2 SAMUELA 7:12 - Jinghpaw Hanson Version Bible

¹² “Nang aprat nhtoi htum nna, na nji nwa ni hte rau yup pyaw lu jang, na a hkritung hkriwang, na a nshang na hkrat ai kasha hpe ngai sharawt nna, shi a mungdan shagrin ya na we ai.

Jinghpaw Common Language Bible 2009

¹² Nang si mat nna na a nji nwa ni hte rau lup makoi kau ai hkrum jang, na a shadang sha langai ngai hpe hkawhkam shatai ya let shi a mungdan hpe ngai shagrin shangang ya na we ai.

2 SAMUELA 7:12 ပူးပေါင်းရင်းမြစ်များ

NINGPAWT NINGHPANG 15:4

Shaloi Yehowa a ga shi kaw bai du ai gaw, “Dai wa gaw na a Sali wunli madu lu na n rai; na a nshang na nan hkrat ai wa she, na a Sali wunli madu lu na ra ai,” ngu wu ai.

2 SAMUELA 22:51

Shi gaw shi a hkawhkam wa hpe hkye hkrang la ai lam kaba shangun ya nna, Shi a namman chya ai wa ngu ai, Dawi hte shi a aru arat hpe, Htani htana chyeju a madun dan nga ai law, nga ai.

1 HKAWHKAM 1:21

Shing n rai yang, nye a madu hkawhkam wa gaw ji wa ni hte rau yup pyaw nga yang, ngai hpe mung, ngai sha Shawlumon hpe mung, gumlau yan ngu shadu na mi ai,” ngu nna htan wu ai.

1 HKAWHKAM 1:48

Bai hkawhkam wa gaw, “Nye a myi hte chyaw mu lu ai, dai ni nye a tingnyang hta dung nga ai wa hpe jaw ya ai Israela Karai Kasang Yehowa gaw, a nga u ga law, nga ai,” ngu nna tsun dan wu ai.

1 HKAWHKAM 2:1

Ya Dawi si na nhtoi du magang ra ai rai nna, shi gaw kasha Shawlumon hpe,

1 HKAWHKAM 2:10

Shing rai Dawi gaw kaji kawa ni hte rau yup pyaw nna, Dawi a mare hta e makoi mayang di kau mu ai.

1 HKAWHKAM 2:4

shing rai, Na nshu nsha ni sadi sahka nga nna, tengman ai hku hkan let, tinang a kraw lawang mahkra hte, myit masin mahkra hte, nye a man e hkawm nga ma yang, Israela mungdan tingnyang hta, na a aru arat kaw na langai mi matut manoi dung nga na ra ai, nga nna Yehowa ngai hpe tsun dan ai ga hpe shadik ya na ra ai.

1 HKAWHKAM 5:5

Dai re ai majaw, Yehowa gaw nye wa Dawi hpe, “Na malai, na tingnyang hta ngai dang da na, na nsha gaw, nye a amying nsang a matu nawku nta gaw da na ra ai,” nga nna tsun da ai hte maren, nye a Karai Kasang Yehowa amying nsang a matu nawku nta gaw da na ngai maw nga nngai.

1 HKAWHKAM 8:15

Bai shi gaw, “Nye a amyu Israela hpe Egutu mung na shapraw ai shani kaw nna, Israela amyu ni a mare langai mi hta nye a amying shanu nga na matu nta galaw da na ngai garai n lata la timung, nye a amyu Israela ntsa e up nga na matu ngai Dawi hpe lata la se ai,

1 HKAWHKAM 8:19

rai timung nang dai nta hpe gaw da lu na n rai; na nshang nna hkrat ai na nsha gaw, nye a amying nsang matu dai nta hpe gaw da na ra ai,” nga nna nye wa Dawi hpe tsun da wu ai.

1 HKAWHKAM 8:20

Yehowa mung shi tsun da ai ga hpe shadik nu ai: “ngai wa gaw nye wa Dawi a malai paw pru nna, Yehowa ndat da ai hte maren, Israela Karai Kasang Yehowa amying nsang a matu ndai nta hpe gaw da se ai.

1 HKAWHKAM 9:5

ngai gaw, Israela mungdan tingnyang hta, na aru arat kaw na langai mi matut manoi adung nga na ra ai, ngu nna na nwa Dawi hpe ga ndat tawn da ai hte maren, Israela amyu ntsa e up nga na matu, na a mungdan tingnyang hpe prat dingsa e shagrin da na we ai.

2 HKAWHKAM 8:19

Rai timung, Yehowa gaw, shi a shangun ma Dawi a myi man tau nna, shi a kashu kasha ni a man e tutnawng pyengdin htoi tu nga u ga, nga nna shi hte ga ndat tawn da ai majaw, Yuda mung hpe jahten kau mayu ai n rai.

