 6:7

tengman ai mungga hta, Karai Kasang a n-gun atsam hta mung; dinghpring ngu ai hpyen hking gaw hkra maga pai maga e sumraw ai hte,

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 3:13

Dai re ai majaw, nanhte a matu mara ngai hkam ai tsin-yam tsindam hta nanhte myit n hten u ga, ngai hpyi nem nga nngai: dai tsin-yam gaw nanhte a arawng sadang rai nga malit dai.

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

HPILIPI 3:10

si mat ai ni a bai rawt wa na lam hta ngai mung dep lu hkra, shi hte shi a bai rawt ai lam a atsam chye lu nna, shi a nni nkri hkrum ai hta kanawn lu na hte, shi a si hkam ai hpe hkan dagraw lu u ga,

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

KOLOSE 1:11

shi a hpung shingkang re ai n-gun nga ai hte maren, shakut sharang nna kabu gara ai hte myit galu kaba hkum tsup hkra, n-gun lagaw amyu myu hte shaja ya ai hkrum myit ga mung,

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

1 HTESALONI 3:4

Kaning rai nme law, nanhte hte rau naw nga ai shaloi e, anhte tsin-yam tsindam hkrum na ga ai hpe, anhte nanhte hpe tsun dan magang ga ai rai nna, nanhte chye nga myit dai hte maren, shing rai mung byin wa sai.

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

2 TIMOHTI 1:10

dai lam gaw moi chyaloi nhkoi kaw nna, Hkristu Yesu hta e anhte hpe jaw da ma ni ai rai timung, anhte a hkye hkrang la ai Madu Hkristu Yesu paw pru ai a majaw, ya e shadan shaleng dat nu ai; shi gaw si hkrung si htan hpe yeng kau da nna, dai kabu gara shiga hte asak hkrung ai lam mung, n hten n bya re ai lam mung, shadan dat nu ai:

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

2 TIMOHTI 2:3

Hkristu Yesu a hpyen ma kaja zawn, ru tsang jawm hkrum ga.

2 TIMOHTI 2:8

Ngai hkaw tsun ai kabu gara shiga hte maren, si mat ai ni kaw na bai hkrung rawt wa sai, Dawi a aru arat rai nga ai Yesu Hkristu hpe, adum nga u.

2 TIMOHTI 2:9

Dai kabu gara shiga a jaw e, n hkru ai wa zawn, bawng dung hkra ru tsang hkrum nngai, rai timung, Karai Kasang a mungga gaw sharen da hkrum lu ai n rai.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

2 TIMOHTI 4:5

Nang chyawm gaw, lam shagu hta htauli htaula nga u; nni nkri hkam sharang nga u; kabu gara shiga hkaw dan ai sara a amu gun hpai nga u; na a sara aya a amu hpe hkum tsup hkra shatup u.

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

1 YAWHAN 4:14

Mungkan ga a Hkye hkrang la ai madu tai u ga, Kawa gaw dai Kasha hpe shangun dat wu ai gaw, anhte mada mu ai hte sakse hkam ga ai.

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

SHINGRAN 1:2

Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.