2 SAMUELA 6:7 - Jinghpaw Hanson Version Bible

⁷ De a majaw Yehowa Uza hpe masin pawt nna, shi a mara majaw, Karai Kasang shi hpe ari jaw nna, Karai Kasang a sumpu makau e shi si mat sai.

Jinghpaw Common Language Bible 2009

⁷ Dai Madu Karai Kasang gaw Uza hpe masin pawt wu ai rai nna shi galaw shut kau ai mara a majaw sat kau wu ai. Uza mung dai Ga Shaka Sumpu makau e si taw nga ai rai nna,

2 SAMUELA 6:7 ပူးပေါင်းရင်းမြစ်များ

2 SAMUELA 6:8

Shing rai Yehowa Uza hpe anu sat kau ai majaw, Dawi myit n pyaw nga ai rai nna, dai shara hpe ya du mateng Pere-Uza ngu nna shamying da wu ai.

1 HKAWHKAM LABAU 13:10

Shing rai sakse sumpu hpe jum ai majaw, Yehowa gaw Uza hpe masin pawt nna, dai yang e shi hpe ari jaw ai hte, shi Karai Kasang a man e si wa sai.

1 HKAWHKAM LABAU 15:13

Shawng de lang mi nanhte n hpai nna, tara hte maren shi hpe n tam ai majaw, anhte a Karai Kasang Yehowa anhte hpe ari jaw mi ai,” ngu nna tsun mu ai.

1 HKAWHKAM LABAU 15:2

Shaloi Dawi gaw, “Lewi masha ni hta kaga, Karai Kasang a sakse sumpu hpe kadai mung mai hpai na n rai: Karai Kasang a sakse sumpu hpe hpai na hte, shi a man e tutnawng daw jau na matu, Yehowa shanhte hpe lata la mu ai,” nga ai.

BU HKAWM 1:51

Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

1 SAMUELA 25:38

Dai hpang shi ya dang rai jang, Yehowa Nabala hpe sat kau nna shi si mat sai.

1 SAMUELA 6:19

Ya Bet-sheme masha ni dai sumpu hta yu yu ai majaw, Yehowa shanhte hta na marai sanit shi hte, masha mun manga hpe sat kau mu ai: shing rai Yehowa shanhte hpe ari kaba jahkrum mu ai majaw, masha ni sharung shayawt nga ma ai.