2 TIMOHTI 1:12 - Jinghpaw Hanson Version Bible

¹² Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

Jinghpaw Common Language Bible 2009

¹² Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 1:12 ပူးပေါင်းရင်းမြစ်များ

SHAKAWN KUNGDAWN 25:2

Nye a Karai Kasang e, nang hta ngai shingbyi nga nngai; Ngai kaya kahpa hkrum na nngai n rai: Nye a gumlau ni ngai hpe dang lu na mi ai, n rai.

SHAKAWN KUNGDAWN 31:5

Na a lata hta nye a wenyi hpe ngai ap ya de ai; Tengman ai Karai Wa Yehowa e, Nang ngai hpe hkrang la nit dai.

SHAKAWN KUNGDAWN 56:9

Dai majaw ngai jahtau ai nhtoi hta e, Nye a hpyen ni kanut mat wa na ma ai: Karai Kasang ngai hte rau rai nga ai, dai ngai chye nga nngai.

SHAKAWN KUNGDAWN 9:10

Dai majaw, na a amying chye ai ni nang hta hpa nga nna, Yehowa e, nang hpe tam ai ni hpe nang kau da ndai n rai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 50:7

Madu Yehowa gaw ngai hpe karum na ra ai; dai re ai majaw, ngai mak mat ai n rai; nye a myi man mung nhpai lung zawn ngai shatai nna, ngai kaya kahpa n hkrum na, ngai chye nngai.

ESAIA 54:4

Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

NAHUM 1:7

Yehowa gaw mai kaja nga ai; ru tsang ai aten hta e makawp maga shara, shi rai nga ai: shi hta shingbyi ai ni hpe shi matsing nga ai.

MAHTE 12:21

Shi a amying hta masha amyu ni myit mada na mara ai,” nga nna, myihtoi Esaia tsun ai ga dik wa na matu byin wa sai.

MAHTE 24:36

Rai timung, dai shani hte ahkying hpe chyawm gaw kadai mung n chye lu ai: lamu kasa ni hte Kasha pyi, dai hpe n chye lu ai; Wa hkrai sha dai hpe chye lu ai.

MAHTE 7:22

Dai shani e, ‘Madu e, Madu e,’ na a amying hte anhte myihtoi htoi saga ai hte, na a amying hte nat hkyawt kau nna, na a amying hte magam amu law law shachyen saga ai, n rai ni? nga nna law law wa ngai hpe tsun na mara ai.

LUKA 10:12

Nanhte hpe ngai tsun made ga, dai nhtoi e Sodom gaw dai mare hta naw chyamai na ra ai.

LUKA 23:46

Shaloi Yesu gaw, “Wa e, nye a Wenyi na a lata hta ngai ap ya de ai,” nga nna nsen kaba hte jahtau wu ai: shing nga tsun ngut jang, shi nsa hti mat ai.

YAWHAN 17:15

Ndai ni hpe mungkan ga na htawt la na, ngai hpyi nngai n rai, n shawp n kap ai hta na shanhte hpe makawp maga na she, ngai hpyi nngai.

YAWHAN 6:44

ngai hpe shangun dat ai nye Wa e lau la ai wa n rai yang gaw, kadai mung ngai hpang de du sa lu na n rai; du sa ai wa hpe mung, hpang jahtum na nhtoi hta ngai sharawt la na we ai.

KASA 13:46

Pawlu yan Barnaba mung nden ja ai myit hte, “Karai Kasang a mungga nanhte hpe shawng tsun dan na gaw, lam rai nga ai; rai timung, nanhte mahtang dai hpe gang kau nna, n htum n wai asak hte n ging ai gaw, tinang dai dawdan la myit dai majaw, yu mu, maigan amyu ni hpang de anhte myi man kayin na saga ai.

KASA 13:50

Yuda masha ni chyawm gaw, tara hkungga nna arawng lu ai num ni hte, dai mare na agyi ni hte shadut nna, Pawlu yan Barnaba hpe zingri zingrat di shangun ai hte, shanhte a lamu ga jarit na shaden kau mu ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

KASA 7:59

Shing rai kabai nga ma yang Stehpan gaw akyu hpyi let, “Madu Yesu e, nye a wenyi hkap la ya e,” nga ai.

