2 SAMUELA 5:2 - Jinghpaw Hanson Version Bible

² Moi shawng de, anhte a ntsa e Shawlu naw up nga yang nna, nang hkum nan Israela amyu hpe, woi pru woi shang ai wa rai nga nit dai: Yehowa mung, ‘Nang gaw nye a amyu Israela hpe, woi rem na wa hte nye amyu Israela ntsa e Du magam nang tai lu na ndai,’ nga nna nang madu hpe tsun nit dai,” ngu nna sa shang sa wang wu ai.

Jinghpaw Common Language Bible 2009

² Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

2 SAMUELA 5:2 ပူးပေါင်းရင်းမြစ်များ

NINGPAWT NINGHPANG 49:24

Rai timung, Yaku hta daru magam rawng ai wa a lata hte, Sagu rem wa ngu ai Israela a nlung hta nna mung, Nang hpe karum nga ai, na nwa a Karai Kasang hte,

2 SAMUELA 6:21

Dawi chyawm gaw, “Na nwa hte shi a amyu matu ni yawng a malai ngai hpe lata la nna, Yehowa amyu Israela masha ni hpe up hkang ai du aya hta ngai hpe dang tawn ai Yehowa a man e ka ai, n rai nga a ni? Yehowa a man e ngai ka manau na we ai.

2 SAMUELA 7:7

Israela amyu ting hte ngai htawt hkawm wa ai shara magup hkan e, nye a amyu Israela hpe bau rem na matu, ngai shangun ai Israela amyu lakung kadai mahtang hpe, Nang nye a matu marau hpunpyen nta hpa rai n shachyaw myit ta?

2 SAMUELA 7:8

Dai re ai majaw, nye a shangun ma Dawi hpe ning ngu u: Zaw nawng Zaw wa up ai Yehowa tsun ai gaw, Nye a amyu Israela ntsa e up ai du aya hta nang hpe tawn da na matu, nang sagu naw rem kaw nna sagu lawng hta na ngai nang hpe shaw la sade ai;

2 HKAWHKAM 20:5

“Bai nhtang u; nye a amyu du Hezekia hpe ning ngu u; ‘Na nwa Dawi a Karai Kasang Yehowa ning nga ai, Na akyu hpyi ai ga ngai na ni ai, na myi prwi ngai mu nngai: yu u, ngai nang hpe shamai ya nna, masum ya laman e Yehowa a nta hta nang shang lu na ndai.

1 HKAWHKAM LABAU 11:2

Mani ma ni Shawlu anhte a hkawhkam naw rai nga yang pyi, nang hkum nan Israela amyu hpe woi pru woi shang ai wa, rai nga nit dai: na a Karai Kasang Yehowa mung, Nang gaw nye a amyu Israela hpe woi rem na wa mung, nye a amyu Israela ntsa e du magam mung, tai lu na rin dai, ngu nna nang madu hpe tsun nit dai, ngu mu ai.

2 HKAWHKAM LABAU 1:10

Dai amyu masha ni a man e ngai pru pru shang shang rai lu n ga, hpaji byeng-ya hte chye chyang ai myit ngai hpe jaw e law; ndai daram galu kaba ai, na a amyu hpe, kadai wa jeyang lu na rai nga a ta? ngu nna Karai Kasang hpe hpyi wu ai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

BU HKAWM 27:17

ndai shawa hpung a man e pru pru shang shang rai lu nna, shanhte hpe shapraw lu ai hte jashawn la lu ai wa langai ngai hpe, shanhte a ntsa e san da ya u ga law,” ngu nna hpyi wu ai.

MAHTE 2:6

“Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

YAWHAN 10:11

Ngai gaw sagu rem wa kaja rai nngai: sagu rem wa kaja gaw, sagu ni a matu tinang a asak nawng ya kau lu ai.

HEBRE 2:10

Kaning rai nme law, kashu kasha law law hpe hpung shingkang hkam la ai de woi wa yang, shanhte a hkye hkrang la ai lam a agyi wa hpe nni nkri hte jahkum shatsup na yawng hpe up nna, yawng a npawt rai nga ai Karai Wa gaw, mai di nga ai.

1 SAMUELA 13:14

ya chyawm gaw na a magam grin sa na n rai: Yehowa gaw shi a myit dik ai masha tam nga ai; nang mahtang, Yehowa nang hpe hkang da ai ga matsun n hkan nang ndai majaw, Yehowa gaw dai wa hpe shi a amyu Israela du shatai na, san da nu ai,” ngu wu ai.

1 SAMUELA 16:1

Dai rai nna Yehowa Samuela hpe, “Israela hkawhkam aya na ngai jahkrat kau ai Shawlu a majaw, nang gaten du hkra yawn nga na n ta? Na a tau hta namman bang jahpring nna sa su; Betlehem masha Yese hpang de shangun dat de ga; shi a kasha ni hta na langai mi, nye a matu hkawhkam shatai na, ngai san da se ai,” ngu wu ai.

1 SAMUELA 18:13

Dai rai nna Shawlu gaw shi kaw na jahka nhtawm, marai hkying mi up ai bu shatai wu ai; Dawi mung, masha ni a man e pru pru shang shang rai nga ai.

1 SAMUELA 18:16

Rai timung, Israela amyu ting hte Yuda amyu Dawi hpe tsawra ma ai; kaning rai nme law, shanhte a man e shi pru wa shang wa rai nga ai.

1 SAMUELA 18:5

Dawi mung, Shawlu shangun ai lam shagu de sa nna, hpaji byeng-ya hte galaw wu ai: Shawlu mung, shi hpe hpyen du shatai wu ai rai nna, dai hpe mung masha ni hte Shawlu a ali ama ni yu kabu nga ma ai.

1 SAMUELA 25:28

Na a mayam jan a mara hpe sharang kau ya e: nye a madu nang, Yehowa a hpang maga majan gasat ndai majaw, na nta teng teng grin wa na ra ai: na a prat tup, nang hta mara shagun shara mung n rawng na ra ai.

1 SAMUELA 25:30

Shing rai Yehowa na a lam ga ndat kaja tawn da ya ai, nga nga lit dai hte maren, lam shagu nang madu hta shatup ya nna, Israela amyu hpe up ai du aya lu la ai shaloi;

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.