2 SAMUELA 5:6 - Jinghpaw Hanson Version Bible

⁶ Ya hkawhkam wa hte shi a masha ni gaw, mungdan chyanu Yebusi masha ni nga ai Yerusalem mare de lung wa ma ai: shaloi dai masha ni gaw Dawi hpe, “Myi hten ai hte lagaw hten ai ni hpe sha pyi nang n yeng kau lu yang gaw, nang e n shang lu na ndai,” nga nna shi n shang lu na sawn nawn ai majaw, hkap daw shatan mu ai.

Jinghpaw Common Language Bible 2009

⁶ Ya aten du jang, Hkawhkam Dawi hte shi a masha ni gaw Yerusalem mare hpe htim gasat na nga, pru sa wa ma ai. Dai mare e nga ai Yebusi masha ni chyawm gaw mare dai hpe Dawi n lu gasat dang la na zawn myit nawn da mu ai rai nna shanhte gaw shi hpe, “Nang gaw ndai de galoi mung shang lu na ndai n rai; myi kyaw ai ni hte lagaw hten ai ni pyi nang hpe lu shingdang kau lu nga ai,” ngu nna tsun ma ai.

2 SAMUELA 5:6 ပူးပေါင်းရင်းမြစ်များ

NINGPAWT NINGHPANG 14:18

Shalem a hkawhkam Melhkizedek mung muk hte tsabyi jahku la sa wa ai: dai wa gaw Tsaw Htum ai Karai Kasang a hkinjawng wa rai nga ai.

2 SAMUELA 22:30

Nang hta hpa nna, hpyen laba hpe dang lu nngai; Nye a Karai Kasang hte bunghku hpe shingtawt lu nngai.

GA SHAGAWP 21:22

Hpaji rawng ai wa gaw, n-gun ja ai ni a mare de lung lu nna, De a ngang ai shamyet shanat shara hpe, shagrit kau wu ai.

YEREMIA 21:13

Yehowa ning nga ai: Kadit e dung ai jan e, pa ga e nga ai lunghkrung e, ngai nang hpe hkap daw na nngai: anhte hpe kadai gasat dang lu na i? anhte a buga hta kadai shang lu na rai ta? nga nna nang tsun timung, nanhte a arawn alai hte maren, ngai nang hpe ari jaw na nngai; shi a maling hpe ngai wan nat nna, dai gaw shi a grup yin yawng mayawng hpe hkru kau na ra ai, nga nna Yehowa tsun ai.

YEREMIA 37:10

Dai hta n-ga, nanhte hpe gasat ai Hkalde luksuk laba ni mahkra hpe nanhte dang kau nna, hkala nba hkrum ai ni hkrai ngam nga timung, shanhte langai hte langai tinang janghpang hta na rawt nna, ndai mare hpe nat kau na mara ai, nga ai.

HEBRE 7:1

Abraham gaw hkawhkam ni hpe sat kau ai kaw na bai wa yang, shi hpe sa tau nna shaman ya wu ai hte, Abraham mung lanep yawng hta na htamshi hta htammi karan sak wu ai Melhkizedek ngu ai wa chyawm gaw:

YAWSHU 10:3

Dai re ai majaw, Yerusalem hkawhkam Adoni-zedek, Hebron hkawhkam Hoham, Yamut hkawhkam Piram, Lahkisha hkawhkam Yahpia, Eglon hkawhkam Debira hte hpang de kasa shangun dat nna.

YAWSHU 15:63

Yerusalem mare e nga ai Yebusi masha ni chyawm gaw Yuda kashu kasha ni shachyut kau lu ai n rai; dai rai nna Yebusi masha ni gaw Yerusalem mare hta, Yuda kashu kasha ni hte rau, dai ni du hkra nga nga ma ai.

YAWSHU 18:28

Zela, Elep, Yerusalem ngu ai Yebusi mare, Gibat, hte Kiriat rai nga ai: kahtawng hte hpawn mare shi mali rai nga ma ai. Dai gaw Ben-yamin amyu kashu kasha ni tinang a lakung lama hkan nna lu la ai sali ga rai nga ai.

TARA AGYI 1:21

Ben-yamin a kashu kasha ni gaw Yerusalem mare nga ai Yebusi masha ni hpe n shachyut kau lu mu ai rai nna, Yebusi masha ni dai ni du hkra Yerusalem mare Ben-yamin kashu kasha ni hte rau nga nga ma ai.

TARA AGYI 1:8

Bai Yuda kashu kasha ni gaw Yerusalem mare hpe gasat la nna, nhtu hte hpya sat kau nhtawm wan hte nat kau mu ai.