2 SAMUELA 5:20 - Jinghpaw Hanson Version Bible

²⁰ Shaloi Dawi gaw Bala-perazim shara e du nna, shanhte hpe hkap sat kau dat mu ai: dai rai nna shi gaw, “Hka mawru hte shaza kau ai zawn, nye a hpyen ni hpe Yehowa nye a man na agrawp kau ya ni ai,” ngu nna, dai shara hpe, Bala-perazim shamying wu ai.

Jinghpaw Common Language Bible 2009

²⁰ Dawi gaw Bala Perazim de lung wa nhtawm dai yang e Hpilisti masha ni hpe gasat dang kau wu ai. Shi gaw, “Dai Madu gaw nye a gumlau hpyen ni hpe hka mawru shaza kau ai zawn galun htinggrang kau nu ai,” ngu nna tsun wu ai. Dai rai nna shara dai hpe Bala Perazim ngu nna shamying wu ai.

2 SAMUELA 5:20 ပူးပေါင်းရင်းမြစ်များ

2 SAMUELA 19:9

Israela amyu lakung yawng hte gaw, Hkawhkam wa anhte hpe masha hpyen ni yawng hte, Hpilisti masha ni a lata na hkye tawn ma ni ai: ya shi gaw Absalom a majaw sha mungdan na hprawng hkawm nga ai.

1 HKAWHKAM LABAU 14:11

Shing rai shanhte gaw Bala-perazim de lung nna, Dawi gaw shanhte hpe dai shara e hkap sat kau mu ai: Dawi mung, Karai Kasang gaw nye a lata hte, mawru ru ai zawn, nye a hpyen ni hpe agrawp kau wu ai, nga nna dai shara hpe Bala-perazim shamying wu ai.

SHAKAWN KUNGDAWN 60:1

Karai Kasang e, nang anhte hpe kau da nit dai. Nang anhte hpe shabra kau nit dai. Nang masin pawt nga ndai; Anhte hpe bai shalan shabran la mi.

ESAIA 28:21

Yehowa gaw shi a amu ngu ai, mauhpa amu, shi a bungli ngu ai, lak lai ai amu shangut lu hkra, Perazim bum e rawt ai zawn shi rawt nna, Gibeon kadit e pawt bu ai zawn, pawt bu na ra ai.

HABAKU 3:13

Na a namman chya hkam ai wa ngu ai, Na a amyu hpe hkye hkrang la na matu, nang pru ndai; Tara n lang ai wa a nta hta na baw hpe, nang hkala kau ndai: De a npawt nhpang ni npawt ndung hkren shadawng da nu ai. [Selah.]