2 SAMUELA 5:22 - Jinghpaw Hanson Version Bible

²² Bai Hpilisti masha ni sa nna Rehpim kadit e, hpring nga ma ai.

Jinghpaw Common Language Bible 2009

²² Hpilisti masha ni gaw Rehpim Kadit de nhtang sa wa nhtawm dai shara hpe kalang mi bai sa madu la nga ma ai.

2 SAMUELA 5:22 ပူးပေါင်းရင်းမြစ်များ

2 SAMUELA 21:15

Ya Hpilisti masha ni Israela masha ni hpe bai gasat nga ai rai nna, Dawi hte shi a ali ama ni shanhte hpe hkap gasat ma ai: Dawi chyawm gaw gawng kya mat nga ai.

2 SAMUELA 23:13

Bai share sumshi ngu ai hpung hta lawm ai share ningtawn masum gaw, nmut ta e, Dawi nga ai Adulam ginlawng hku de sa du ma ai: Hpilisti luksuk ni mung Rehpim kadit e dap jung nga ma ai.

2 SAMUELA 5:18

Hpilisti masha ni chyawm gaw sa wa nna, Rehpim kadit e hpring nga ma ai.

1 HKAWHKAM 20:22

Bai dai myihtoi wa gaw Israela hkawhkam hpang de sit sa nna, “Da ting nga u; nang galaw ai amu a lam myit yu nna sadi nga u: ladu hkrum jang Suri hkawhkam nang hpe gasat na nga, bai lung wa na ra ai,” ngu nna tsun wu ai.

1 HKAWHKAM LABAU 14:13

Bai Hpilisti masha ni gaw, dai kadit e hpya lu hpya sha let, nga nga ma ai.

ESAIA 17:5

Mam dan ai wa gaw hkauling lahkawn nna, shi a lata hte mam nsi shu la ai zawn, rai na ra ai; gaja wa, Rehpim kadit e nlim gut la ai zawn, tai na ra ai.

YAWSHU 15:8

Enregola shara e byawn; bai, Yebusi masha ni nga ai Yerusalem mare a lawu maga na, Hinom a kasha hkaraw hku hkrawn, Hinom hkaraw a sinna maga, Rehpim hkaraw ntsa na bum pungding e hkroi;