2 SAMUELA 3:12 - Jinghpaw Hanson Version Bible

¹² Shaloi jang Abna gaw Dawi hpang de kasa dat dat nna, “Ndai mungdan gaw, gade a mungdan rai sata? Ngai hte htingrat ga; Israela amyu yawng hpe, nang hpang de kayin wa hkra, ngai nang hpang de shang n ga,” ngu nna tsun dat wu ai.

Jinghpaw Common Language Bible 2009

¹² Abna gaw dai aten e Hebron mare e nga ai Dawi hpang de kasa ni hpe dat dat nna, “Ndai mungdan hpe kadai wa up hkang na rai nga a ta? Ngai hte myit hkrum lam galaw tawn da ga, shaloi nang hpang maga de Israela ni yawng kayin mat wa hkra ngai karum ya na de ai,” ngu nna tsun shangun dat wu ai.

2 SAMUELA 3:12 ပူးပေါင်းရင်းမြစ်များ

2 SAMUELA 19:14

Shing rai Yuda amyu masha yawng hpe lang lata sha, shanhte a myit shi hpang de kayin la wu ai rai nna, shanhte mung, Nang madu a mayam ni yawng hte hpawn, nang hkum nan bai wa rit, ngu nna hkawhkam wa hpe sa woi na shangun dat mu ai.

2 SAMUELA 19:41

Shaloi Israela amyu masha ni mahkra gaw hkawhkam wa hpang de sa nna, Anhte a hpunau Yuda amyu masha ni gaw, nang hpe lagu la nna, nang hte na a nta masha, na a ali ama yawng hpe, Yawdan hka sa sharap la ai gaw, hpa majaw rai ma ta? ngu nna hkawhkam wa hpe daru mu ai.

2 SAMUELA 19:6

hpyen ni hpe mahtang tsawra nna, jinghku ni hpe gaw n dawng kau nit dai. Na agyi salang ni hte ali ama ni hpe hpa n sawn ai gaw, nang dai ni dan dan madun nit dai: Absalom hkrung nga nna, na a mayam ni nlang dai ni si yang mahtang, nang grai kabu na gaw, dai ni ngai chye se ai.

2 SAMUELA 3:11

Ish-boshet chyawm gaw, Abna hpe hkrit wu ai majaw, ga hkaw mi muk n htan gwi wu ai.

2 SAMUELA 3:13

Dawi mung, “Mai sa, ngai nang hte htingrat na nngai; rai timung, ngai hpyi ai lam langai mi nga ai; nang ngai kaw myi man pru dawng na rai yang, Shawlu a kasha Mihkala hpe mung woi sa ya lu na ndai; dai n rai yang, nye myi man n mu lu na ndai,” ngu dat wu ai.

2 SAMUELA 3:21

Bai Abna gaw Dawi hpe, Israela masha ni yawng, nang hte ga shaka shangang lu na matu mung, nang madu myit hte tup up sha nga lu na matu mung ngai rawt sa wa nna, dai ni mahkra hpe nye madu nang hkawhkam wa kaw woi jahpawng na nngai ngu wu ai. Dawi mung Abna hpe dat dat nna, shi gaw ngwipyaw ai hte sa wa ai.

2 SAMUELA 3:27

Ya abna gaw Hebron mare de bai du jang Yoab shi hpe angwi sha shachyen shaga ai wa zawn di nna, mare chyinghka lam ka-ang e woi sa nhtawm shi a kanau Asahela hpe sat kau ya ai matai, Abna a kan hpe galun ya wu ai rai nna, shi mung si mat sai.

2 SAMUELA 3:38

Bai hkawhkam wa gaw shi a ali ama ni hpe, “Israela amyu hta, dai ni du agyi hte magam ninggrau wa langai mi si wa sai, nanhte n chye myit ni?

SHAKAWN KUNGDAWN 62:9

Kaja wa, darat daroi masha ni nbung hkrai rai nga ma ai; Daru magam masha ni masu ai hkrai rai nga ma ai: Shanhte hpe joi hta shen yu yang, yawng hte wa nbung hta grau tsang ma ai.