2 SAMUELA 9:7 - Jinghpaw Hanson Version Bible

⁷ Bai Dawi gaw, “hkum tsang et; na nwa Yonahtan a matu ngai nang hpe teng teng chyeju htang na de ai; na nji nwa Shawlu a ga dachyawk mahkra ngai nang hpe bai jaw na de ai; nang gaw nye a sha ku hta tutnawng sha nga lu na rai ndai,” ngu wu ai.

Jinghpaw Common Language Bible 2009

⁷ Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

2 SAMUELA 9:7 ပူးပေါင်းရင်းမြစ်များ

NINGPAWT NINGHPANG 43:18

Shing rai Yawsep a nta de shaga wa mu yang, shanhte gaw, Shawng e anhte a jan mahka hta bai bang dat a ai gumhpraw a majaw shaga shawn da mi ai: dai hta shi mara tam nna anhte hpe shagyeng nhtawm, mayam yam ai hte anhte a lawze ni mung la kau ya na ma ni ai, nga nna hkrit let tsun nga ma ai.

NINGPAWT NINGHPANG 43:23

Shi chyawm gaw, Nanhte ngwipyaw nga myit, hkum hkrit myit; nanhte a Karai Kasang, nanhte a kawa a Karai Kasang gaw, nanhte a jan ni hta sutgan hkan jaw manit dai; nanhte a gumhpraw gaw ngai lu la sai, nga nna tsun nhtawm, Simun hpe shanhte kaw shapraw dat ya mu ai.

2 SAMUELA 12:8

na madu a amyu matu ni hpe mung, na madu a madu jan ni hpe mung na a lahpyen e ngai ap ya sade ai: Israela amyu hte Yuda amyu hpe ngai nang hpe ap ya sade ai: dai hta n law yang rai kaga mung ngai nang hpe jaw mayu nga nngai.

2 SAMUELA 19:28

Nye amyu matu ni nlang nang madu hkawhkam a man e chyasi hkrai rai ga timung, na a sha ku e lu sha ai ni hte rau, na a mayam hpe shara yen ya nit dai. Dai rai nna, hkawhkam wa kaw ngai aput shara hpa naw nga sata? ngu nna htan wu ai.

2 SAMUELA 19:29

Hkawhkam wa chyawm gaw, Na amu a lam hpa tsun shara naw nga a ta? Nang hte Ziba dai lamu ga karan lu na rai myit dai, ngai hpajang se ai, ngu wu ai.

2 SAMUELA 19:33

Shaloi hkawhkam wa gaw Barazili hpe, Ngai kaw hkan nang rit; Yerusalem mare e ngai nang hpe bau na de ai, ngu wu yang;

2 SAMUELA 21:7

Rai timung, Shawlu a kasha Yonahtan hte shan a lapran e, Yehowa amying hte dagam da ai ga shaka nga malu ai majaw, hkawhkam wa gaw Shawlu a kasha Yonahtan shaprat ai Mehpiboshet hpe lahpawt nna di da wu ai.

2 SAMUELA 9:1

Bai Dawi gaw, “Yonahtan a matu mara ngai chyeju htang lu hkra, Shawlu a lakung lama matu hta na langai ngai naw n ngam a ni?” ngu nna san wu ai.

2 SAMUELA 9:10

Nang gaw, na a kashu kasha ni hte na a mayam ni hte rau, shi matu dai yi hkauna galaw nna, na madu a kasha sha na matu nsi naisi wa sak lu na rai ndai. Na madu kasha Mehpiboshet chyawm gaw shani shagu nye sha ku e sha na rai nga ai,” ngu nna hkang dat wu ai. Ziba chyawm gaw, shadang sha shi manga hte, mayam hkun lu ai wa rai nga ai.

2 SAMUELA 9:11

Ziba mung, “Nang madu hkawhkam, na a mayam hkang dat ai hte maren galaw na nngai,” ngu nna hkam la wu ai. Mehpiboshet mahtang hkawhkam a kasha majing zawn, shi a sha ku hta sha nga lu ai.

2 SAMUELA 9:13

Shing rai Mehpiboshet gaw Yerusalem mare e nga nga nna, hkawhkam wa a sha ku hta shani shagu sha nga lu ai: lagaw lahkawng maga hten ai wa shi rai nga ai.

2 SAMUELA 9:3

Bai hkawhkam wa gaw, “Karai Kasang a myit ra ai hku hte maren ngai chyeju htang na, Shawlu a amyu matu langai ngai naw n nga a ni?” ngu nna san wu yang, Ziba gaw, “Yonahtan a kasha, lagaw hten ai langai mi naw nga ai,” ngu nna htan wu ai.

1 HKAWHKAM 2:7

Gilead masha Barazili a kashu kasha ni hpe nang chyeju madun dan u ga; shanhte gaw na a sha ku e sha ai ni hta lawm nga mu ga: ngai na nhpu Absalom gaw na hprawng wa yang, shanhte dai lam e ngai hpe sa tau la ma ai.

2 HKAWHKAM 25:29

Shing rai Yehoiahkin gaw shi a prat dingsa e hkawhkam a man e lusha nga lu nna,

SHAKAWN KUNGDAWN 41:9

Ngai manoi nga ai nye a muk sha ai jinghku wa nan, Shi a lahtin hte ngai hpe shingdit nngai.

YEREMIA 52:33

Shing rai Yehoiahkin gaw shi a prat dingsa e hkawhkam a man e lusha nga lu nna,

ZEHKARIA 7:9

‘Malang ai hku tara dara mu; langai hte langai tinang a hpunau wa hpe n-gaw nwai ai hte matsan dum ai myit madun mu;

MAHTE 6:11

Anhte hta ra ai lusha, dai ni anhte hpe jaw mi;

LUKA 22:30

nye a mungdan e, nye a sha ku hta, nanhte lu sha lu na marin dai: nanhte mung tingnyang hta dung nna, Israela amyu shi lahkawng hte hpe tara dara lu na marin dai.

SHINGRAN 3:20

Yu u, ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai timung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.

1 SAMUELA 12:24

Yehowa hpe hkrit hkungga nna, kangka rai let myit masin mahkra hte jaw jau nga mu: nanhte a matu gade kaning di ya sai gaw adum nga mu.

1 SAMUELA 20:15

Dawi a hpyen ni nlang hpe ga ntsa na jahkoi kau ai hpang rai timung, nye amyu matu hta prat dingsa chyeju lam madun lu na ndai,” ngu wu ai.

1 SAMUELA 22:23

ngai hte rau nga ga; hkum tsang et; ngai e sat gyam ai wa gaw, nang hpe mung gyam ai rai nga ai: ngai hte rau rai yang nang lawt lu na rin dai,” ngu nna Abiahta hpe hkap tsun wu ai.