2 SAMUELA 7:26 - Jinghpaw Hanson Version Bible

²⁶ Zaw nawng zaw wa up ai Yehowa gaw, Israela amyu ntsa e Karai Kasang rai nga ai, nga nna, na a Ningsang Mying gaw prat dingnawng shagrau sha-a ai mying rai nga nu ga law; na a mayam Dawi a amyu matu mung, na a man e grin nga nu ga law.

Jinghpaw Common Language Bible 2009

²⁶ Na a mying ningsang galu kaba wa nna amyu masha ni mung, ‘Chyahtum Chyalai N-gun rawng ai Madu gaw Israela a ntsa e nga ai Karai Kasang rai nga ai,’ nga nna htani htana atsun nga na rai ma ai. Nang gaw nye a magam tingnyang hpe ju majat prat janat shagrin da ya nga nu ga law.

2 SAMUELA 7:26 ပူးပေါင်းရင်းမြစ်များ

NINGPAWT NINGHPANG 17:18

Dai rai nna Abraham gaw, “Na a man e Ishmaela ahkrung nga nu ga,” ngu nna Karai Kasang hpe tsun wu ai.

2 SAMUELA 7:25

Ya chyawm gaw, Yehowa Karai Kasang e, na a mayam wa hte shi a nta masha ni a lam nang tsun ai ga, tutnawng shagrin da ya mi law; nang tsun ai hte maren shadik ya mi.

1 HKAWHKAM 18:36

Ya shana hkungga jaw ang ai aten e, myihtoi Elia sit sa nna, “Abraham a, Isak a, Israela a Karai Kasang Yehowa e; nang gaw Israela amyu hta Karai Kasang rai nga ai mung, ngai gaw na a shangun ma rai nga nngai mung, ndai ngai galaw ai yawng gaw, na a mungga hte ngai galaw nngai mung, dai ni jang chye lu hkra shapraw dan u:

1 HKAWHKAM 18:37

nang Yehowa nan, Karai Kasang rai nga ndai gaw, ndai amyu masha ni chye lu nna, nang shanhte a myit masin hpe nhtang kayin shangun ai gaw, dan pru hkra, madat mara ya e, Yehowa e, madat mara ya e law,” ngu nna hpyi wu ai.

SHAKAWN KUNGDAWN 115:1

Yehowa e, anhte hpe n rai, anhte hpe n rai: na a chyeju hte sadi sahka a majaw, Na a amying nsang hpe sha, arawng jaw u.

SHAKAWN KUNGDAWN 61:7

Shi gaw Karai Kasang a man e tutnawng e anga nga u ga; Shi hpe bau sin na chyeju hte sadi sahka hpe san da u.

SHAKAWN KUNGDAWN 89:36

Shi a aru arat tutnawng e anga nga nna, Shi a tingnyang dai ajan zawn, nye a man e anga nga ai.

MAHTE 6:9

Dai rai nna, nanhte gaw ning ngu akyu hpyi mu, Sumsing lamu na anhte a Wa e, Na a amying nsang chyoi pra nga lit ga;

YAWHAN 12:28

Wa e, na a mying ningsang hpe sha shagrau u law,” nga nna shan hpe tsun wu ai. Shaloi sumsing lamu de na ga nsen gaw, “Ngai shagrau se ai, bai naw shagrau na we ai,” nga nna, ngoi pru wa ai.