2 SAMUELA 8:6 - Jinghpaw Hanson Version Bible

⁶ Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

Jinghpaw Common Language Bible 2009

⁶ Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

2 SAMUELA 8:6 ပူးပေါင်းရင်းမြစ်များ

2 SAMUELA 10:19

Shing rai Hadaeza kaw yam ai hkawhkam ni nlang, Israela man e sum ai mu jang, shanhte Israela masha ni hte htinglu nna shanhte kaw yam ma ai. Dai rai nna, Suri masha ni htawm hpang de Ammon kashu kasha ni hpe hpyen karum na n gwi mu ai.

2 SAMUELA 23:14

Dai shaloi e Dawi gaw shi a hpyen dap hta rawng nga ai: Hpilisti masha ni mung Betlehem mare e sin langa dap jung da mu ai.

2 SAMUELA 3:18

Yehowa mung, Nye a mayam Dawi a lata hte, nye amyu Israela hpe, Hpilisti masha ni a lata na mung, masha hpyen ni yawng a lata na mung, ngai hkye mawai la na we ai,” nga nna Dawi hpe lakap nna tsun nu ai.

2 SAMUELA 5:10

Dawi chyawm gaw grau nna galu kaba jat wa nga ai; kaning rai nme law, Zaw nawng zaw wa up ai Karai Kasang Yehowa gaw shi hte rai nga ai.

2 SAMUELA 7:9

nang sa wa ai shara magup de nang hte rau ngai nga nga nna, nang hpe hpyen ai ni nlang hpe na a man na ngai seng kau ya sade ai: shing rai, ga ntsa na dan hkung ai ni a galu kaba ai amying zawn, ngai na a amying hpe mung, galu kaba shangun ya na de ai.

2 SAMUELA 8:14

Edom mung shara shagu hkan e Dawi gaw sin langa hpyen dap tawn da wu ai rai nna, Edom masha ni mahkra gaw Dawi a mayam ni tai nga ma ai. Dawi sa wa ai lam shagu hta Yehowa makawp maga nga ai.

2 SAMUELA 8:2

Moba mung hpe mung shi gasat nna, mung masha ni hpe ga e kaleng tawn nhtawm sumri hte shadawn jahka nna, htam masum na htam lahkawng sat kau wu ai; htammi sha jahkrung da wu ai. Shing rai Moba masha ni mung Dawi kaw yam nna, hkanse bang ma ai.

2 SAMUELA 8:7

Hadaeza mayam ni lang ai ja ninggang ni hpe Dawi kashun la nna, Yerusalem de la wa ma ai.

1 HKAWHKAM 4:21

Ya Shawlumon gaw dai Hka nu kaw nna Hpilisti mung hprang, Egutu mung na lamu ga jarit du hkra, mungdan mahkra up nna, shanhte gaw Shawlumon a prat htum hkra, shi hpe hkanse jaw nna daw jau mu ai.

2 HKAWHKAM 1:1

Ya Ahab si mat ai hpang, Moba masha ni gaw Israela hpe gumlau ma ai.

2 HKAWHKAM 14:28

Ya naw gawn ra ai Yeroboam a amu ni, shi galaw ai lam mahkra mung, shi a hpung shingkang hte shi kaning rai hpyen gasat nna, shawng e Yuda hkawhkam ni up ai Damasku hte Hamat ginwang ni hpe bai dawm la nhtawm, Israela mung hta shalawm lu ai lam ni mung, Israela hkawhkam ni a labau gawn ai laika hta ka da nga ai, n rai ni?

2 HKAWHKAM 18:7

Shing rai Yehowa gaw shi hte rau nga nga ai; lam shagu hta shi awng wa lu ai; shi Asuri hkawhkam hpe gumlau nna, shi hpe daw jau wu ai, n rai.

2 HKAWHKAM 3:4

Ya Moba hkawhkam Mesha gaw, sagu rem ai wa rai nga nna, Israela hkawhkam hpe sagu kasha sen mi hte sagu la sen mi amun sak jaw wu ai.

1 HKAWHKAM LABAU 18:13

Edom mung hta e, shi sin langa tawn da nna, Edom masha ni mahkra gaw Dawi a mayam ni tai nga ma ai. Yehowa mung Dawi a hkawm mahkawm hta shi hpe makawp maga da wu ai.

2 HKAWHKAM LABAU 17:2

Shing rai shi gaw Yuda mung na bunghku kum ai mare ni mahkra hta hpyen, Yuda mung shara shagu hkan mung, shi kawa Asa lu la ai Ehprim mung na mare ni hta mung, sin langa tawn da mu ai.

SHAKAWN KUNGDAWN 140:7

Dai Madu Yehowa gaw, ngai hpe hkye hkrang la ai n-gun rai nga ai; Hpyen palawng bu hpun ai shani e, nang nye a baw hpe magap da ya ndai.

SHAKAWN KUNGDAWN 60:10

Karai Kasang e, nang anhte hpe kau da nit dai, n rai ni? Karai Kasang e, anhte a luksuk ni hte rau nang n pru sa ndai.

GA SHAGAWP 21:31

Hpyen gasat ai shani a matu, gumra hkyen tawn timung, Padang lam gaw Yehowa kaw na rai nga ai.

1 SAMUELA 13:3

Ya Yonahtan gaw Geba e nga ai Hpilisti dap shang gasat wu ai; dai lam Hpilisti masha ni na ma ai. Shawlu mung, Hebre masha ni na mu ga, nga nna mung ting pahtau dum shangun wu ai.

1 SAMUELA 14:1

Ya lani mi na Shawlu a kasha Yonahtan gaw, kawa kaw ahkang n hpyi ai she, shi a ri nhtu lang ai hpyen ma hpe shaga woi nna, “Wora Hpilisti dap de sa saga,” ngu wu ai.

1 SAMUELA 14:15

Dai rai nna, dap kata na ni da, yi hkauna na ni da, masha kaga nlang hte da, hkrit gari nga ma ai; sin langa ni hte hpya sha damya ni mung, hkrit gari nga ma ai: lamu ga du kanan ai hte, nachying hkrit gari wa ma ai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.