2 SAMUELA 7:13 - Jinghpaw Hanson Version Bible

¹³ Dai nsha wa she, nye ningsang mying a matu, nta shachyaw na wu ai: shi a magam tingnyang, shi a mungdan hta, prat dingsa ngai shagrin da na we ai.

Jinghpaw Common Language Bible 2009

¹³ Shi mahtang she nye a matu htingnu gap ai wa rai na ra ai; shi a magam tingnyang hpe teng teng htani htana ngai shagrin da ya na we ai.

2 SAMUELA 7:13 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 22:51

Shi gaw shi a hkawhkam wa hpe hkye hkrang la ai lam kaba shangun ya nna, Shi a namman chya ai wa ngu ai, Dawi hte shi a aru arat hpe, Htani htana chyeju a madun dan nga ai law, nga ai.

2 SAMUELA 7:16

Na amyu matu hte na a mungdan chyawm gaw, na a man e dinggrin anga nga na ra ai: na a magam tingnyang mung htani htana dinggrin anga nga na ra ai, ngu u,” ngu wu ai.

2 SAMUELA 7:27

Kaning rai nme law, Zaw nawng zaw wa up ai, Israela Karai Kasang, Yehowa e, nang mahtang na a mayam wa hpe, ‘Na a amyu matu ngai shagrin da ya na nngai,’ nga nna madun dan nit dai majaw, na a mayam wa, na a man e ning nga akyu hpyi wam ai rai nga ai.

1 HKAWHKAM 2:24

ga ndat tawn da ai hte maren ngai hpe shagrin da nna, nye wa Dawi a tingnyang hta dung nga shangun ai hte, ngai hpe dinghku arai ya ai Yehowa hkrung nga ai hte maren, Adoniya gaw gaja wa teng teng dai ni jang asak sum na ra ai,” ngu nna Yehowa amying gang let dagam wu ai.

1 HKAWHKAM 2:4

shing rai, Na nshu nsha ni sadi sahka nga nna, tengman ai hku hkan let, tinang a kraw lawang mahkra hte, myit masin mahkra hte, nye a man e hkawm nga ma yang, Israela mungdan tingnyang hta, na a aru arat kaw na langai mi matut manoi dung nga na ra ai, nga nna Yehowa ngai hpe tsun dan ai ga hpe shadik ya na ra ai.

1 HKAWHKAM 2:45

Hkawhkam Shawlumon chyawm ga gumring gumrat lu la nna, Dawi a tingnyang gaw Yehowa a man e tutnawng prat dingsa agrin nga na ra ai,” ngu nna kahtap tsun wu ai.

1 HKAWHKAM 5:5

Dai re ai majaw, Yehowa gaw nye wa Dawi hpe, “Na malai, na tingnyang hta ngai dang da na, na nsha gaw, nye a amying nsang a matu nawku nta gaw da na ra ai,” nga nna tsun da ai hte maren, nye a Karai Kasang Yehowa amying nsang a matu nawku nta gaw da na ngai maw nga nngai.

1 HKAWHKAM 6:12

“Ya nang gap da ai nta a lam gaw, nye a matsun maroi ga hta nang hkan hkawm nna, ngai hkang da ai ga hkan shatup let, ngai htet da da ai ga hkan shatup let, ngai htet da ai ga nlang hte hpe hkan galaw ndai rai yang gaw, na nwa Dawi hpe ngai tsun da ai ga hte maren, ngai nang hta e shagrin shadik na we ai.

1 HKAWHKAM 8:13

Gaja wa ngai gaw, “Na a matu tutnawng prat dingsa shanu nga na shingbyi shara nta gaw da nngai,” nga ai.

1 HKAWHKAM 8:15

Bai shi gaw, “Nye a amyu Israela hpe Egutu mung na shapraw ai shani kaw nna, Israela amyu ni a mare langai mi hta nye a amying shanu nga na matu nta galaw da na ngai garai n lata la timung, nye a amyu Israela ntsa e up nga na matu ngai Dawi hpe lata la se ai,

1 HKAWHKAM 8:19

rai timung nang dai nta hpe gaw da lu na n rai; na nshang nna hkrat ai na nsha gaw, nye a amying nsang matu dai nta hpe gaw da na ra ai,” nga nna nye wa Dawi hpe tsun da wu ai.

