2 SAMUELA 4:8 - Jinghpaw Hanson Version Bible

⁸ Shing rai, Ish-boshet a baw hpe, Hebron mare e Dawi kaw la sa nna, “Nang madu a asak hpe gyam ai, na a hpyen wa Shawlu a kasha Ish-boshet a baw re ai, yu yu u: nang madu hkawhkam wa hkrum ai matai gaw, Shawlu hta mung, shi a amyu matu ni hta mung, Yehowa dai ni htang jaw manu ai,” ngu nna shi kaw sa sak mu ai.

Jinghpaw Common Language Bible 2009

⁸ Shan gaw Hebron e hkaw dung ai Dawi hpang de dai baw sak jaw nhtawm shi hpe, “Ndai gaw nang hpe sat na maw ai na a hpyen Shawlu a kasha Ishboshet a baw rai nga ai. Shawlu hte shi a amyu matu mara ni hpe matai dawp na matu dai Madu gaw dai ni nang Madu hkawhkam hpe ahkang jaw nit dai,” ngu nna tsun ma ai.

2 SAMUELA 4:8 ပူးပေါင်းရင်းမြစ်များ

2 SAMUELA 18:19

Shaloi Zadok a kasha Ahima gaw, Yehowa, hkawhkam wa a hpyen ni hpe mara hte maren matai dawp sai lam ngai gat wa nna hkawhkam hpe wa tsun dan se ga, ngu nna ahkang hpyi wu ai.

2 SAMUELA 18:31

Bai Hkusha masha gaw du wa nna, Nye madu hkawhkam wa a matu ashi gun wa nngai; nang e gumlau ai ni nlang hpe, shanhte a mare hte maren, Yehowa dai ni matai dawp nu ai, ngu nna tsun dan wu ai.

2 SAMUELA 2:8

Rai timung, Nira kasha, Shawlu a jaubu kaba wa Abna gaw, Shawlu a kasha Ish-boshet hpe Mahanim mare de woi wa nhtawm,

2 SAMUELA 22:48

Rai sa, ngai hpang maga e matai htang ya nna, Nye a npu e masha amyu ni hpe shagrit tawn da ai, Karai Kasang gaw, galu kaba nga u ga lao.

SHAKAWN KUNGDAWN 71:24

Nye a shinglet mung, na a dinghpring ai lam hpe, Shani tup shana ya na ra ai; Kaning rai nme law, ngai hpe n hkru ai hku maw ai ni, Kaya kahpa hte myi man sum ai hkrum nga ma ai.

MAHTE 2:20

“Rawt u, dai ma kaji hte shi a kanu hpe woi la nna, Israela a mung de wa su; dai ma kaji a asak hpe tam ai ni si mat masai,” nga ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.

1 SAMUELA 18:11

“Ngai Dawi hpe shakum hte jinghkyen shakap we ga,” nga nna tsun ai hte rau, shi a ri tu jinghkyen dat wu ai. Dawi chyawm gaw lahkawng lang yen kau wu si.

1 SAMUELA 19:1

Shaloi Shawlu gaw, shi a kasha Yonahtan hte shi a ali ama ni mahkra hpe, Dawi hpe sat kau na lam, tsun da mu ai. Shawlu a kasha Yonahtan chyawm gaw, Dawi hpe nachying tsawra wu ai.

1 SAMUELA 19:15

Shawlu gaw, “Shi hpe ngai sat kau we ga, yup ku hte hpawn hpai wa marit,” ngu nna Dawi hpe sa yu na, masha shangun dat wu ai.

1 SAMUELA 20:1

Shaloi Dawi Rama ginwang Nayut shara na hprawng nna, Yonahtan kaw wa nhtawm, “Ngai hpa galaw shut wa sata? ngai hta hpa mara rawng a ta? na nwa nye a asak gyam ai gaw, shi hpe hpa shut we ta?” ngu nna san wu ai.

1 SAMUELA 23:15

Shi hpe sat na nga, Shawlu pru sa wa ai gaw, Dawi chye wu ai; dai rai nna Dawi gaw, Zihpa nam mali na maling kata e nga nga ai.

1 SAMUELA 24:4

Shaloi Dawi a masha ni gaw, “Yu u, Yehowa nang hpe tsun ai, Na a hpyen wa hpe na a lata hta ngai ap ya na de ai; shi hta nang hpa di mayu yang di lu na rin dai, nga ai nhtoi ya du ra ai,” ngu nna shi hpe tsun mu yang, Dawi rawt nna, Shawlu hpun nga ai palawng nshang daw hpe, atsin sha gadoi dut la ya wu ai.

1 SAMUELA 25:29

Nang hpe sat na nga, shachyut masha mi rawt pru timung, nye a madu a asak hpe na a Karai Kasang Yehowa a asak makai hta gyit shangang da na wu ai: nang hpe hpyen ai ni a asak hpe chyawm gaw, lahpaw hta na shinggyin hpe zawn gap shapoi kau na wu ai.