2 SAMUELA 3:14 - Jinghpaw Hanson Version Bible

¹⁴ Dawi mung Ish-boshet hpang de kasa dat dat nna, “Hpilisti masha ni a hpyi matu latsa hte ngai mari la ai, nye a madu jan Mihkala hpe ap ya dat rit,” ngu nna htet dat wu ai.

Jinghpaw Common Language Bible 2009

¹⁴ Dawi mung Ishboshet hpang de kasa shangun dat nhtawm, “Nye a madu jan Mihkala hpe ap ya mi. Shi hpe hkungran la na matu Hpilisti masha ni a hpyi matu latsa hte ngai mari la ni ai,” ngu nna tsun shangun dat wu ai.

2 SAMUELA 3:14 ပူးပေါင်းရင်းမြစ်များ

2 SAMUELA 2:10

Shawlu a kasha Ish-boshet gaw asak mali shi ning hta hkaw dung nna, ni ning dung sha lu ai. Yuda amyu chyawm gaw Dawi kaw hkan ma ai.

2 SAMUELA 3:15

Dai majaw Ish-boshet mung masha shangun nna, num dai hpe, Laisha a kasha Patiela mying ai madu wa kaw na shaw la wu ai.

2 SAMUELA 6:16

Ya Yehowa a sumpu Dawi mare de shang wa nga yang, Shawlu a kasha Mihkala gaw hkuwawt hku mada yu nna, hkawhkam Dawi Yehowa man e ka let manawt let, wa ai mu wu jang, shi hpe hkyet yu rung wu ai.

MAHTE 1:18

Ya, Yesu Hkristu a shangai wa ai lam ning rai nga ai: Shi a kanu Mari gaw, Yawsep e mahtan da nga sai rai nna, shan shada da garai n kanawn yang, shi gaw dai Chyoi pra ai Wenyi a majaw na-um nasin rai wa sai.

1 SAMUELA 18:25

Bai Shawlu gaw, “Ning ngu Dawi hpe bai tsun mu: Hkawhkam wa shi a hpyen ni hta masin jasat lu hkra, Hpilisti masha ni a hpyi matu latsa hta kaga, hpu ja shaje n ra ai da,” ngu nna tsun dat wu ai. Dai gaw, Dawi hpe Hpilisti masha ni a lata hta si u ga, nga nna Shawlu myit ai rai nga ai.

1 SAMUELA 18:27

Dawi gaw shi a masha ni hte rawt sa nna, Hpilisti masha ni tsa sat kau nhtawm, hkawhkam a kahkri tai lu na matu, dai ni a hpyi matu la wa nna, ahkum sha hkawhkam wa hpe wa hti ya mu ai. Shawlu mung shi a shayi sha Mihkala ya sha lu wu ai.

1 SAMUELA 25:44

Shawlu chyawm gaw, shi a shayi sha, Dawi a madu jan Mihkala hpe, Galim shara na Laisha kasha Palati e ya sha kau nu ai.