2 SAMUELA 3:3 - Jinghpaw Hanson Version Bible

³ La N Naw ngu na gaw, Hkarmela shara na Nabala gaida jan Abigela kaw na Hkilab rai nga ai; La N-la ngu na, Geshura hkawhkam Talamai a shayi sha Mahka kaw na Absalom rai nga ai:

Jinghpaw Common Language Bible 2009

³ Hkarmela mare na Nabala a gaida jan kanu Abigala a kasha Hkilab, Geshura Hkawhkam Talamai a shayi sha kanu Mahka a kasha Absalom;

2 SAMUELA 3:3 ပူးပေါင်းရင်းမြစ်များ

2 SAMUELA 13:1

Ya dai amu byin ai hpang, Dawi a kasha Absalom kaw, Tama mying ai ahpraw tsawm ai kajan langai mi nga ai rai nna, Dawi kasha Amnon gaw shi hpe tsaw da wu ai.

2 SAMUELA 14:23

Dai re ai majaw Yoab rawt nna, Geshura mare de sa wa nhtawm, Absalom hpe Yerusalem mare de woi la wu ai.

2 SAMUELA 14:24

Hkawhkam wa chyawm gaw, “shi a nta de wa nga u ga, nye a man e hkum dawng pru shangun rit,” ngu wu ai. Shing rai Absalom gaw shi a nta de nga nga nna, hkawhkam wa a myi man n mu lu wu ai.

2 SAMUELA 14:32

Absalom gaw, “Yu u, Ngai gaw Geshura mare na hpa majaw wa a ta? dai yang ya du hkra nga yang grau mai ai, ngu nna hkawhkam wa kaw sa tsun shangun na ngai nang hpe shaga de ai: ya mung hkawhkam wa a myi man ngai hpe mu shangun e; ngai hta mara nga yang mung shi ngai e sat kau ru ga,” ngu nna Yoab hpe htan wu ai.

2 SAMUELA 15:7

Ya mali shi ning lai yang, Absalom gaw hkawhkam wa kaw shang nna, “Na a mayam Suri mung na Geshura mare e naw nga yang, Yehowa hpe ning nga ga shaka da sai; ‘Yehowa ngai hpe Yerusalem de bai woi wa yang gaw, ngai Yehowa hpe jaw jau na nngai,’ ngu se ai.

2 SAMUELA 15:8

Dai rai nna Yehowa hpe ngai shaka da se ai hte maren, Hebron mare de wa nna ga shaka rap wa raw na ahkang jaw dat e,” ngu nna hpyi wu ai.

2 SAMUELA 18:33

Shaloi hkawhkam wa masin kahpra nna, mare chyinghka ntsa na gawk de lung wa let hkrap nga ai: shing rai lung wa yang, Ngai sha Absalom e, ngai sha, ngai sha absalom e! nang si na malai ngai si n ga law e; ngai sha. ngai sha, Absalom e, nga nna hkrap sharung nga ai.

2 SAMUELA 2:2

Dai rai nna Dawi gaw, shi a madu jan, Yezrela num Ahinoam hte Hkarmela shara na Nabala gaida Abigela hpe woi nna lung wa ai.

1 HKAWHKAM 1:6

Shi a kawa gaw, “Nang hpa majaw ning rai galaw nga n ta?” ngu nna shi hpe myit machyi hkra kalang ni muk n daru yu wu ai; dai wa gaw gawng shing-yan hpung nachying rawng nga ai; Absalom a kanau mung rai nga ai.

1 HKAWHKAM 2:15

Shaloi shi gaw, “Nang chye nga ai hte maren, dai mungdan gaw nye a mungdan rai nga nna, ngai hkaw dung na, Israela masha ni nlang ngai hpang de myi man yawng wa masai; rai timung ban galai nna, mungdan gaw ngai nau wa a mungdan tai wa sai: dai lam gaw Yehowa a myit rai nga ai.

1 HKAWHKAM LABAU 3:1

Da ndai gaw Hebron mare e shangai ai Dawi a shadang sha ni rai ma ai: Yezrela num Ahinoam, kasha alat Amanon; lahkawng ngu na, Hkarmela num Abigala a kasha Daniela;

1 HKAWHKAM LABAU 3:2

masum ngu na, Geshura hkawhkam Talamai a shayi sha Mahka a kasha Absalom; mali ngu na Hagit a kasha Adoniya;

TARA JAHPRANG 3:14

Manashe a kasha Ya-ira gaw Argoba ginwang ting hpe, Geshuri hte Mahkahti masha ni a lamu ga jarit du hkra madu la nhtawm, shi a mying hkan nna, dai ni du hkra dai Bashan mung a mare ni hpe Hawot-Ya-ira ngu nna shamying da wu ai.)

YAWSHU 13:13

Rai timung, Israela kashu kasha ni gaw, Geshuri hte mahkahti masha ni hpe shachyut kau mu ai n rai: Geshuri hte Mahkahti masha ni, dai ni du hkra Israela masha ni hta nga nga ma ai.

1 SAMUELA 25:3

Dai wa a mying gaw Nabala, shi madu jan a mying gaw Abigela rai lu ai; dai num gaw hpaji rawng ai rai nna, ahpraw mung tsawm nga ai; madu wa chyawm gaw, myit ja ai hte n hkru ai amu shapraw chye ai wa rai nga ai; shi gaw Hkaleb lakung hta na rai nga ai.

1 SAMUELA 25:42

alawan rawt nna shi a mayam num marai manga hte lawze jawn let, Dawi shangun dat ai ni kaw hkan wa ma ai rai nna, Dawi a madu jan tai nga ai.

1 SAMUELA 27:8

Shaloi Dawi hte shi a masha ni gaw, Geshuri, Gerazi hte Amalek masha ni hpe sa hpya ma ai: kaning rai nme law, dai amyu ni gaw, moi nna Shura de sa ai lam dingdung, Egutu mung htep anga nga ai ni rai nga ma ai.