2 SAMUELA 3:31 - Jinghpaw Hanson Version Bible

³¹ Dawi chyawm gaw, Yoab hte shi kaw hkan nang ai masha ni nlang hte hpe, “Nanhte a hpun palawng gang je kau nna, lachyit nba lawai let, Abna a matu hkrap ngu hkrap ngoi nga mu,” ngu nna hkang dat wu ai. Hkawhkam Dawi shi hkum nan, dai mang lup ai de hkan sa wu ai.

Jinghpaw Common Language Bible 2009

³¹ Dawi gaw Yoab hte shi a masha ni hpe shanhte a bu hpun palawng ni gang je kau nhtawm lachyit nba lawai let Abna a matu sharung shayawt na lam hkang dat wu ai. Dai moi mang makoi mayang ai shaloi, Hkawhkam Dawi mung shi hkum nan moi mang shingdu kaw nna hkan sa nang wu ai.

2 SAMUELA 3:31 ပူးပေါင်းရင်းမြစ်များ

NINGPAWT NINGHPANG 37:29

Shaloi Rubin dai nhkun de bai wa yu yang, nhkun hta Yawsep n nga sai, mu wu ai; dai rai nna shi a palawng shi gang je kau wu ai.

NINGPAWT NINGHPANG 37:34

Shaloi Yaku shi a palawng gang je kau nna, lachyit nba lawai let nhtoi law law wa shi kasha a majaw sharung shayawt nga ai.

2 SAMUELA 1:11

Shaloi Dawi shi a palawng gang je kau wu ai rai nna, shi a masha ni mahkra dai hte maren galaw ma ai:

2 SAMUELA 1:2

masum ya ngu na shani hta, masha langai wa mi tinang a palawng gang je kau let, shi a baw e ga nhpu hte bun let, Shawlu a dap na wa nna, Dawi hpang de du jang, ga e dingnyawm dagup nawku nga ai.

1 HKAWHKAM 20:31

Shaloi shi a ali ama ni gaw, “Yu u, Israela hkawhkam ni gaw matsan dum chye ai hkawhkam ni rai nga ma ai hpe, anhte na yu sagaw ai; dai rai nna, anhte lachyit nba bu hpun ai hte baw hta sumri ahkyen nna, Israela hkawhkam hpang de sa na ahkang jaw mi; shi na a asak hpe mahkoi jahkrung da na nhten,” ngu nna hkawhkam wa hpe tsun mu ai.

1 HKAWHKAM 21:27

Ya Ahab gaw dai ga na jang, shi a hpun nba gang je kau nhtawm, lachyit nba dagraw nna, lusha gam let, lachyit nba hta kaleng taw ai hte yawn hkawm nga ai.

2 HKAWHKAM 19:1

Ya hkawhkam Hezekia gaw dai ga na jang, shi a hpun nba gang je kau nna, lachyit nba bu hpun let, Yehowa nta de shang wa ai.

2 HKAWHKAM 19:2

Bai shi gaw kunhting wa Eliakim yan chyare wa Shebna hte hkinjawng salang ni hpe, lachyit nba bu hpun let, Amot a kasha myihtoi Esaia hpang de shangun dat mu ai.

LUKA 7:14

Ani sha shi sit sa nna dai da-u hpe ahtawk wu ai; hpai ai ni mung tsap ya nga ma ai: shaloi shi gaw, Shabrang e, ngai nang hpe tsun de ai, rawt u, ngu wu ai.

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

TARA AGYI 11:35

Yephta gaw shi hpe mu jang, shi a palawng gang je kau let, “Ngai sha goi e; nang ngai hpe grai shagrit kau nit dai gaw; nang ngai e sharu ai langai mi re hka! Yehowa hpe ngai shaka kau se ai, shaw la mai sai n rai,” ngu nna tsun wu ai.