2 TIMOHTI 1:1 - Jinghpaw Hanson Version Bible

¹ Hkristu Yesu hta e rawng ai asak jaw na lam a ga ndat hte maren, Karai Kasang a myit ra ai hku majaw, Hkristu Yesu a kasa rai nga ai, ngai Pawlu gaw, nye tsawra ai ngai sha Timohti hpe, ga shana dat nngai.

Jinghpaw Common Language Bible 2009

¹ Karai Kasang a myit ra ai hku hte, maren Hkristu Yesu a kasa tai nna Hkristu Yesu hte langai sha tai nga ai a marang e anhte lu la na ga ndat hte seng ai asak a lam shana shabra na matu shangun dat hkrum ai ngai Pawlu gaw, nye a tsaw ra ai ngai sha Timohti hpe ga shana dat nngai.

2 TIMOHTI 1:1 ပူးပေါင်းရင်းမြစ်များ

YAWHAN 10:28

ngai shanhte hpe n htum n wai asak jaw da we ai rai nna, shanhte galoi mung hten bya ai hkrum na n rai; nye a lata na shanhte hpe gade e kashun la ya lu na n rai.

YAWHAN 17:3

Htani htana asak ngu ai chyawm gaw, langai sha rai nga ai hte tengman re ai nang Karai Kasang hpe mung, nang shangun dat ai wa Yesu Hkristu hpe mung, shanhte chye chyang lu ai hpe, ngu ai, rai nga ai.

YAWHAN 5:24

Nanhte hpe ngai gaja wa teng teng tsun made ga, Nye a ga madat nna ngai e shangun dat ai wa hpe kamsham ai wa gaw, htani htana asak lu la wu ai rai nna, tara dawdan ai kaw n du ai sha, si nga ai kaw nna hkrung nga ai de, kawt lai wa sai.

YAWHAN 6:40

Hpa rai nga yang, Kasha wa hpe mu nna, kamsham ai wa kadai mung htani htana asak lu la na gaw, nye Wa a myit ra ai hku rai nga ai: ngai mung hpang jahtum na nhtoi hta, dai wa hpe sharawt na we ai,” ngu nna shanhte hpe tsun mu ai.

YAWHAN 6:54

Nye a ashan sha nna, nye a asai lu ai wa gaw, htani htana asak lu la nu ai: dai wa hpe mung, hpang jahtum na nhtoi hta ngai sharawt la na we ai:

ROMA 1:1

Yesu Hkristu a mayam hte, kasa aya hta dang da nna, dai chyoi pra ai Chyum laika ni hta

ROMA 5:21

rai timung, yubak gaw si hkrung si htan hte up hkang nga ai hte maren, anhte a Madu Yesu Hkristu a marang e, htani htana asak lu la hkra, chyeju gaw dinghpring ai hte up hkang nga lu u ga, yubak law htam wa ai hte yang e, chyeju gaw grau nna law htam wa sai.

ROMA 6:23

Kaning rai nme law, yubak a shabrai gaw si mat ai rai nga ai; Karai Kasang a chyeju kumhpa chyawm gaw, anhte a Madu Hkristu Yesu hta e, htani htana asak rai nga ai.

1 KORINHTU 1:1

Karai Kasang myit ra ai hte maren, Yesu Hkristu a kasa aya hta dang da ai, ngai Pawlu hte hpunau Sosteni gaw, Hkristu Yesu hta e shachyoi shapra ai hkrum nna, chyoi pra ai ni ngu na shaga la ai,

2 KORINHTU 1:1

Karai Kasang myit ra ai hte maren, Hkristu Yesu a kasa, ngai Pawlu hte, hpunau Timohti gaw, Korinhtu mare na Karai Kasang a Hpung hte Ahkaia mung ting na chyoi pra ai ni nlang hte hpe, ga shana dat ga ai.

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

EHPESU 3:6

ndai aprat e shi a chyoi pra ai kasa ni hte myihtoi ni kaw Wenyi e shadan dan ai hte maren, moi shawng na aprat ni hta e shinggyim masha ni kaw n shana ya mu ai, rai nga ai.

1 TIMOHTI 6:19

asak majing ngu ai asak hpe magra noi lu mu ga, du magang ra ai aprat a matu mara mai kaja ai sutgan npawt tinang dai mahkawng da mu, ngu nna shanhte hpe a hkang nga mu.

2 TIMOHTI 1:10

dai lam gaw moi chyaloi nhkoi kaw nna, Hkristu Yesu hta e anhte hpe jaw da ma ni ai rai timung, anhte a hkye hkrang la ai Madu Hkristu Yesu paw pru ai a majaw, ya e shadan shaleng dat nu ai; shi gaw si hkrung si htan hpe yeng kau da nna, dai kabu gara shiga hte asak hkrung ai lam mung, n hten n bya re ai lam mung, shadan dat nu ai:

2 TIMOHTI 1:13

Ngai kaw na nang na la sai masan maseng mungga ningli hpe, Hkristu Yesu hte seng ai kamsham nna tsawra ai myit hte, gumnoi nga u.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

2 TIMOHTI 2:1

Dai re ai majaw, ngai sha e, Hkristu Yesu hta e rawng ai chyeju hta, n-gun lapyin jat wa lit ga.

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

2 TIMOHTI 2:3

Hkristu Yesu a hpyen ma kaja zawn, ru tsang jawm hkrum ga.

2 TIMOHTI 3:15

nang hpe hpaji byeng-ya jaw lu ai chyoi pra ai Chyum laika ni hpe ma kaji prat kaw nna nang chye nga nit dai hpe mung, adum nga let, nang sharin la nna myit tawng da ai lam ni hta, agrin nga u.

TITU 1:2

Karai Kasang a mayam hte, Yesu Hkristu a kasa tai nga ai, ngai Pawlu gaw, makam masham lam rau sha hkan ga ai majaw, ngai Sha majing re ai, Titu hpe, ga shana dat nngai.

TITU 1:4

anhte a Hkye hkrang la ai Madu, Karai Kasang a hkang da ai ga hte maren, nye a lata de ap ya ni ai. Kawa Karai Kasang hte, anhte a Hkye hkrang la ai Madu Hkristu Yesu kaw na, chyeju hte ngwipyaw ai gaw, anga nga u ga law.

HEBRE 9:15

Dai rai nna mung, shaga la hkrum ai ni gaw, ga ndat hte seng ai htani htana sali wunli hkam la lu mu ga nga, shawng na ga shaka kata e tawt lai kau ai hpe hkrang shaw la na matu, si hkam lam byin pru sai majaw, shi gaw ga shaka ningnan a htinglu ya ai wa rai nga ai.

1 YAWHAN 2:25

Anhte hpe jaw da ai ga n dat chyawm gaw, n htum n wai asak hkam la na ga n dat rai nga ai.