2 SAMUELA 4:12 - Jinghpaw Hanson Version Bible

¹² Shing rai Dawi gaw shi a shabrang ni hpe hkang dat nna, shan hpe sat kau mu ai: lagaw lata ni hpe daw la nna, Hebron hka lawng makau e noi da mu ai. Ish-boshet a baw hpe chyawm gaw, la nna Hebron mare e, Abna a lup hta lup makoi ya mu ai.

Jinghpaw Common Language Bible 2009

¹² Dawi gaw shi a hpyenla ni hpe hkang dat ai hte Rehkab hte Bana yan hpe sat kau ma ai; shan a lagaw lata ni hpe kahtam daw la nna Hebron hka lawng makau e noi da ma ai. Ishboshet a baw hpe chyawm gaw shanhte la nna Hebron mare e Abna a lup hta lup makoi da ma ai.

2 SAMUELA 4:12 ပူးပေါင်းရင်းမြစ်များ

2 SAMUELA 1:15

shabrang langai mi hpe shaga nna, “Sa rit, ndai wa hpe sat kau su,” ngu wu ai. Dai shabrang wa mung, shi hpe sa sat kau wu ai.

2 SAMUELA 16:8

Shawlu a mungdan kashun la nna, shi a amyu matu ni hpe sat kau ai yubak nlang hte gaw, na ntsa e Yehowa nhtang dat ya nna, na a mungdan hpe na nsha Absalom a lata hta ap kau nu ai: hkrum sha u, nang masha sat ai wa rai nna she, matai dawp ai hkrum nga ndai,” ngu wu ai.

2 SAMUELA 2:8

Rai timung, Nira kasha, Shawlu a jaubu kaba wa Abna gaw, Shawlu a kasha Ish-boshet hpe Mahanim mare de woi wa nhtawm,

2 SAMUELA 21:9

Gibeon masha ni a lata de ap ya mu ai; shanhte gaw dai kawng ntsa Yehowa a man e shanhte hpe noi kau mu ai rai nna, dai marai sanit hte ting lang ta si mat ma ai: shanhte hpe sat ai shani gaw, muk-yaw mam dan hpang ai shani rai nga ai.

2 SAMUELA 3:32

Shing rai shanhte Abna hpe Hebron mare de lup makoi mu ai: hkawhkam wa mung, Abna a lup makau e jahtau hkrap nga ai; masha ni mahkra mung, hkrap ngu hkrap ngoi nga ma ai.

SHAKAWN KUNGDAWN 55:23

Nang chyawm gaw Karai Kasang e, Hten byak hkrum na nhkun de shanhte hpe jahkrat kau na mu ai. Sai kap ai ni hte hkalem sha ai ni, Prat hpungngang ga na ma ai, n rai. Ngai chyawm gaw nang hta machyu nga na nngai.

MAHTE 7:2

Kaning rai nme law, nanhte jeyang ai hku hkan nna, nanhte jeyang ai hkrum na marin dai; nanhte hteng ya ai dang hte, nanhte hpe hteng ya na marin dai.