KASA 9:16

kaning rai nme law, nye mying majaw gade wa matsan tsin-yam hkrum na gaw, ngai shi hpe madun na we ai,” ngu wu ai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

ROMA 9:33

Shing rai, “Ahtu kataw na nlung hte, myit kataw shangun na lunghkrung hpe, Ziun hta e ngai tawn da se ai rai nna, Shi hpe kamsham ai wa gaw, kaya kahpa n hkrum na ra ai,” nga nna ka da nga ai hte maren, dai ahtu kataw na nlung hta e shanhte ahtu kataw nga ma ai.

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

1 KORINHTU 3:13

kaning rai nme law, dai nhtoi gaw dai hpe shadawng dat nna, wan e gaw dai hpe shadan dan na ru ai; langai hte langai a bungli kaning rai nga ai gaw, dai wan e chyam ginhka na ru ai.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HPILIPI 3:10

si mat ai ni a bai rawt wa na lam hta ngai mung dep lu hkra, shi hte shi a bai rawt ai lam a atsam chye lu nna, shi a nni nkri hkrum ai hta kanawn lu na hte, shi a si hkam ai hpe hkan dagraw lu u ga,

HPILIPI 3:21

Shi gaw arai yawng mayawng hpe tinang a npu e tawn da lu ai atsam shachyen nga ai hte maren, anhte a grit nga ai hkumhkrang hpe ningnan galai nna, shi a hpung shingkang rawng ai hkumhkrang hte bung hkra, shachyaw jahtap na ra ai.

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

1 HTESALONI 2:16

maigan masha ni hkye hkrang la ai hkrum na matu hkaw tsun dan na, shanhte gaw anhte hpe ban hkum kau mi ai; shing rai shanhte gaw tinang a yubak hpe tutnawng e shalaw jahtam nga nna, dai pawt sindawng ai mung shanhte a ntsa e htum hkra dep nga sai.

1 HTESALONI 5:4

Nanhte chyawm gaw, hpunau ni e, dai shani gaw lagu lagut zawn nanhte hpe dep lu hkra, nanhte nsin hta e lup nga myit dai n rai:

1 TIMOHTI 6:20

O, Timohti e, nang hpe ap ya de ai aya hpe, a mahkyu nga u: n san n seng ai baw law ai ga hpe mung, chye chyang ai lam re ai ngu nna, shamying gawm ai nhtan shai ai lam hpe mung, koi kau nga u:

2 TIMOHTI 1:14

Nang hpe ap ya da ai aya kaja hpe, anhte hta rawng nga ai Chyoi pra ai Wenyi hte, a mahkyu nga u.

2 TIMOHTI 1:16

Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

2 TIMOHTI 1:18

shi gaw dai shani e, Madu a man e matsan dum ai hkam la lu hkra dai Madu gaw shi hpe chyeju jaw u ga: Ehpesu mare e mung shi ngai hpe gade wa galaw daw sai gaw, nang atsawm sha chye nga ndai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 2:9

Dai kabu gara shiga a jaw e, n hkru ai wa zawn, bawng dung hkra ru tsang hkrum nngai, rai timung, Karai Kasang a mungga gaw sharen da hkrum lu ai n rai.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai:

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

HEBRE 2:18

Kaning rai nme law, agung alau hkrum let shi hkum nan nni nkri hkrum yu sai majaw, agung alau hkrum ai ni hpe shalan shabran lu nga ai.

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

1 PETRU 4:16

rai timung, Hkristu sape rai nga ai majaw nni nkri hkrum a yang gaw, shi kaya kahpa n dum ai sha, dai amying nsang hta e, Karai Kasang hpe shagrau shatsaw nga u ga.

1 PETRU 4:19

Dai rai nna, Karai Kasang a myit da ai hku hte maren nni nkri hkrum ai ni gaw, kaja ai amu bungli galaw nga let, sadi sahka nga ai Hpan wa Ningsang a lata e, tinang a myit masin hpe ap bang ya mu ga.

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,