2 SAMUELA 6:12 - Jinghpaw Hanson Version Bible

¹² Dai Karai Kasang a sumpu majaw Yehowa, Obed-edom hte shi kaw nga manga ni hpe shaman ya ai lam hkawhkam Dawi na jang, Dawi bai sa wa nna, Karai Kasang a sumpu hpe Obed-edom a nta na la wa nna, kabu gara ai hte Dawi mare de shawn la ma ai.

Jinghpaw Common Language Bible 2009

¹² Dai Madu a Ga Shaka Sumpu a majaw Obed Edom a dinghku masha ni hte shi lu malu mahkra hte hpe shaman ya nu ai lam Dawi na jang, Dawi gaw poi kaba galaw let dai Ga Shaka Sumpu hpe Obed Edom a nta kaw nna Yerusalem mare de shawn la wu ai.

2 SAMUELA 6:12 ပူးပေါင်းရင်းမြစ်များ

1 HKAWHKAM LABAU 15:25

Shing rai Dawi, Israela agyi salang ni hte hpyen hkying mi up ai bu ni gaw, Obed-edom a nta na Yehowa a ga shaka sumpu hpe kabu gara myit hte hpai la na nga, sa wa ma ai.

MAHTE 10:42

Masha langai ngai gaw, sape a myi man hpe tau nna, ndai ma kaji langai ngai hpe, ntsin katsi htinggap mi sha jaw wu yang, dai wa gaw shi a shabrai n lu la na nu ai n rai, nga nna ngai nanhte hpe teng teng tsun nngai,” ngu mu ai.

1 HKAWHKAM 8:1

Shaloi Shawlumon gaw, Yehowa ga shaka sumpu hpe Ziun ngu ai Dawi a mare kaw na shalun la na matu, Israela agyi salang ni hpe mung, amyu ni a agyi ni yawng hte, Israela kashu kasha ni a ji wa dap lakung ni a du ni hpe mung, Yerusalem mare de shaga jahpawng mu ai.

2 SAMUELA 5:7

Dawi chyawm gaw Ziun ngu ai hpyen dap hpe gasat la lu ai; dai gaw Dawi a mare ngu ai, rai nga ai.

2 HKAWHKAM LABAU 5:2

Shaloi Shawlumon gaw, Yehowa a ga shaka sumpu hpe Ziun ngu ai Dawi a mare kaw na shalun la na matu, Israela agyi salang ni hte amyu ni a agyi ni ngu ai, Israela kashu kasha ni a ji wa dap lakung na du ni hpe, Yerusalem mare de shaga jahpawng wu ai.

1 HKAWHKAM 8:3

Israela agyi salang ni yawng sa du nna, hkinjawng ni gaw dai sumpu hpe hpai sharawt mu ai.

1 HKAWHKAM 8:4

Shanhte gaw Yehowa a sumpu hpe mung, shawa Sum hpe mung, dai Sum hta rawng ai chyoi pra ai arung arai yawng hpe mung, hpai sharawt mu ai; hkinjawng ni hte Lewi masha ni gaw, dai hte hpe hpai shalun la mu ai.

1 HKAWHKAM LABAU 15:15

Yehowa htet da ai ga hkan nna, Mawshe hkang da ai hte maren, Lewi kashu kasha ni gaw Karai Kasang a sakse sumpu hpe kandang hte tinang a lahpa hta hpai mu ai.

1 HKAWHKAM LABAU 16:16

Prat hkying mi a matu hkang da ai mungga hpe, Prat dingnawng e adum nga mu.

1 HKAWHKAM LABAU 26:4

Obed-edom mung shadang sha shaprat wu ai: kasha alat gaw Shemai; lahkawng ngu na Yehozaba; masum ngu na Yoa; mali ngu na Sahkara; manga ngu na Nehtanela;

1 HKAWHKAM LABAU 26:5

kru ngu na Amiela; sanit ngu na Isahka; matsat ngu na Peulhtai rai ma ai: kaning rai nme law, Karai Kasang shi hpe shaman ya wu ai.