2 SAMUELA 8:2 - Jinghpaw Hanson Version Bible

² Moba mung hpe mung shi gasat nna, mung masha ni hpe ga e kaleng tawn nhtawm sumri hte shadawn jahka nna, htam masum na htam lahkawng sat kau wu ai; htammi sha jahkrung da wu ai. Shing rai Moba masha ni mung Dawi kaw yam nna, hkanse bang ma ai.

Jinghpaw Common Language Bible 2009

² Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

2 SAMUELA 8:2 ပူးပေါင်းရင်းမြစ်များ

2 SAMUELA 12:31

Mare masha ni hpe mung shapraw la nna, zingret hte ret ai gaw ret, najawn hte shawt ai gaw shawt, nwa uhtawng hte abyen ai gaw abyen, wut nhkun hta kabaw ai gaw kabaw di sat mu ai. Dai zawn Ammon kashu kasha ni a mare kahtawng nlang hpe di mu ai. Shing rai Dawi hte masha ni nlang Yerusalem mare de bai wa ma ai.

2 SAMUELA 8:6

Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

1 HKAWHKAM 4:21

Ya Shawlumon gaw dai Hka nu kaw nna Hpilisti mung hprang, Egutu mung na lamu ga jarit du hkra, mungdan mahkra up nna, shanhte gaw Shawlumon a prat htum hkra, shi hpe hkanse jaw nna daw jau mu ai.

2 HKAWHKAM 1:1

Ya Ahab si mat ai hpang, Moba masha ni gaw Israela hpe gumlau ma ai.

2 HKAWHKAM 17:3

Shi hpe gasat na matu Asuri hkawhkam Shalmanese sa du nna, Hoshea gaw shi a shangun ma tai wa ai hte shi hpe hkanse bang da wu ai.

1 HKAWHKAM LABAU 18:2

Moba masha ni hpe mung shi gasat dang kau nna, shanhte gaw Dawi a mayam tai let, hkanse bang ma ai.

2 HKAWHKAM LABAU 26:8

Ammon masha ni mung Uzia hpe hkanse jaw mu ai: shi galu kaba wa nna shi hpe kajai gumhkawng ai gaw Egutu mung du hkra pri rai wa sai.

SHAKAWN KUNGDAWN 108:9

Moba nye a lagaw kashin ai di rai nga ai; Edom hta nye a kyepdin ngai kabai tawn na we ai: Hpilisti mung a matu, ngai garu nga nngai.”

SHAKAWN KUNGDAWN 18:45

Tsasam ni a kasha ni nyip mat ma ai rai nna, Shanhte a hpyen dap na gari let pru wa ma ai.

SHAKAWN KUNGDAWN 60:10

Karai Kasang e, nang anhte hpe kau da nit dai, n rai ni? Karai Kasang e, anhte a luksuk ni hte rau nang n pru sa ndai.

SHAKAWN KUNGDAWN 60:8

Moba nye a lagaw kashin ai di rai nga ai, Edom hta nye a kyepdin ngai kabai tawn na we ai: Hpilisti mung e, nye a matu garu mu:

SHAKAWN KUNGDAWN 83:6

Edom amyu hte Ishmaela amyu, Moba hte Hagara amyu a sum ni,

ESAIA 36:16

Hezekia ga hpe hkum madat myit: Asuri hkawhkam gaw ning nga ai, Hpyen sim na lam hpyi mu, ngai hpang de pru marit; nanhte a mungdan hte bung ai, nai mam, tsabyi jahku hte hpring nga ai mung, muk hte tsabyi sun, tsanlun hpun hte lagat jahku hpring ai mung de, ngai nanhte hpe woi wa ai shani du hkra,

BU HKAWM 24:17

Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

1 SAMUELA 10:27

Rai timung, je hpre ai masha nkau mi gaw, “Ndai wa sha mi anhte hpe kaning rai hkye la lu na a ta?” nga nna shi hpe n gawn n sawn rai let, kumhpa n sak ai nga nga ma ai: shi chyawm gaw atsin sha nga nga ai.

1 SAMUELA 14:47

Shing rai Shawlu gaw, Israela mungdan hpe up nga ai hte yang, grup yin na masha hpyen ni ngu ai, Moba masha, Amon a kashu kasha ni, Edom masha, Zoba hkawhkam ni hte Hpilisti masha ni hpe shi gasat nna, rawt ai shara shagu hkan e shanhte hpe jahtaw kau lu mu ai.

1 SAMUELA 22:3

Dai kaw nna Dawi gaw Moba mung Mizpa mare de sa wa nhtawm, Moba hkawhkam hpe, “Karai Kasang ngai hta hpa hku shabyin ai garai n chye lu ai laman e, ngai nu ngai wa ni, nang kaw sa shingbyi nga na ahkang jaw e,” ngu nna hpyi wu ai.

1 SAMUELA 22:4

Shing rai shanhte hpe Moba hkawhkam kaw ap da mu ai rai nna, Dawi lungpu hpyen dap hkan e nga hkawm ai nhtoi hte ting, kanu kawa ni gaw Moba hkawhkam kaw sa nga nga ma ai.