2 TIMOHTI 1:14 - Jinghpaw Hanson Version Bible

¹⁴ Nang hpe ap ya da ai aya kaja hpe, anhte hta rawng nga ai Chyoi pra ai Wenyi hte, a mahkyu nga u.

Jinghpaw Common Language Bible 2009

¹⁴ Nang hpe kam nna ap ya da sai mai kaja ai arai ni hpe anhte hta shanu nga ai dai Chyoi Pra ai Wenyi a atsam hte a mahkyu nga u.

2 TIMOHTI 1:14 ပူးပေါင်းရင်းမြစ်များ

LUKA 16:11

N tara ai sutgan hta pyi nanhte kangka n rai lu myit yang gaw, dai dingman ai sutgan hpe, nanhte hpe kadai mi kam ap ya na myit ta?

YAWHAN 14:17

mungkan ga gaw dai Wenyi hpe n mu n chye ma ai majaw, n hkap la lu ma ai: nanhte chyawm gaw dai Wenyi hpe chye nga myit dai; kaning rai nme law, shi gaw nanhte hte rau rai nga ai, nanhte hta mung rawng nga na ra ai.

ROMA 3:2

Lam shagu hta akyu grai nga ai. Shawng na mahtang, Karai Kasang a shingran ga shanhte hkam la lu ma ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

ROMA 8:13

kaning rai nme law, hkum shan hte seng ai asak sha hkrung nga myit yang gaw, nanhte si na rai nga myit dai; rai timung, Wenyi hte hkumhkrang a arawn alai ni hpe nanhte sat kau myit yang gaw, nanhte hkrung nga na marin dai.

ROMA 8:9

Nanhte hta e chyawm gaw Karai Kasang a Wenyi rawng nga myit yang gaw, nanhte hkum shan myit hta e n rai, Wenyi hta e nan rawng nga myit dai. Langai ngai gaw Hkristu a Wenyi n rawng yang dai wa shi hte n seng nga ai.

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

1 KORINHTU 6:19

Dai hta n-ga, nanhte a hkumhkrang gaw, Karai kasang kaw na nanhte lu la ai hte, nanhte hta e rawng nga ai Chyoi pra ai Wenyi a htingnu rai nga ai, nanhte n chye nga myit ni? Nanhte gaw tinang hkum hpe pyi up lu ai n rai;

1 KORINHTU 9:17

Dai rai nna, dai amu hpe nye a myit hte ngai galaw nga n yang gaw, ngai shabrai lu nngai; rai timung, nye a myit hte n galaw nga n yang gaw, kunhting aya hta san da ai sha rai nga nngai.

2 KORINHTU 5:16

Dai re ai majaw, ya kaw nna anhte kadai hpe mung hkum shan ahpraw hpe tau yu yang, n chye nga ga ai; Hkristu a hkum shan ahpraw hpe pyi anhte chye lu saga ai rai timung, ya kaw nna dai zawn hpa n chye ga ai.

GALATI 2:7

matu gadoi hkam ai ni hpe dai kabu gara shiga hkaw dan na ahkang, Petru lu la ai hte maren, matu gadoi n hkam ai ni hpe hkaw dan na ahkang, ngai nan lu la ni ai gaw, shanhte mu ma ai.

EHPESU 2:22

Wenyi a jaw e Karai Kasang a rawng nga na wahpang tai myit ga, nanhte mung shi hta e jawm de nga myit dai.

EHPESU 5:18

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

KOLOSE 4:11

Yustu mying ai Yesu mung nanhte hpe shakram dat myit dai: shanhte gaw matu gadoi hkam ai ni hte seng ma ai rai nna, Karai Kasang a mungdan hta shanhte hkrai sha nye a shingdep shingtau ni rai ma ai hte, nye a matu mara ngwipyaw ai lam tai wa ma ai.

1 HTESALONI 5:19

Wenyi hpe hkum shanum myit;

1 TIMOHTI 1:11

dai gaw ngai hkam la ai a rawng ai Karai Kasang a hpung shingkang madun ai kabu gara shiga hte maren rai nga ai.

1 TIMOHTI 6:20

O, Timohti e, nang hpe ap ya de ai aya hpe, a mahkyu nga u: n san n seng ai baw law ai ga hpe mung, chye chyang ai lam re ai ngu nna, shamying gawm ai nhtan shai ai lam hpe mung, koi kau nga u:

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

2 TIMOHTI 2:2

Sakse law law a man e ngai kaw na nang na la sai lam hte hpe, masha kaga hpe sharin achyin chye ai kangka re ai masha hte kaw htawt ap ya u.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;