2 SAMUELA 3:9 - Jinghpaw Hanson Version Bible

⁹ Yehowa gaw, Ndai mungdan hpe Shawlu a amyu na shaw la nhtawm, Dan mare kaw nna Berasheba mare du hkra ngu ai, Israela hta Yuda mung ting ntsa e, Dawi a tingnyang tawn da na, nga nna dagam ai hte maren,

Jinghpaw Common Language Bible 2009

^9-10 Dawi gaw Shawlu hte shi a amyu matu mara ni a lata na mungdan hpe la kau nhtawm mungdan htum ai shara mi kaw nna maga mi de hkren dam ai Israela hte Yuda mungdan lahkawng yan a hkawhkam tai shangun na lam, dai Madu Dawi hpe ga sadi jaw tawn nu ai. Ya chyawm gaw ndai lam teng wa hkra n shabyin taw gaw, Karai Kasang ngai hpe adup sat kau nu ga law!,” ngu nna jahtau tsun wu ai.

2 SAMUELA 3:9 ပူးပေါင်းရင်းမြစ်များ

2 SAMUELA 19:13

Amasa hpe mung, Nang nye nra nye shan rai ndai n rai ni? Nang hpe nye a man e Yoab malai tut tut na jaubu n shatai de yang gaw, dai hta grau nna Karai Kasang ngai hpe deng u ga, nga ai, ngu nna mung, tsun mu, ngu nna htet dat wu ai.

2 SAMUELA 19:14

Shing rai Yuda amyu masha yawng hpe lang lata sha, shanhte a myit shi hpang de kayin la wu ai rai nna, shanhte mung, Nang madu a mayam ni yawng hte hpawn, nang hkum nan bai wa rit, ngu nna hkawhkam wa hpe sa woi na shangun dat mu ai.

2 SAMUELA 3:35

Jan garai n du yang, Dawi hpe, Shat sha ga nga, nga nna masha nlang sit sa shagwi mu timung, Dawi gaw, “Jan garai n shang yang shat n re ai shahpa lama mi sha a chyim we yang gaw, dai hta grau nna Karai Kasang ngai hpe deng ru ga,” ngu nna dagam wu ai.

1 HKAWHKAM 19:2

Shing rai Yezebela gaw Elia hpang de kasa shangun dat nna, “Hpawt de ndai aten e, na a asak hpe shanthe hta na langi mi a asak hte maren ngai n di yang gaw, Hpara ni ngai hpe dai hta grau na di mi ga law,” nga ai.

1 HKAWHKAM 2:23

Bai hkawhkam Shawlumon gaw, “Adoniya asak sum na matu, ndai ga n tsun ai teng yang gaw, Karai Kasang dai hta grau nna ngai hpe deng u ga:

1 HKAWHKAM LABAU 12:23

Da ndai hte gaw, Yehowa mungga hte maren, Shawlu a mungdan, Dawi a lata de ap ya na nga, Hebron mare de shi kaw sa du ai, hpyen majan galaw na matu ri nhtu lang ai agyi ni a nambat rai nga ai.

RUHTA 1:17

nang si ai shara e ngai si nna, dai yang e makoi mayang hkam na nngai; si nna sha n rai yang gaw, kaga lam majaw nang hta ngai ahka sayang gaw, dai hta grau Yehowa ngai hpe deng n ga,” ngu nna bai tsun wu ai.

1 SAMUELA 14:44

Shawlu chyawm gaw, “Yonahtan e, nang teng teng n si lu ai nga yang gaw, Karai Kasang dai hta grau ngai hpe di nu ga,” ngu wu ai.

1 SAMUELA 15:28

Dai majaw Samuela gaw, “Dai ni Yehowa Israela mungdan, nang kaw na gang je la nna, nang hte grau kaja ai, na a htingbu wa langai mi hpe, jaw kau nu ai.

1 SAMUELA 25:22

Hpawt de nhtoi htoi jang, shi hte seng ai nlang hta na, lasha ma langai mi she ngam da ai nga sayang gaw, dai hta grau nna, Dawi a hpyen ni hpe Karai Kasang di mu ga,” ngu nan shaka kau mu ai.

1 SAMUELA 28:17

Yehowa ngai hta tsun ai hte maren, nang hta di nu ai: ndai mungdan hpe na a lata na Yehowa gare la nna, na htingbu wa Dawi hpe jaw kau nu ai.

1 SAMUELA 3:17

Bai Eli gaw, “Nang hpe hpa lam sun a ta? ngai e hkum ip da et; Karai Kasang nang hpe tsun matsun hta na lama ma ip da n yang gaw, shi tsun ai hta n-ga nang hpe di u ga,” ngu wu ai.