2 HKAWHKAM 21:4

Yehowa gaw, Yerusalem mare hta e nye a amying ningsang tawn da na we ai, nga timung, shi gaw Yehowa a nta hta tawn hkungri shaje galaw da wu ai.

2 HKAWHKAM 21:7

Israela amyu ni yawng hta na ngai lata la ai, ndai nta hta mung, Yerusalem mare hta mung, nye a amying hpe ngai tutnawng e tawn da nga ai rai nna,

2 HKAWHKAM 8:19

Rai timung, Yehowa gaw, shi a shangun ma Dawi a myi man tau nna, shi a kashu kasha ni a man e tutnawng pyengdin htoi tu nga u ga, nga nna shi hte ga ndat tawn da ai majaw, Yuda mung hpe jahten kau mayu ai n rai.

1 HKAWHKAM LABAU 28:10

Ya, sadi nga u; chyoi pra ai shara matu nta galaw na, Yehowa nang hpe lata la nit dai: da ting nga nna galaw u, ngu dat wu ai.”

2 HKAWHKAM LABAU 33:4

Yehowa gaw, Yerusalem mare hta e nye a amying ningsang tawn da na we ai, nga timung, shi gaw Yehowa a nta hta tawn hkungri shaje galaw da wu ai.

2 HKAWHKAM LABAU 6:16

Dai rai nna Israela Karai Kasang Yehowa e, Nang gaw nye a tara hta hkawm nga sai hte maren, na nshu nsha ni mung kangka ai hte nye a man e hkawm nga ma yang gaw, Israela mungdan a tingnyang hta, na a aru arat kaw na nye a man e langai mi matut manoi adung nga na ra ai, nga nna na shangun ma, nye wa Dawi hpe tsun da sai hte maren, ya shagrin ya u ga.

YOBA 36:7

Shi gaw dinghpring ai ni hpe n yu nga ai, n rai: shanhte tutnawng shagrau ai hkrum lu hkra, Hkawhkam ni hte rau tingnyang hta dung shangun mu ai:

SHAKAWN KUNGDAWN 72:17

Shi a mying nsang gaw tutnawng e anga nga lu ga; Jan grin nga ai zawn shi a amying pu nga lu ga: Shi a majaw masha ni a lu nga mu ga; Nlang hte gaw shi hta sharawng awng nga mu ga.

SHAKAWN KUNGDAWN 89:21

Nye a lata shi hte rau nga nga nna, Nye a lahpum shi hpe shangang na we ai.

SHAKAWN KUNGDAWN 89:29

Shi a aru arat tutnawng e anga nga na ra ai; Shi a tingnyang lamu a nhtoi zawn, agrin nga na lu ai.

SHAKAWN KUNGDAWN 89:4

Na a aru arat hpe tutnawng e, ngai shagrin da nga nna, Na a tingnyang hpe prat mi hte prat mi shadun da na we ai,” nga nit dai. [Selah.]

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 33:17

Kaning rai nme law, Israela amyu a tingnyang hta dung ai, Dawi a kasha langai mi, galoi mung nhtut na n rai;

EZEKELA 37:25

Nye a shangun ma Yaku hpe ngai jaw da nna, nanhte a nji nwa ni shanu nga yu ai mungdan hta, shanhte shanu nga na mara ai: shanhte mung, kasha ni hte kashu ni mung, shu mashi shu masha prat dingsa du hkra, dai de shanu nga nna, nye a shangun ma Dawi, shanhte a du, prat dingsa tai na ra ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

ZEHKARIA 6:12

bai shi hpe ning ngu tsun u, ‘Zaw nawng zaw wa up ai Yehowa ning nga ai, Makrung mying ai wa hpe, mada yu u; shi gaw tinang a shara hta tu kaba wa nna, Yehowa a nawku Htingnu hpe, gaw da na ra ai:

ZEHKARIA 6:13

gaja wa shi nan, Yehowa a nawku Htingnu hpe gaw da nna, daru magam dan hkung let, shi a tingnyang hta dung nna up na ra ai; shi gaw shi a tingnyang ntsa e, hkinjawng mung tai nna, dai aya lahkawng a majaw, ngwipyaw na lam hpaji daw na ra ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

HEBRE 3:3

Kaning rai nme law, nta de da ai wa gaw, dai nta hta grau ai arawng sadang lu ai made, Yesu gaw Mawshe hta grau ai hpung shingkang lu ging nga ai.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.