2 SAMUELA 7:6 - Jinghpaw Hanson Version Bible

⁶ Israela amyu hpe shaw woi wa ai shani kaw nna dai ni du hkra nta hta ngai n rawng nngai; sum hte htingwat hta ngai dung nga nngai.

Jinghpaw Common Language Bible 2009

⁶ Israela amyu masha ni hpe Egutu mung kaw na ngai hkye mawai la ai shani kaw nna dai ni du hkra htingnu kata e ngai galoi mung n rawng yu nngai; sum kata e nga nga nna ngai kayin hkawm ni ai.

2 SAMUELA 7:6 ပူးပေါင်းရင်းမြစ်များ

2 SAMUELA 11:11

Uria chyawm gaw, “Karai Kasang a sumpu mung, Israela hte Yuda masha ni mung sum hta sha nga nga ma ai; nye du Yoab hte nye madu a mayam ni mung, pa hkan e she but nga ma ai; ngai wa mi tinang nta de wa nna lu let sha let, madu jan hte pyaw let nga mai na a ni? Nang madu hkrung nga ai hte, na wenyi hkrung nga ai hte maren, ngai shing n rai na nngai,” ngu nna Dawi hpe htan wu ai.

1 HKAWHKAM 8:16

nga nna nye wa Dawi hpe n-gup ga hte tsun nhtawm shi a lata hte ga dai hpe shadik ya ai Israela Karai Kasang Yehowa gaw, a nga u ga law.”

KASA 7:44

Nang mu ai kasi hte maren hkan galaw u, nga nna Mawshe hpe hkang dat ai hku galaw ai sakse sum hpe, dai nam mali e anhte a ji wa ni lu la ma ai rai nna;

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

TARA JAHPRANG 23:14

kaning rai nme law, na a Karai Kasang Yehowa, nang hpe hkye la nna, masha hpyen ni hpe na a lata hta ap kau na nga, na a dap e hkawm nga ai: dai re ai majaw nang kaw na n san n seng ai lama ma mu nna, nang hpe n koi kau da n ga gaw, na a dap chyoi pra nga na rai lit dai.

YAWSHU 18:1

Ya Israela kashu kasha shawa hpung ting gaw, Shilo mare e zuphpawng nna, dai yang e dai shawa sum sharawt mu ai: mung ting gaw shanhte a man e grit mat ma ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

TARA AGYI 20:27

Dai prat e Karai Kasang a ga shaka sumpu dai yang nga nga ai hte, Arun a kashu Eleaza kasha Hpinehat dai sumpu a man e amu gun hpai nga ai rai nna,