2 TIMOHTI 1:10 - Jinghpaw Hanson Version Bible

¹⁰ dai lam gaw moi chyaloi nhkoi kaw nna, Hkristu Yesu hta e anhte hpe jaw da ma ni ai rai timung, anhte a hkye hkrang la ai Madu Hkristu Yesu paw pru ai a majaw, ya e shadan shaleng dat nu ai; shi gaw si hkrung si htan hpe yeng kau da nna, dai kabu gara shiga hte asak hkrung ai lam mung, n hten n bya re ai lam mung, shadan dat nu ai:

Jinghpaw Common Language Bible 2009

¹⁰ Rai ti mung ya gaw, anhte a hkye hkrang la ai Madu Hkristu Yesu du sa ai aten e, dai lam anhte hta shadan dan dat mani ai. Shi gaw si hkrung si htan a atsam hpe yeng seng kau nna, dai Kabu Gara Shiga hku nna n si n mat ai asak hkrung lam hpe shadan dan dat nu ai.

2 TIMOHTI 1:10 ပူးပေါင်းရင်းမြစ်များ

ESAIA 43:3

Kaning rai nme law, ngai gaw, nang hpe Hkye hkrang la ai Madu, Israela a Chyoi pra ai Wa, na a Karai Kasang Yehowa rai nga nngai: na a gawng malai hkungga tai na matu Egutu mung hpe mung, na a malai Hkusha hte Seba mung hpe mung, ngai jaw ni ai.

ESAIA 45:15

Israela Karai Kasang, Hkye hkrang la ai Wa e, makoi magap nga ai Karai Kasang nang teng teng rai nga ndai, nga nna hpyi nem na mara ai.

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

HOSEA 13:14

Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

LUKA 11:36

Na a hkumhkrang hta shara mi muk n sin ai, hkum ting htoi nga ai rai yang gaw, pyengdin htoi tu kabrim ai hte nang hpe jahtoi ya ai zawn, na a hkumhkrang ting htoi na ra ai, ngu wu ai.

LUKA 13:7

Dai rai nna shi gaw, ‘Yu u, ngai masum ning tup dai maihpang hpun hta na asi sa tam timung n mu we ai; dai hpe kran kau u: hpa rai ga lahpawt tu nga na a ta?’ ngu nna tsabyi sun lajang ai wa hpe tsun wu ai.

LUKA 2:11

dai ni na nhtoi hta Hkye hkrang la ai wa Hkristu ngu ai Madu gaw, Dawi a mare e nanhte a matu shangai wa sai:

YAWHAN 1:9

Mungkan ga de sa nga let, masha nlang hte hpe jahtoi ya ai nhtoi majing chyawm gaw, nga nga sai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

YAWHAN 20:31

rai timung, Yesu gaw, Karai Kasang a Kasha ngu ai, Hkristu rai nga ai hpe, nanhte kamsham lu nna, shi mying ningsang a marang e asak hkrung ai lu la myit ga, nga nna ndai hte wa ka tawn nga ai.

YAWHAN 4:42

dai ni gaw dai numsha hpe, “Ya gaw, na a ga majaw sha anhte kamsham ai n rai saga ai: anhte nan na la lu nna, ndai wa gaw mungkan ga a Hkye hkrang la ai Madu teng teng rai nga ai chye saga ai,” ngu mu ai.

YAWHAN 5:40

dai re ai mi, asak hkrung ai lu la na matu nanhte gaw ngai hpang de n sa mayu myit dai.

KASA 13:23

Dai wa a amyu matu hta na, Karai Kasang gaw, ga ndat nga ai hte maren, Israela masha ni a matu, Hkye hkrang la ai Madu Yesu hpe, paw pru shangun wu ai.

KASA 5:31

Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 3:31

Dai rai yang gaw, kamsham ai hte anhte dai jep ai tara hpe gum-yu shatai kau sagaw ni? shing n rai law; anhte dai tara hpe shangang shagrin ga ai.

ROMA 6:6

Si mat ai wa gaw yubak hta na lawt pru nga ai majaw,

1 KORINHTU 15:26

Hpang chyahtum na hpyen wa ngu ai, si hkrung si htan gaw, yeng kau ai hkrum na ra ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 5:4

Ndai sum hta e naw nga nga ai ni anhte gaw, lit hpe gun hpai let a madai nga ga ai rai nna, ndai sum hpe anhte kun di kau mayu ga ai n re ai sha, si mat chye ai gaw asak hkrung ai hta lup mayu kau ai hkrum u ga, hkumhkrang nta hpe dagraw na mahtang ra nga ga ai.

