2 SAMUELA 4:7 - Jinghpaw Hanson Version Bible

⁷ Ya shan lahkawng gaw, dai nta de shang nna Ish-boshet shi a yup gawk e yup nga yang, shan gaw shi hpe adup sat kau nna, shi a baw daw la ya nhtawm, shana tup dai pa hku, gat sa wa ma ai.

Jinghpaw Common Language Bible 2009

⁷ Dai hpang nhku kata de kalang mi bai sit shang wa nhtawm Ishboshet yup nga ai gawk kata de shang nna shi hpe sat kau ma ai. Shan mung shi a baw hpe daw la nhtawm dai hpe lang let shana tup dai Yawdan Kadit hku lai sa wa ma ai.

2 SAMUELA 4:7 ပူးပေါင်းရင်းမြစ်များ

2 SAMUELA 2:29

Abna hte shi a masha ni gaw shana tup dai pa hku ga wa nna, Yawdan hka rap nhtawm, Bihtron mung tawng mat wa nna, Mahanim mare du wa ma ai.

PRU MAT 8:3

dai hka na shu kanawng pru na ra ai rai nna, dai ni gaw na a nta e mung, na a yup ra hta mung, na a agyi salang ni a nta e mung, na amyu masha ni hta mung, na a muk kabaw na wan htung ni hta mung, na a shadung gumrin ai n-gawt ni hta mung lung wa na mara ai:

MAHTE 14:11

Shi a baw hpe mung ban hta la pru nna, dai mahkawn hpe ap ya nu ai: shi chyawm gaw, shi a kanu hpang de la wa wu ai.

1 SAMUELA 17:51

Shaloi Dawi gat sa wa nna, Hpilisti wa makau e tsap let, shi a n-ga na nhtu shaw la nhtawm, shi hpe du htau daw nna sat shakre wu ai: Hpilisti masha ni mung, shanhte a share langang wa si ai mu jang, htaw mat wa ma ai.

1 SAMUELA 17:54

Dawi chyawm gaw Hpilisti wa a baw la nna, Yerusalem mare de la wa wu ai: dai wa a hpyen hking palawng chyawm gaw, shi a sum e tawn da wu ai.

1 SAMUELA 31:9

Shawlu a baw hpe shanhte daw la kau nhtawm, shi a hpyen palawng raw la nna, shanhte a sumla hpara jawng hkan e mung, masha ni a man e mung kajai gumhkawng na matu, Hpilisti mung grup yin hkan e shagun dat mu ai.