2 SAMUELA 3:6 - Jinghpaw Hanson Version Bible

⁶ Ya Shawlu a amyu hte Dawi a amyu majan baw nga ai hte yang, Abna gaw Shawlu amyu a maga de n-gun shaja nga ai.

Jinghpaw Common Language Bible 2009

⁶ Dawi a masha ni hte Shawlu a dinghku hta sadi dung ai masha ni a lapran e gasat gala lam naw byin nga ai rai nna, Shawlu kaw hkan nang ai masha ni hta Abna gaw grau grau nna n-gun rawng wa nga ai.

2 SAMUELA 3:6 ပူးပေါင်းရင်းမြစ်များ

2 SAMUELA 3:1

Shing rai Shawlu a amyu hte Dawi a amyu gaw, na na wa majan gasat nga nna, Dawi mahtang n-gun ja wa nna, Shawlu amyu gaw le le yawm mat ma ai.

2 SAMUELA 3:5

La N-yaw ngu na, Dawi a numdung jan Egla kaw na Itream rai nga ma ai. Ndai hte gaw, Hebron mare e naw nga yang, Dawi shaprat ai kasha ni rai nga ma ai.

2 HKAWHKAM 10:23

Shaloi Yehu hte Rehkab a kasha Yehonadab, Bala nta de shang nna, “Bala hpe nawku ai ni hta Yehowa hpe nawku ai ni langai mi muk n lawm hkra, atsawm sha hkan sawk yu mu,” ngu nna Bala nawku ai ni hpe hkang da mu ai.

2 HKAWHKAM LABAU 25:8

Rai timung nang sa mayu yang, sa gasat shaja nga u; Karai Kasang, chyawm gaw, hpyen ni a man e nang hpe jasum kau na ndai: Karai Kasang gaw, karum na mung, jasum kau na mung, n-gun atsam rawng nga ai,” ngu wu ai.

GA SHAGAWP 21:30

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

MAHTE 12:30

Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw, ayai aya rai nga ai.

1 SAMUELA 14:50

Shawlu a madu jan gaw, Ahimaya a shayi sha Ahinoam rai nga ai. Shi a hpyen laba ni a langang wa gaw, kawa doi Nera a kasha Abna rai nga ai.