GALATI 5:4

Jep ai tara hta dinghpring mayu ai ni, nanhte gaw Hkristu hte daw hka wa manit dai; nanhte chyeju hta na hkrat mat wa manit dai.

EHPESU 1:18

shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

EHPESU 1:9

dai chyeju gaw hpaji byeng-ya hte kunghpan ai lam nlang hte hte, anhte hta e law htam wa sai:

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

2 TIMOHTI 1:1

Hkristu Yesu hta e rawng ai asak jaw na lam a ga ndat hte maren, Karai Kasang a myit ra ai hku majaw, Hkristu Yesu a kasa rai nga ai, ngai Pawlu gaw, nye tsawra ai ngai sha Timohti hpe, ga shana dat nngai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 4:1

Karai Kasang a man e mung, hkrung nga ai ni hte si ai ni hpe tara dara magang ra ai Hkristu Yesu a man e mung, shi a dan pru na lam hte shi a mungdan a man e mung, ngai nang hpe shadut dat de ai gaw:

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

TITU 2:11

Kaning rai nme law, a rawng ai myit mada ai lam ngu ai, galu kaba htum ai Karai Kasang hte anhte a hkye hkrang la ai Madu Hkristu Yesu a hpung shingkang a dan pru na lam a la nga let;

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

TITU 3:4

Rai timung, anhte a hkye hkrang la ai Madu Karai Kasang a chyeju hte n-gaw nwai myit dan pru wa ai shaloi e,

HEBRE 10:32

Rai timung, jahtoi la hkrum manit dai hpang, tsin-yam tsindam kaba hte katut gasat hkrum ai shaloi na nanhte sharang lu ai, shawng de na nhtoi ni hpe bai dum nga mu:

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.

2 PETRU 1:3

Hpung shingkang hte arawng sadang e anhte hpe shaga la ai wa a chye chyang lu ai nyan a gawp e, shi a Karai Wa atsam gaw, asak hkrung nga ai hte tara hkungga ai lam hta seng maseng hte anhte hpe jaw da mi ai rai nna,

2 PETRU 2:20

Dai hta kaga, anhte a Madu hte Hkye hkrang la ai wa Yesu Hkristu hpe chye chyang lu ai a gawp e, shanhte gaw mungkan ga a matsat shabat lawt lu nhtawm e, dai hta e a gyit ahkang da nga ai hpe bai hkrum hkrup nna, dai gaw shanhte hpe bai dang kau mu yang gaw, dai ni a hpang na gaw shawng na hta grau nna yak wa nga ai.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.

2 PETRU 3:2

dai Madu hte Hkye hkrang la ai wa a htet da ai ga hpe mung, nanhte adum nga myit ga, ndai laika yan hta nanhte a san seng ai myit hpe shadum jahprang let, ngai jasu da made ai.

1 YAWHAN 1:2

Dai asak gaw dan pru wa ai rai nna, Kawa hte rau nga nga yu sai hte, nanhte kaw dan pru wa sai, htani htana na asak hpe, anhte mu yu nna, de a lam nanhte hpe sakse hkam ya ai hte gawn dan ga ai;

1 YAWHAN 4:14

Mungkan ga a Hkye hkrang la ai madu tai u ga, Kawa gaw dai Kasha hpe shangun dat wu ai gaw, anhte mada mu ai hte sakse hkam ga ai.

SHINGRAN 18:1

Dai hte a hpang e lamu kasa kaga gaw sumsing lamu de na yu wa ai, ngai mu nngai; shi gaw ahkang aya kaba lu nna, lamu ga gaw shi a hpung shingkang hte htoi ala nga ai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 20:14

Shaloi si hkrung si htan hte katsan ga gaw, dai wan nawng hta jahkrat bang kau ai hkrum ma ai: dai wan nawng gaw lahkawng lang na si lam rai nga ai.

SHINGRAN 22:14

Asak jahkrung ai hpun hpang de du lu na hte, mare kata de chyinghka hku shang lu na ahkang lu la hkra, tinang a hpun palawng hkrut kau ai ni gaw, a lu ma ai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.