2 SAMUELA 3:34 - Jinghpaw Hanson Version Bible

³⁴ Na a lata hpe gyit ai n nga, Na a lagaw hpri sumri kata: N hkru ai wa a lata e si ai hkrum ai zawn, nang si hkrum nit hka!” nga ai. Masha ni nlang hte mung bai hkrap shajang ma ai.

Jinghpaw Common Language Bible 2009

³⁴ Shi a lata ni hpe gyit da ai n rai; Shi a lagaw ni hpe sumri hte hkang da ai n rai. N hkru ai wa a lata hte sat kau hkrum ai wa zawn shi si mat nga sahka!.” Amyu masha ni mung shi a matu kalang mi bai hkrap ngu hkrap ngoi nga ma ai.

2 SAMUELA 3:34 ပူးပေါင်းရင်းမြစ်များ

2 SAMUELA 1:12

Shawlu hte shi a kasha Yonahtan yan wa mung, Yehowa a amyu masha ni mung, Israela amyu masha ni mung, nhtu hte sat kau hkrum ma ai majaw, shanhte gaw shana du hkra sharung shayawt hkrap ngu hkrap ngoi ai hte lusha gam nga ma ai.

2 SAMUELA 3:33

Hkawhkam wa mung Abna a matu hkrap sharung nga nna, “Masha angawk si ai zawn, Abna si mai a ni?

2 SAMUELA 3:35

Jan garai n du yang, Dawi hpe, Shat sha ga nga, nga nna masha nlang sit sa shagwi mu timung, Dawi gaw, “Jan garai n shang yang shat n re ai shahpa lama mi sha a chyim we yang gaw, dai hta grau nna Karai Kasang ngai hpe deng ru ga,” ngu nna dagam wu ai.

YOBA 24:14

Masha sat ai wa gaw nhtoi htoi yang rawt nna, nni nkri hkrum ai ni hte matsan mayan ni hpe sat kau nga ai: shana e rai yang lagu lagut tai nga ai.

EZEKELA 32:16

Da ndai gaw sharung shayawt ai ga rai nga nna, amyu baw ni a shayi sha ni gaw, Egutu mung hte de a wunawng wuwa ni a matu, dai ga hkan nna sharung shayawt na mara ai,” nga nna Madu Yehowa tsun ai.

HOSEA 6:9

Damya hpung ni gaw, masha hpe gyam ai zawn, hkinjawng hpung ni gaw, Shehkem de sa wa ai lam hta, masha hpe sat kau ma ai: gaja wa, shanhte gaw sawse lawklek ai amu galaw ma ai.

TARA AGYI 16:21

Dai rai nna Hpilisti masha ni gaw shi hpe rim la nhtawm, shi a myi achyaw baw kau ya mu ai; shing di, Gaza mare de la wa nna, magri sumri hte gyit tawn let, htawng kata e htumrin rin shangun mu ai. Rai timung, shi a doi kau ai kara, bai tu wa ra ai.