2 SAMUELA 3:18 - Jinghpaw Hanson Version Bible

¹⁸ Yehowa mung, Nye a mayam Dawi a lata hte, nye amyu Israela hpe, Hpilisti masha ni a lata na mung, masha hpyen ni yawng a lata na mung, ngai hkye mawai la na we ai,” nga nna Dawi hpe lakap nna tsun nu ai.

Jinghpaw Common Language Bible 2009

¹⁸ Ya chyawm gaw ndai aten e nanhte a matu ahkaw ahkang nan rai nga manit dai. Dai Madu gaw, ‘Nye a amyu masha Israela ni hpe Hpilisti masha ni a lata kaw na mung, kaga gumlau hpyen ni yawng a lata kaw na mung hkrang shaw la na nye a shangun ma Dawi hpe ngai lang na we ai hpe dum nga mu,’” ngu nna tsun ai.

2 SAMUELA 3:18 ပူးပေါင်းရင်းမြစ်များ

2 SAMUELA 3:9

Yehowa gaw, Ndai mungdan hpe Shawlu a amyu na shaw la nhtawm, Dan mare kaw nna Berasheba mare du hkra ngu ai, Israela hta Yuda mung ting ntsa e, Dawi a tingnyang tawn da na, nga nna dagam ai hte maren,

2 SAMUELA 8:6

Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

1 SAMUELA 13:14

ya chyawm gaw na a magam grin sa na n rai: Yehowa gaw shi a myit dik ai masha tam nga ai; nang mahtang, Yehowa nang hpe hkang da ai ga matsun n hkan nang ndai majaw, Yehowa gaw dai wa hpe shi a amyu Israela du shatai na, san da nu ai,” ngu wu ai.

1 SAMUELA 15:28

Dai majaw Samuela gaw, “Dai ni Yehowa Israela mungdan, nang kaw na gang je la nna, nang hte grau kaja ai, na a htingbu wa langai mi hpe, jaw kau nu ai.

1 SAMUELA 16:1

Dai rai nna Yehowa Samuela hpe, “Israela hkawhkam aya na ngai jahkrat kau ai Shawlu a majaw, nang gaten du hkra yawn nga na n ta? Na a tau hta namman bang jahpring nna sa su; Betlehem masha Yese hpang de shangun dat de ga; shi a kasha ni hta na langai mi, nye a matu hkawhkam shatai na, ngai san da se ai,” ngu wu ai.

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.