2 TIMOHTI 1:4 - Jinghpaw Hanson Version Bible

⁴ na a myi prwi ngai dum nna, nye a kabu gara ai dik wa lu li ga, nang hte hkrum na, shani shana ngai myit ndawt nga nngai:

Jinghpaw Common Language Bible 2009

⁴ Na a myi prwi ni hpe ngai dum ya nga nngai rai nna ngai hta dai kabu gara ai hte hpring tsup wa u ga, nang hte hkrum lu na matu ngai grai myit n dawt nga nngai.

2 TIMOHTI 1:4 ပူးပေါင်းရင်းမြစ်များ

SHAKAWN KUNGDAWN 126:5

Myi prwi hte gat hkai ai ni, Kabu gara let bai shu lu na mu ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

YAWHAN 16:24

Ya du hkra nye a amying hta gang nna, nanhte hpa mung n hpyi yu myit dai: nanhte a kabu gara ai hpring tup wa hkra, lu la na matu, hpyi nga mu.

KASA 20:19

shi Madu a magam gun hpai ai hta nachying myit shanem nna, nep myi prwi hte, Yuda masha ni jahte tam ai a majaw ngai hta byin ai sharu shatsang hkam sha ai lam hpe mung;

KASA 20:31

Dai re ai majaw, ngai nanhte mahkra hpe masum ning tup shani shana n sim n sa myi prwi hte shadum jahprang da ai hpe, dum nna a maja nga mu.

ROMA 1:11

Nanhte ngang hkang nga myit ga, wenyi kumhpa langai ngai nanhte hpe karan jaw lu n ga, nanhte hte hkrum na ngai katu nga nngai:

HPILIPI 1:8

Kaning rai nme law, Hkristu Yesu a n-gaw nwai ai hta ngai nanhte nlang hte hpe gade wa nra la nga nngai gaw, Karai Kasang nye a sakse rai nga ai.

HPILIPI 2:26

Kaning rai nme law, nanhte nlang hte hpe sa hkrum lu na, shi nachying myit ndawt nga ai hte, shi machyi ai hpe nanhte na yu hkrup myit dai majaw, shi grai wa myit ru myit tsang nga ai.

1 HTESALONI 2:17

Anhte mung, hpunau ni e, myit masin hte n rai, myi man hte sha tawng marang mi nanhte hte daw hka wa ga ai majaw, nanhte a myi man hpe bai mu lu na, nachying ndawt let anhte grau nna shakut sharang nga ga ai:

2 TIMOHTI 4:21

Nshung garai n shang yang du lu hkra, tin tin rai u. Ubulu, Puden, Linu, Klawdia hte hpunau ni yawng hte gaw, nang hpe shakram dat ma ai.

2 TIMOHTI 4:9

Ngai hpang de alawan du na tin tin rai u:

1 YAWHAN 1:4

Anhte a kabu gara ai lam dik wa mali ga, ndai hte gaw anhte ka ya dat ga ai.

SHINGRAN 21:4

shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.