1 HKAWHKAM LABAU 17:11

Shing rai nang aprat htum nna, na nji nwa ni kaw wa mat lu jang, na nsha ni hta na langai mi hpe ngai shagrau da nna, shi a mungdan hpe shagrin da na nngai.

2 HKAWHKAM LABAU 1:9

Ya, Yehowa Karai Kasang e, ga ntsa na ga nhpu zawn law ai masha amyu a ntsa e nang ngai hpe hkawhkam shatai ai majaw, nye wa Dawi hpe tsun da ai ga ndat shagrin da u.

2 HKAWHKAM LABAU 13:5

Israela Karai kasang Yehowa gaw, Jum hte jawn da ai ga shaka hte, Israela mungdan Dawi hte shi a kashu kasha ni hpe prat dingsa du hkra jaw da nga ai hpe nanhte dum mai myit dai, n rai myit ni?

2 HKAWHKAM LABAU 21:7

Rai timung, Yehowa gaw Dawi hte tawn da ai ga shaka hte, shi a kashu kasha ni a man e tutnawng pyengdin htoi tu nga u ga, nga nna ga ndat tawn da ai majaw, Dawi a nta hpe jahten kau mayu ai n rai.

2 HKAWHKAM LABAU 23:3

Shing rai dai shawa hpawng ting gaw Karai Kasang a nta hta hkawhkam wa hte ga shaka tawn da mu ai. Yehoiada gaw, “Yu mu, Yehowa gaw Dawi a kasha ni a lam tsun dan ai hte maren, hkawhkam wa a kasha gaw up na ra ai.

2 HKAWHKAM LABAU 6:15

na shangun ma nye wa Dawi hpe ga ndat tawn da ai hte maren nang shadik ya nu ai: rai sa, nang n-gup ga hte tsun nna, dai ni mu lu ai hte maren, na a lata hte nan dai hpe shadik ya nu ai.

2 HKAWHKAM LABAU 6:9

Rai timung, nang dai nta hpe gaw da lu na nrai: na nshang nna hkrat ai na nsha gaw, nye amying nsang a matu dai nta hpe gaw da na ra ai, nga nna nye wa Dawi hpe tsun da nu ai.

SHAKAWN KUNGDAWN 89:29

Shi a aru arat tutnawng e anga nga na ra ai; Shi a tingnyang lamu a nhtoi zawn, agrin nga na lu ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 33:17

Kaning rai nme law, Israela amyu a tingnyang hta dung ai, Dawi a kasha langai mi, galoi mung nhtut na n rai;

Daniela 12:2

Ga nhpu hta yup pyaw nga ai ni law law wa, yup hprang na mara ai: nkau mi gaw htani htana asak lu la nna, nkau mi gaw htani htana kaya kahpa hte arawng hpoi ai hkrum na mara ai.

MAHTE 1:1

Da ndai gaw Abraham a kasha hte Dawi a kasha, Yesu Hkristu a ahtik labau gawn ai Chyum laika rai nga ai.

LUKA 1:32

Dai wa gaw galu kaba na ra ai rai nna, Tsaw htum ai wa a Kasha ngu ai hkam la na ru ai; Madu Karai Kasang mung, shi kawa Dawi a tingnyang, shi hpe jaw na wu ai rai nna,

LUKA 24:27

Shing nga tsun sharawt nhtawm, Mawshe ka da ai kaw nna, myihtoi ni yawng ka da ai Chyum laika ni hta na, shi hta ang ai ga yawng a ga lachyum, shan hpe tsun hpaw dan mu ai.

KASA 13:36

Ya Dawi gaw, shi a prat hte hta Karai Kasang a ra ai hku gun hpai ngut jang, yup mat nna, kaji kawa ni kaw tawn da ai hte, hten byak ai kaw du wa sai;

KASA 2:30

Dai wa gaw myihtoi rai nga ai rai nna, shi a amyu matu hta na langai wa mi, shi a tingnyang hta dung nga lu na, nga nna, shi hpe Karai Kasang dagam shaka da ai hpe chye wu ai majaw,

1 KORINHTU 15:51

Yu mu, sung htum ai ga ngai nanhte hpe tsun dan made ga: anhte yawng yup pyaw mat na n rai;

TARA JAHPRANG 31:16

Shaloi Yehowa Mawshe hpe, “Yu u, nang gaw nji nwa ni hte yup pyaw nga na nit dai; ndai amyu masha ni chyawm gaw rawt nna, ya sa wa ai mung e nga ai tsasam amyu ni nawku ai Hpara ni hte shut hpyit nna, ngai e kau da let ngai tawn da ya ai ga shaka run kau na ra ai.

1 HTESALONI 4:14

Kaning rai nme law, Yesu gaw si mat nna bai rawt wa ai hpe anhte kam nga ga yang gaw, Yesu hta yup pyaw ai ni hpe mung, Karai Kasang gaw shi hte rau woi wa na maru ai.