2 TIMOHTI 1:7 - Jinghpaw Hanson Version Bible

⁷ Kaning rai nme law, Karai Kasang gaw hkrit chye ai myit anhte hpe n jaw mi ai; n-gun lagaw rawng ai myit, tsawra chye ai myit, si si nga chye ai myit she jaw mi ai.

Jinghpaw Common Language Bible 2009

⁷ Hpa majaw nga yang, Karai Kasang anhte hpe jaw ai Wenyi e, anhte hpe hkrit agam ai myit jaw mi ai n rai; Dai Madu a Wenyi gaw anhte hpe n-gun atsam, tsaw ra myit hte tinang hkum hpe hkang la lu ai myit she jaw mi ai.

2 TIMOHTI 1:7 ပူးပေါင်းရင်းမြစ်များ

SHAKAWN KUNGDAWN 119:80

Ngai kaya kahpa n hkrum n ga, Na a ga madat hta e nye a myit tsup nga li ga.

GA SHAGAWP 2:7

Tara dara ai lam hpe makawp maga na hte, shi a chyoi pra ai ni a lam hpe bau sin nga lu hkra,

GA SHAGAWP 8:14

Hpaji daw lu ai hte lam madung ngai rai nga nngai; Chye chyang ai npawt ngai rai nga nngai; Ngai gaw n-gun atsam hte hpring nga nngai.

ESAIA 11:2

Yehowa a wenyi ngu ai, hpaji byeng-ya hte nyan jaw ai wenyi, hpaji daw ai hte daru magam rawng ai wenyi, chye chyang ai hte Yehowa hpe hkrit hkungga ai wenyi, shi a ntsa e shanu nga na ra ai:

MIHKA 3:8

Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

LUKA 10:19

Yu mu, lapu hte n-gawgawk ni hpe kabye lu na hte, gumlau a atsam nlang hpe dang lu na ahkang, ngai nanhte hpe jaw made ai rai nna, hpa e mung nanhte hpe hkala lu na myit dai n rai.

LUKA 15:17

Shing rai shi myit dum yang, ‘Nye wa a shabrai sha ai ni gade wa n taw n tsang muk sha lu nga ma hka! ngai wa gaw ndai yang e kawsi kyet ai hte hten bya magang wa nga nngai:

LUKA 24:49

Yu mu, nye Wa a ga ndat nanhte a ntsa e ngai shangun dat na ring ngai: nanhte chyawm gaw, matsaw ningtsang de na n-gun atsam dagraw la lu ai nhtoi du hkra, ndai mare e naw la nga ma la,” ngu nna shanhte hpe tsun dat mu ai.

LUKA 8:35

Shanhte mung dai byin ai lam yu yu na pru sa wa ma ai: shanhte Yesu kaw du ma yang, nat ni pru mat wa ai wa gaw hpun palawng bu hpun nna, shawoi na myit hte Yesu a lagaw nhpang e dung nga ai hpe, mu ma ai rai nna hkrit kahpra mat ma ai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

KASA 26:11

Tara jawng magup hta mung shanhte hpe law law lang ari jahkrum let, Yesu hpe shatan shangun lu hkra shaja se ai: shanhte hpe nachying pawt ai n-yun, bu nna, masha ga hkan na kahtawng mare du hkra pyi, hkan zingri mase ai.

KASA 26:25

Pawlu Chyawm gaw, “Grau htum ai Hpestu e, ngai n mana nngai; tengman ai hte myit leng ai ga ngai tsun nngai.

KASA 6:8

Ya Stehpan gaw chyeju hte n-gun atsam hpring nga ai rai nna, mung masha ni a man e mauhpa amu hte lamik kumla kaba madun dan mu ai.

KASA 9:22

Shawlu chyawm gaw n-gun ja wa nna, Yesu gaw Hkristu nan rai nga ai lam pra pra madun dan ai hte, Damasku e nga ai Yuda ni hpe shamak kau mu ai.

ROMA 5:5

dai myit mada ai chyawm gaw, kaya kahpa jahkrum mi ai n rai: kaning rai nme law anhte hpe jaw da sai Chyoi pra ai Wenyi e Karai Kasang a tsawra ai myit, anhte a kraw lawang hta e ru bang ya ma ni ai.

ROMA 8:15

Kaning rai nme law, bai hkrit kang na matu, mayam a wenyi hpe nanhte hkam la manit dai n rai; Aba, Wa e, nga nna jahtau chye ai, yin la ai kasha a wenyi hpe she, nanhte hkam la manit dai.

1 KORINHTU 2:4

nanhte a makam masham gaw, masha a hpaji byeng-ya hte n rai,

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

KOLOSE 1:8

dai Wenyi hta e nanhte a tsawra ai myit gaw, shi anhte hpe mung shadan dan ma ni ai.

HEBRE 2:15

si lam hpe hkrit nna, prat tup yamnga ai ni yawng hpe shalawt dat lu na lam si hkam ai hte shabyin lu hkra, dai hte maren asai ashan hta shang dagraw wu ai.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 YAWHAN 4:18

Tsawra ai myit hta e hkrit kang ai myit n rawng lu ai; hkrit kang ai myit ari hkrum nga ai majaw, hkum chyip re ai tsawra ai myit gaw, hkrit kang ai myit hpe shaden kau wu ai: hkrit kang nga ai wa chyawm gaw, tsawra ai myit garai n hkum lu ai.