2 SAMUELA 4:11 - Jinghpaw Hanson Version Bible

¹¹ Ya dai hta n-ga, n hkru ai masha ni dingman ai wa hpe shi a nhku kata yup ra e naw sat ai rai yang, grau nna sat mai ai n rai ni? ya jang shi a sai nan kaw ngai hpyi nna, nan hpe mungkan ga na seng kau mai sai, n rai ni?” ngu nna daru mu ai.

Jinghpaw Common Language Bible 2009

¹¹ Shi a nta kata e yup nga ai dai ding man ai masha wa hpe n hkru ai masha ni sat kau ai gaw gade wa grau n kaja nga sahka! Shi hpe sat kau nga manit dai majaw ya ngai matai dawp na nngai; nan hpe ndai ginding aga kaw nna seng kau na mawe ai!,” ngu nna htan wu ai.

2 SAMUELA 4:11 ပူးပေါင်းရင်းမြစ်များ

NINGPAWT NINGHPANG 4:11

Dai rai nna na a lata na nnau wa a asai hpe hkap la na, shi a n-gup mahka ai aga a dagam ai gaw, nang hkrum lu na ndai;

NINGPAWT NINGHPANG 6:13

Shaloi Karai Kasang Noa hpe tsun wu ai gaw, “Dinghta hkum shan yawng mayawng a chyahtum gaw nye a man e pru ra ai; kaning rai nme law, dai ni a majaw dinghta ga gaw kashun kashe re ai hte hpring chyat nga ai: dai rai nna, yu u, ga hte nawng, ngai shanhte hpe jahten kau na mawe ai.

NINGPAWT NINGHPANG 7:23

Shaloi, ga ntsa na hkrung mahkrung mahkra gaw, shinggyim masha mung, yamnga mung, gumrawt hkawm ai baw mung, ntsa malen pyen ai u mung, atsai awai di kau ai hkrum ma ai: dai ni gaw ga ntsa na atsai awai di kau ai hkrum ma ai rai nna, Noa hte dai sanghpaw li kata shi hte rau rawng ai ni sha ngam nga ma ai.

2 SAMUELA 16:8

Shawlu a mungdan kashun la nna, shi a amyu matu ni hpe sat kau ai yubak nlang hte gaw, na ntsa e Yehowa nhtang dat ya nna, na a mungdan hpe na nsha Absalom a lata hta ap kau nu ai: hkrum sha u, nang masha sat ai wa rai nna she, matai dawp ai hkrum nga ndai,” ngu wu ai.

2 SAMUELA 3:27

Ya abna gaw Hebron mare de bai du jang Yoab shi hpe angwi sha shachyen shaga ai wa zawn di nna, mare chyinghka lam ka-ang e woi sa nhtawm shi a kanau Asahela hpe sat kau ya ai matai, Abna a kan hpe galun ya wu ai rai nna, shi mung si mat sai.

2 SAMUELA 3:39

Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

1 HKAWHKAM 2:32

Shi gaw, shi hta grau dinghpring nna kaja nga ai marai lahkawng hpe nhtu hte sat kau ru ai rai nna, nye wa Dawi dai lam n chye wu ai majaw, Yehowa gaw dai sai hpe shi baw ntsa e bai htang bun nu ai; dai yan lahkawng gaw, Israela luksuk ni a hpyen du Nira a kasha Abna hte Yuda luksuk ni a hpyen du Yehtera kasha Amasa rai ma ai.

SHAKAWN KUNGDAWN 109:15

Dai gaw, Yehowa a man e tut tut anga nga nna, ga hta na shanhte a masat dingsat shaprai kau u ga.

SHAKAWN KUNGDAWN 9:12

Sai matai dawp ai wa gaw shanhte hpe dum nga nna, Myit gyip ai ni a hpyi jahtau ai hpe malap kau ya mu ai n rai.

PRU MAT 21:12

Mahsa hpe sat kau ai wa gaw, teng teng si ai hkrum lu na rai nga ai.

PRU MAT 9:15

Nye a lata ngai sharawt nna, nang hpe mung, na a amyu masha ni hpe mung ana ahkya hte ari jaw made taw gaw, ndai ga ntsa na nang htum mat na nit dai:

GA SHAGAWP 2:22

Tara n lang ai ni chyawm gaw, dai mungdan na shamyit kau ai hkrum nna, Hkalem sha ai ni gaw baw kau ai hkrum na mara ai.

GA SHAGAWP 25:26

Dinghpring ai wa gaw, tara n lang ai wa a man e myit kataw yang, Hkanu ai hka hpawk, yat ai hka htung hte bung nga ai.

YEREMIA 10:11

“Sumsing lamu hte ginding aga hpe n hpan da ai hpara ni gaw, sumsing lamu npu, gingding aga ntsa na hkoi mat na mara ai,” ngu nna shanhte hpe sa tsun dan mu.

HABAKU 1:12

Nye a Karai Kasang Yehowa e, nang gaw moi chyaloi nhkoi kaw nna, nye a Chyoi pra ai Wa rai nga ndai, n rai ni? anhte gaw si na ga ai, n rai. Yehowa e, dawdan na matu nang shi hpe san da nu ai; Lunghkrung e, anhte hpe sharin achyin ya na matu nang shi hpe tawn da nu ai.

HABAKU 1:4

Dai re ai majaw tara tang mat nna, tara malang ai hku galoi n pru hkraw ai; tara n lang ai wa gaw, dinghpring ai wa hpe wang tawn nna, tara dara yang, n jaw ai hku hkrai pru nga ai.

1 YAWHAN 3:12

Dai n hkru ai wa hte seng ai Ka-in gaw, shi a kanau hpe sat kau wu ai zawn n rai. Shi hpe hpa re ai majaw, sat kau wu hka? Shi a amu bungli n kaja nga lu ai hte, shi kanau a amu bungli mahtang kaja nga ai majaw, shi hpe sat kau wu ai rai.